1 Timoti 5:11 - Loina Tabu Auwauna NT

¹¹ Ta kwabula nidi taudi ma'etamo nigeya sieilemwaya geya'abo silugulugu be sionaupaupa Keliso 'enaya be 'aene geya'abo siaiai limana, manuna taudi nadigega 'iabe 'idi onaupaupa nina sile'oa be siai limana,

1 Timoti 5:11 Σταυροειδείς Αναφορές

1 Timoti 4:3

'Idi kabo nidi 'aina gete, 'aene ai yage to'umalina, ta wate 'aina masula 'adi 'ai si'etobodedi. Ta 'omi Keliso 'ana toemisao e'ita 'ai'aila wamwalamwalatoni 'aene Yaubada masula maibo'ana 'ibubudi 'e'ai manuna, be 'aene ma ida gwausowala tada 'enidi.

1 Timoti 5:12

be gete 'enega Yaubada matanaya ni'atu sito'umalina.

1 Timoti 5:14

'Enega yanuwena kwabulao taudi ma'etamo nigeya sieilemwaya 'ilobwenedi be siai limana, be sienatuna, be taudi natudiyao si'ita'i'isidi, be 'enega geya'abo 'ada talauwalao si'awa'awa to'umaliyeda, kwabulao nidi 'idi bubuna manuna.

1 Timoti 5:9

Kwabula nidi 'adi loina gete nadigega: 'eguma 'adi yakwala sikisiti nai 'ilagaya, ta mwanediya lowa 'ebweuna namo,

Yemesa 5:5

Ta 'imi miya bale'uya bobo'ana wawasae, manuna tuta yauyauna ma imi gwausowala, 'enega ma 'ami tubuwa bobo'ana loemwawsa 'ilobwenemi, nadigega tuga sagali bawedi.

2 Pita 2:18

Toe'itao nidi 'idi bubuna to'umalidi ma idi ona gagasa siemwaemwasala, ta wate yalakwaiya to'umalidi 'ediyega tonuwa'ebuni'unu silisidi be siila limana 'idi gimi bubuna 'ediya.

E'ita'ita 18:3

Manuna Babiloni 'ina oinega boda yauyaudi 'ienumedi, oine nina nate loelata to'umalina. Tauna 'atuwa tosogala. 'Enega bale'u 'ana kiniyao ma'edi siloegesi, ta 'ina loegesi nidi 'ediyega toeusanao 'idi esaesa sinabwana silobaloba.”

E'ita'ita 18:7

Ta wate 'ina ona gagasa be 'ina sogala 'adi e'isa 'uda 'ebwa'e, uya be dedoi, manuna taunamo 'ena 'igwae, ‘'Abo'agu kuwini, nigeya wate kwabula 'ina sena 'ena yamiyami, ta wate geya'abo dedoi yalobaloba.’

E'ita'ita 18:9

Ta bale'u 'ana kiniyao, taudi waine nina ma'ediya siloyaweya ga simiya sogalaya, taudi wate 'asa nina manuna sidoonaona, be sidedo 'abo 'asa 'i'ala'alasi, ta 'asuna si'ita.