1 Timoti 5:10 - Loina Tabu Auwauna NT

¹⁰ ta tomota matadiya 'idi bubuna palupaluna, manuna natudiyao 'adi 'iyabwebwe 'enaya siguinuwa 'ai'aila, be 'owagao ta wate toekalesiyao 'adi 'itanao 'enaya, be tomiyamwau wate 'adi lema 'enaya, be 'abo 'atenuwa'ole'ole 'aledi, 'ilobwenedi be toekalesiyao 'ediya silulugu, be toekalesiyao nidi 'ediyega 'adi lema, nai 'e'ai, nai 'oama, sida loba.

1 Timoti 5:10 Σταυροειδείς Αναφορές

Madiu 25:17

Tai 'eluwena wate nadigega 'ina tu analedi kina nidi 'iepaisewaedi ga 'ediyega 'ina 'inapwana 'ina mani 'ana loeposeyana tu analedi wate 'ilobena.

Madiu 5:16

'Omi wate nadigega, 'ilobwenemi be 'imi maedana wada giesae tomota 'ediya, be 'enega 'imi guinuwa bobo'ana sida 'ita, ta Tamami galewaya sida tupui.

Luke 7:38

ga Yesu deinaya 'itoolo ga 'idedoi ga mataselunega Yesu 'aena 'iepwasena, ga 'uya'uyanega 'aena 'ilo'i'ilidi, manuna waine nina 'uya'uyana dudulana, ta wate Yesu 'aena 'i'awamuidi ga bunama nina 'isiwena Yesu 'aenaya.

Luke 7:44

'Enega 'isanaila waine nina 'enaya, ga 'igwae, “Saimoni, waine gete 'ina guinuwa manugu 'u'itena, nigeya nadigega 'oyo. Manuna 'imu anuwaya yaluguma ta bwasi 'aegu 'ana 'utu manuna nigeya 'u'ebwa'ebwa'egu, ta esi waine gete mataselunega 'aegu 'i'utudi ga 'uya'uyanega 'ilo'i'ilidi.

Guinuwa 10:22

Ta sigwae, “Konilio 'ietunema, tauna 'ima tolosaiyao 'adi toanugana, ta tai palupaluna ta Yaubada 'ana to'amayaba, ta wate me Yudia maibo'adi si'awa tai bobo'anena, ga 'ana emataluwa 'inonona anilose 'enega, be 'aene 'oyo 'ibwauyeyo tauna 'ina anuwaya, be 'imu ona 'ida nono.”

Guinuwa 22:12

Ta Damasiko 'ena 'ebweu tai 'ana esana Ananayasi 'imiyami, tauna Yaubada 'ana toemisa 'ai'aila, ta Mosese 'ina loina 'ana tomuliya, ta me Yudia sena nina 'ana tomiyanao si'awa bobo'anena.

Guinuwa 6:3

'Enega 'omi 'emiyega tai sebeni waesinuwedi, yaisigedi ma 'adi 'amayaba, ta sinasinapudi, ta wate 'abo Yaluyaluwa Tabuna 'ina waiwai 'ediya, be paisewa gete masula 'ana eguyai manuna, 'ada 'ebwa'edi.

Guinuwa 9:36

Ta 'asa Yopa 'ena, Yesu 'ana tomuliya 'ebweu waine 'imiyami, 'ana esana Tabita, ta 'ana gibui Dokasa, ta Dokasa 'ana gibui yobai 'ana esana diya, ta waine nina lema be oboboma 'alena,

Guinuwa 9:39

'Enega Pita 'itoolo ga ma'edi simai Yopa 'ena. 'Enega toekalesiyao Pita si'au'ewena anuwa nina solanaya. Ta kwabulao yaudi Pita sitoolo sakowasiyena ta sidedoi, ta 'adi 'oamao sie'itaena manuna lowa Dokasa tuta mayawasina 'adi 'oamao nidi 'iguinuwedi, ga 'i'ebwa'edi, ga sigwae, “'Oama getedi tauna Dokasa 'ana saisailao lowa mayawasinaya ma'emai 'amiyami.”

Loma 12:13

Ta 'abo tasimiyao mwau 'ediya 'iapwesa, 'imi gwegweyega wada lemedi, be wada bwauyedi 'imi anuwaya.

Epeso 2:10

Ta esi Yaubada taunamo 'ina guinuwa 'atedaya 'igibubuda Yesu Keliso 'enega, be 'aene guinuwa bobo'adi Yaubada lowaenei 'iesinuwedi manuda tada guinuwedi.

Kolose 1:10

be 'imi guinuwa nidi 'ediyega 'ida 'Inapwana wada giegwausowali, be wate 'imi bubuna bobo'ana 'iuuwa, be Yaubada 'ana mwalatoi 'emiya 'ida sinabwa.

1 Timoti 3:2

ta 'ana loina gete nadigega: 'ina bubuna bobo'ana, mwanena 'ebweuna namo, nigeya bwasi waiwai 'ida numanuma diidiga, ma ina sinasinapu ta ma 'ana 'amayaba, be 'owagao 'adi to'ita'i'ita, be tauna toe'ita bobo'ana,

1 Timoti 3:7

Toanuganao nidi 'ilobwenedi be ma 'adi 'awabobo'ana taudi nigeya totapwalolo matadiya, manuna 'eguma tomota toanuganao si'awa to'umaliyedi 'idi bubuna manuna, nate 'atuwa Seitani 'ina sikwa 'ena si'ona'ona.

1 Timoti 5:16

'Eguma to waine Keliso 'ana toemisa, ta 'ina susuyao 'aina sikwabulaya, 'ilobwenena be 'i'ita'i'isidi. Ta tapwalolo 'ana toanuganao 'idi paisewa kwabulao nigeya 'idi bu'unaomo si'ita'i'isidi.

1 Timoti 5:25

Nadigega wate guinuwa bobo'ana 'aidi miyamiya apwesadi, ta 'aidi ma'etamo be sida loapwesedi, manuna nigeya sawesawenaya simiya kwaiya.

1 Timoti 6:18

Ta wate toesaesa nidi 'uemataluwedi be guinuwa bobo'adi be eobooboboma be lo'ebwa'ebwaya 'ediyega sida eesaesa 'ai'aila.

2 Timoti 1:5

Ta wate 'imu emisa 'ai'aila Yaubada 'ena yanuwa'i'isina, nadigega sinayo Yunisi be tubuyo Loise Yaubada siemisa 'ai'ailena, 'enega 'oyo wate gete tugai Yaubada 'uemisa 'ai'ailena.

2 Timoti 2:21

Ta 'enega nadigega 'abo yaita 'ina bubuna to'umalina 'ediyega tauna 'igie'esasa lima, tauna 'ida egaeba bobo'ana, be 'ina 'inapwana 'ida aseye 'ina guinuwa bobo'adi manudi.

2 Timoti 3:15

Ta 'oyo tauyo wate 'imu tuta gwamega ga batuwa Buki Tabu 'ina onao 'ana tosawa, ga 'ie'itemu 'aene 'ida emisa Yesu Keliso 'enaya 'ada 'ebe 'etoseyana.

2 Timoti 3:17

Yaubada 'ina guinuwao manudi. Manuna Buki Tabu 'ina onao 'ediyega Yaubada 'igibubuda, be sawesawedaya 'ina guinuwao yaudi bobo'adi taguinuwedi.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

Taito 2:7

Ta 'oyo 'imu bubuna maibo'ana 'ediyega tomota 'ue'itadi be taudi wate sida bubuna bobo'ana, ta ona 'ai'ailega 'ue'ita, be 'enega 'imu bubuna 'imu e'ita 'ilobwene,

Taito 3:1

Wate 'uemataluwedi be 'aene 'asa 'ana toloinao 'idi loina 'ediya sida tagwaledi, be siematamatanedi, be guinuwa bobo'adi sida guinuwedi.

Taito 3:14

Ta 'ida bodao maibo'adi 'ue'itadi be sida gwaunuwa, 'enega sawesawediya tomiyamwau silemedi, ta geya'abo simiyamiya daidaita.

Taito 3:8

Ona gete maibo'adi ona 'ai'aila, 'enega 'uewaiwai 'adi loguguya 'ena, be 'enega taudi Yaubada 'ana toemisao ona nidi sida muliyedi be guinuwa bobo'adi sida guinuwedi. Gete yage bobo'ana ta tomota 'adi 'ebe lema.

Ibeliu 10:24

'Ilobweneda wate be tauda tada elemalema be tada eobooboboma 'ai'aila be wate paisewa bobo'adi tada guinuwedi.

Ibeliu 13:2

Ta wate 'owagao wada bwauyedi 'emiya, nadigega lowaenei 'aina tomota 'owagao si'ita'i'isidi ta esi 'owagao nidi taudi aniloseyao, ta toni'asao nidi nigeya simwalamwalatonidi.

Ibeliu 13:21

Ga Yaubada yage yauyauna bobo'adi 'i'ebwa'emi, be 'ediyega 'ina nuwena wada muliya 'ai'aili, be 'enega Yesu Keliso 'ina guinuwega Yaubada 'ida giebobo'anemi to'ase nadigega 'ina nuwanuwa, be manumi 'ida gwausowala. 'Enega Keliso nina tada tupu atae. Eimeni.

1 Pita 2:12

Ta wada bubuna bobo'ana taudi nigeya me Yudia 'ediya. Manuna gete tuga 'etamo si'awa'awa to'umaliyemi, ta tuta muliyega 'imi guinuwa bobo'ana sida 'ita, be 'enega tuta nina Yaubada 'iapwesama Yaubada nina sida tupu.

1 Pita 4:9

'Enega gosemiyao wabwauyedi 'imi anuwaya nuwa bobo'anega, ta geya'abo manudi walomulomugi.

3 Yoni 1:12

Ta Dimitilo sa'i tai bobo'ana. Tomota yauyaudi 'idi simana nadigega, manuna taudi e'ita 'ai'aila 'ana tomuliyao sisimana 'aene Dimitilo tai bobo'ana, ta 'abo'agu wate 'igu simana nadigega, be 'igu simana wamwalamwalatoni 'aene ona'ai'aila.