1 Timoti 1:9 - Loina Tabu Auwauna NT

⁹ Manuna loina nidi Yaubada nigeya 'isa'usa'udi topalupaludi manudi, ta esi tole'oa loina be tooopa'ala manudi, taudi nigeya Yaubada sida 'amayabena, be toto'umalidi, baibailidi, to'awasewa, taudi sinadiyao be tamadiyao be mali tomota 'adi toloemwawasao,

1 Timoti 1:9 Σταυροειδείς Αναφορές

Madiu 10:21

“Ta wate tuta simeemai 'ediya tomota 'idi susu solanaya losaiya 'ida apwesa manugu, nate tai tasina 'isipupuyei be siloemwawasi. Nadigega wate tamana natuna 'ida sipupuyei be siloemwawasi. Wate gogama sinadiyao be tamadiyao sida etalauwaledi be siloemwawasidi.

Loma 1:30

tolo'aegilao, ta wate taudi Yaubada 'ana talauwalao be, oopa'ala 'aledi be, tonuwatu'e nai togagasa be, wate taudi 'aina guinuwa to'umalidi nuwanuwadi sinabwana, ta wate tamadiyao be sinadiyao nigeya sida 'amayabedi.

Loma 4:13

Ta Yaubada Ebelaamo 'iona upaupaena be ma ina susuyao bale'u maibo'ana sida loine. Ta 'ina onaupaupa gete nigeya 'aene 'ina ematamatana loina manuna 'enega, ta esi 'ina emisega, ga 'enega Yaubada 'i'awa palupaluyena.

Loma 5:20

Ona'ai'aila, tuta nina Mosese 'ina loina 'iapwesa, to'umalina sisinabwa, ta esi Yaubada 'ina 'ebwayadaita 'isinabwa wawasae.

Loma 6:14

'Enega gete tugai to'umalina geya'abo 'iloiloinemi, manuna Yaubada 'ina 'atenuwa'ole'ole 'ena wamiyami, ta nigeya Mosese 'ina loina 'ena.

Galetia 3:19

Ta to'ase manuna loina 'iapwesa? Loina nina 'igieapwesena 'edaya 'ida loegesiyao manudi be 'edaya 'imiyami 'ana laba Ebelaamo 'ina susu nina Yaubada 'iona upaupaenaya 'iapwesama. Ta loina nina aniloseyao 'ediyega Yaubada Mosese 'i'ebwa'ena, ta Mosese 'i'ebwa'ena tomota 'ediya.

Galetia 5:18

Nate namo 'eguma Yaluyaluwa Tabuna 'ianuganemi, Mosese 'ina loinao sigugumwala 'emiyega.

Galetia 5:21

be wate 'ebe gwausowala to'umalina bwasi waiwai 'ana numa 'enega, ta 'aina wate bubuna to'umalidi. Bubuna getedi manudi lowa yaemataluwemi, ta batuwa yaemataluwa limami 'aene 'adi toguinuwao geya'abo Yaubada 'ina 'ebeloina 'ena silugulugu.

Galetia 5:23

bubuna nuwana, 'alama'i'ita. Ta nigeya 'ebweu wate loina 'imiyami be yage getedi 'ida 'etobodedi.

2 Tesalonaika 2:8

be 'enega toto'umalina nina 'iapwesama. Muliyega 'ida 'Inapwana Yesu 'ida apwesama, be tai to'umalina nina 'ida loesawali yage 'eluwa 'ediyega, nate 'ina waiwai ta 'awanega 'awesabelulu.

1 Timoti 4:7

Ta emwasala besobeso yaudi nigeya Yaubada 'enega, 'enega geya'abo 'unoonodi, ta esi 'utoo waiwai be tuta maibo'ana 'uda bubuna bobo'ana Yaubada matanaya.

1 Timoti 6:20

Timoti ye, yage nidi Yaubada 'i'ebwa'emuya 'u'ita'i'ita 'ai'ailidi, ta sinasinapu kabokabo be egewagewana besobeso geya'abo 'umulimuliyedi.

2 Timoti 2:16

Ta toona besobeso bodadi geya'abo 'ediya 'ulugulugu, manuna ona nidi egewagewana 'idi 'ebe apwesa,

2 Timoti 3:2

Manuna tuta nina 'enaya tomota taudimo manudi sinuwanuwa, be esaesa 'ana yala 'iloemaedi, ta sinuwatu'e be gagasa 'aledi be wate eliya 'aledi. Wate sinadiyao be tamadiyao 'enadi geya'abo siematamatanedi, ta mali tomota 'idi guinuwa bobo'adi manudi nigeya sida lokagutoki.

Taito 1:10

Ona'ai'aila, tologwautoyasa yaudi simiyami, ta me Yudia 'idi loina 'ana tomuliyao yau wawasae sionaona besobeso be tomota sikabokaboedi.

Taito 1:16

Taudi siona 'aene Yaubada simwalamwalatoni, ta 'idi guinuwao 'ediyega Yaubada sieyaseyaseyena, manuna taudi toto'umalidi ta loina sinala 'aledi, ta guinuwa bobo'ana nigeya 'ebweu wate 'ilobwelobwenedi.

Taito 1:6

Ta 'igu loina gete toanuganao 'adi esinuwa manuna, nate 'abo tai 'ina bubuna bobo'ana, ta mwanena 'ebweuna namo, ta natudiyao nigeya tolo'aegila, nigeya toto'umalidi, nigeya tologwautoyasa, ta esi taudi ma idi emisa Yaubada 'enaya.

Taito 3:3

Ona'ai'aila, 'abo'ada lowa uwauwada ta loguitoyasa 'aleda, ga yalakwaiya be gwausowala besobeso 'adi nuwa'ewa 'enega 'eda bobo'ana tapilisinena. Ta wate lowa etalauwala be e'ipi'ipi 'aleda, ta mali tomota 'edaya sinuwa to'umali, ga 'abo'ada wate 'ediya tanuwa to'umali.

Ibeliu 11:31

ga silugu ga toni'asa siunudi, manuna taudi tologwautoyasa. Ta tosogala 'ana esana Leabi nigeya siunuunu, manuna waine nina ma ina emisa, manuna tuta nina Yosuwa 'ina tolosaiyao 'eluwa 'asa nina 'enaya siluguya, Leabi nina 'ilemedi.

Ibeliu 12:16

Geya'abo waloeloelata, ta wate geya'abo Yaubada 'ina oboboma waguiguitoyase, nadigega Iso lowa Yaubada 'ina onaupaupa tauna manuna ta 'ipelena tasina 'enaya, 'ana maisa 'e'ai 'ebweuna namo.

1 Pita 2:7

Ta 'omi yaisigedi 'ola gete waemisena, 'emiya 'ola bobo'ana wawasae, ta yaisigedi taudi nigeya 'ena siemiemisa manudi Buki Tabu 'ena 'isimana, 'igwae, “'Ola nina lowa to'abi anuwa siguitoyasena, ta gete tugai ni'atu sietoolona be 'ie'ola nugana, be 'ola maibo'adi 'iloinedi.”

1 Pita 3:20

Yaluyaluwa nidi tomota yaluyaluwadi, taudi lowaenei Noa 'ina tutaya Yaubada manudi 'ie'alama'i'itana be 'aene 'ena sida emisa, ta nigeya. 'Enega maibo'adi muluwa 'enega sidalala, ta pu'epu'edimo bwasiyega 'i'etoseyedi, nadigega nima ta 'etoi, waga nina Noa 'i'abinaya 'enega.

1 Pita 4:18

Ta ni'atu Buki Tabu 'ena 'isimana, 'igwae, “Yaubada 'ena mwauna be 'aene tobobo'adi 'ida 'etoseyedi, ta esi toto'umalidi, taudi Yaubada 'ana toe'idi'idiyao 'adi 'etoseyana mwau wawasae.”

Yude 1:15

be 'aene tomota maibo'adi 'iloinedi be 'ibwa'omatadi 'idi bubuna yaudi ta to'umalidi manudi, ta wate 'idi 'awa to'umali maibo'ana 'enaya manuna.”

E'ita'ita 21:8

Ta esi taudi 'ate nenetadi be taudi nigeya siemiemisa be tosogalao be toloemwawasao be toloyaweyao be Taumudumudulele magosenao be gulewa 'adi toemisao, be toekabokaboyao, taudi getedi 'idi sena yaiyai sinabwana, nate mwawasa 'eluwena.”

E'ita'ita 22:15

Ta 'asa nina 'atamaninaya 'adi tomiyanao, nate kedewao, be Taumudumudulele magosenao, be toloelatao, be toloemwawasao, be gulewa 'adi toemisao, be wate toekabokaboyao.