1 Tesalonaika 5:12 - Loina Tabu Auwauna NT

^12-13 Gosemao, 'asidemi wate be 'aene 'ami toanuganao wada 'amayabedi, be wada oboboma 'ai'ailidi, manuna 'Inapwana 'ina paisewa siguiguinuwe, nate si'ita'i'isimi ta siloguloguguya 'emiya. Ta 'ebweu yage wate, geya'abo egewagewana, ta esi nuwasiwalowega wada miyami.

1 Tesalonaika 5:12 Σταυροειδείς Αναφορές

Luke 10:7

“Ta 'abo anuwa nina gete 'enaya wamiyami, be to'ase 'ami masula nai 'ami bwasi matamiya sisa'u, wada 'ani, manuna topaisewao 'ilobwenedi be 'adi niyaula siloba. Ta geya'abo watautauya mali anuwa 'ediya, ta esi anuwa nina 'ena wagimilugu 'ena tuga wada miyami.

Yoni 4:38

'Abo'agu 'Inapwana 'ina sesoi manuna yaetunemi be wada sesoi bagula nina 'enega, tauna 'ena nigeya wabagubagula, ta esi mali tomota 'ena sibagula be 'idi guinuwa 'enega 'omi sesoi wada guinuwe.”

Guinuwa 20:28

“'Enega toanuganao 'omi, taumimo wa'ita'i'isimi be 'imi sipiyao wate wa'ita'i'isidi, manuna Yaluyaluwa Tabuna 'imi paisewa nina 'i'ebwa'emi be toekalesiyao nidi walomata'i'isidi, manuna 'ida 'Inapwana Yesu tomotai nidi tauna lalanega 'igimwanedi.

Guinuwa 20:35

'Igu bubuna getedi 'ediyega yae'itemi 'aene 'ilobweneda be tauda 'ida paisewega tonenetao tada lemedi. Nadigega wate 'Inapwana Yesu 'ina ona wanuwayaina, nate 'igwae, ‘'Ewadaita nigeya gwausowalinamo, ta 'ebwaya esiya 'ana gwausowala sinabwa wawasae.’ ”

Loma 16:12

'Igu oboboma wate Yesu 'ina toguinuwao taudi Talipina be Taliposa 'ediya. Ta wate gosiyagu Pelisi 'enaya, tauna 'ida 'Inapwana manuna 'ietapewa sinabwana.

Loma 16:6

Ta wate 'igu oboboma Meli 'enaya, tauna 'ietapewa sinabwana manumi.

1 Kolinita 12:28

manuna 'ida guinuwao ekalesiya solanaya dumadumadi be dumadumadi, Yaubada 'ieguyaiyedi 'edaya, nugana taudi Keliso 'ana tosimanao, be muliyega Yaubada 'ina ona 'ana tologuguyao, muliyega toe'itao, be yage 'ebe nuwaowana 'adi toguinuwao, be togile'oasao, be tolemao, be toanuganao, be taudi mali 'enanao 'adi toonao.

1 Kolinita 15:10

Ta esi Yaubada 'i'atenuwa 'ole'oleyegu ga 'ilemegu. 'Enega nigeya 'ilemalema daidaitegu, manuna ni'atu yaemisa 'ai'ailena ga tosimanao maibo'adi 'idi paisewa yapilisinena, nigeya taugu 'igu waiwaiyega, ta Yaubada esiya 'ina oboboma 'eguya 'enega.

1 Kolinita 16:16

'enega yaemataluwemi be 'idi onao wada muliyedi, be yaisigedi wate ma'ediyao Keliso manuna sipaipaisewa taudi wate wada muliyedi.

1 Kolinita 16:18

nadigega 'omi lowa wate sigie gwausowalimi, 'enega gete tuga 'ada lotoona bobo'ana wawasae. Gete manuna tomotai nidi ma 'adi 'amayaba sinabwana, ta 'aidi wate taudi nadigega.

1 Kolinita 3:9

Gete tuga Yaubada ma'ema 'ina bagulaya 'apaipaisewa, ta 'ina bagula nina nate 'omi tomotai, ta wate 'omi Yaubada 'ina anuwa.

2 Kolinita 11:23

'Abo taudi Keliso 'ina 'ali'eiyao bobo'adi, 'abo'agu 'ina 'ali'ei bobo'ana wawasae. 'Igu ona gete 'atuwa uwauwagu. 'Igu gwaunuwa 'enega yanugana sinedi, 'igu lugu deliya yau wawasae, 'agu sapiyao wate yauna, ga tuta yauna 'ediyega 'aene tuga 'iabe yada mwawasa.

2 Kolinita 5:9

Ta 'eguma bwaladaya tamiyami, nai 'eguma bwalada tapilisinedi, 'ida 'ebe masi tuga to'ase 'Inapwana nina nuwanuwana.

2 Kolinita 6:1

'Enega tauna ma'emai 'apaipaisewa, ga 'emiya 'asida be geya'abo Yaubada 'ina oboboma waeyage besobesoe,

Galetia 4:11

Gete manuna ya'atesa'ala, 'abona nai 'igu paisewa nidi 'emiya waeyage besobesoedi.

Pilipai 2:16

Gosegwao, tetela bobo'ana wagiyai 'i'isi be 'enega yawasi ataya waloba, be tuta nina 'iilama yada gwausowala manumi, manuna geya nuwagu be 'igu paisewao 'emiya 'adi mudala.

Pilipai 2:19

Yanuwayaina 'aene 'Inapwana Yesu 'ina lemega sawesawenaya be muliyega tuta gidalina 'ena Timoti yaetunenawa, be tetelimi 'ida me'e 'eguya, be 'enega yada gwausowala.

Kolose 1:29

Gete manuna 'abo'agu yaetaetapewa, ta yaewaiwai, tauna 'ina waiwai 'ateguya 'i'ebwa'eguya 'enega.

1 Tesalonaika 2:9

Gosemao, wanuwa'i'isi lowa 'ima paisewa 'emiya, 'asiyata be boiboi 'ediya 'apaipaisewa sinabwana, ga 'enega taumamo 'ae'enima, ta wate Yaubada tetelina 'asimanena 'emiya, manuna geya nuwama 'ami mwau 'asa'u 'ama 'ita'i'ita manuna.

1 Tesalonaika 4:1

Gosemao, 'ebweu wate yage 'ida 'Inapwana Yesu manuna 'aemataluwemi, be 'aguguyemi, nate lowa bubuna nidi 'ae'itemi ga wamwalatonidi 'aene bobo'adi, ta manudi Yaubada 'igwausowala, ga gete tuga ni'atu 'ediya wabuubuna, ta 'ilobwenena be waguinuwa limalimadi.

1 Tesalonaika 5:14

Ta gosemao, 'ilobwenemi wate be tologwautoyasao waloguguyadi, be to'atesa'ala wagie 'atepatudi, be toneneta walemedi, ta yage nidi getedi e'alama'i'itega wada guinuwedi.

1 Timoti 5:1

Geya'abo 'enayo setalinega 'inapwanao 'u'ena'ena pa'alidi, ta esi oonuwega 'u'awanoi 'ediya, nadigega 'atuwa tamayo 'u'awa'awanoiye; ta wate 'amu 'epatao 'u'awa'awa tasinedi;

1 Timoti 5:20

Ta 'eguma toanugana 'ina to'umalina wa'italoba, 'uda 'enapa'ali tomota yaudi matadiya, be 'enega taudi wate loegesi nina geya'abo 'ena silugulugu.

2 Timoti 2:6

Nadigega tobagula 'ina paisewa waiwai manuna 'ilobwenena be bagula uwana 'ida gimilotoo.

Taito 1:3

'Enega Yaubada tauna 'ina onega tuta nina 'iesinuwena 'enaya Yesu 'imai ga yawasida ataya 'igie apwesenama, ga Yaubada, tauna 'ada To'etoseyana, 'iloinegu ga yaloguloguguyae.

Taito 1:5

Gete manuna yaebesinemu Kiliti 'ena be to'ase ekalesiya solanaya nigeya bobo'ana 'uda giepaepalu, be 'igu loinega toanuganao 'uda esinuwedi 'asa 'ebweuna 'ebweuna 'ediya.

Taito 2:15

E'ita getedi 'ue'itaedi tomota 'ediya, ta loina palupaluna 'enega 'uguguyadi be sida bubuna bobo'ana. Geya'abo 'ebweu yaita 'ie'idi'idiyeyo.

Ibeliu 13:17

'Imi toanuganao 'ediya wada ematamatana be watagwalemi 'idi loinao 'ediya, manuna yaluyaluwami si'ita'i'isidi, be 'enega tuta 'imeema 'enaya 'imi bubuna manuna sida emwasala Yaubada 'enaya. 'Enega 'ilobwenemi be wada too be tetelimi manuna ma idi gwausowala Yaubada 'enaya sida simanemi, ta esi geya'abo ma idi omayamaya, 'abona nai loina mwauna waloba.

Ibeliu 13:7

'Ami toanuganao wanuwa'i'isidi, manuna lowa Yaubada 'ina ona si'ebwaya 'emiya, ta wate wada nuwa'i'isi 'aene 'idi emisa uwana bobo'ana taudi silobena, 'enega wada etotowanedi.

E'ita'ita 1:20

“Gete kwadima nidi sebeni 'ataiguya 'u'itediya, be wate mayale nidi sebeni 'u'itediya, 'adi mwalatoi kwaikwaiyidi 'emuya, 'enega 'emuya yada li'amidi. Kwadima nidi sebeni nate aniloseyao sebeni, ekalesiyao nidi sebeni manudi, ta mayale nidi sebeni nate taudi ekalesiyao nidi sebeni.”

E'ita'ita 2:12

Anilose nina totapwaloloyao Peligamo 'ena 'i'ita'ita'i'isidi 'ina leta 'uda 'etoladi me Peligamo nidi manudi, be 'uda gwae: Ale gete 'imai tauna ma ina sisisaiya mamata sena luwaluwana 'enega. Tauna gete 'ina simana 'emiya, 'igwae:

E'ita'ita 2:18

Anilose nina totapwaloloyao Tayataila 'ena 'i'ita'ita'i'isidi 'ina leta 'uda 'etoladi me Tayataila nidi manudi, be 'uda gwae: Ale gete 'imai Yaubada Natuna 'enega, tauna matana 'adi 'ita 'atuwa nadigega kaiwe sabesabeluluna, ta wate 'aena namanamalidi 'atuwa kainumu auwauna sigabuna.

E'ita'ita 2:3

Ta wate 'alama'i'ita wamwalamwalatoni, 'enega guinuwa mwaudi ta sinabwadi 'ediyega nigeya waneeneta, 'agu esana manuna.

E'ita'ita 2:8

Anilose nina totapwaloloyao Simulina 'ena 'i'ita'ita'i'isidi 'ina leta 'uda 'etoladi me Simulina nidi manudi be 'uda gwae: Ale gete 'imai tauna 'ebe e'ale be 'ebe losalowa 'enega, tauna ni'atu 'imwawasa ta 'itoolo limana ga mayawasina 'imiyami. Tauna gete 'ina simana 'emiya 'igwae:

E'ita'ita 3:1

Anilose nina totapwaloloyao Salidisa 'ena 'i'ita'ita'i'isidi 'ina leta 'uda 'etoladi Me Salidisa nidi manudi be 'uda gwae: Ale gete 'imai tai nina 'enega, tauna tai nina Yaubada Yaluyaluwana sebeni be wate kwadima sebeni 'ena simiyami. Tauna gete 'ina simana 'emiya, 'igwae, “'Imi guinuwao ni'atu yamwalamwalatonidi, ta wate tetelimi yanononaya 'aene mayawasimi wamiyami, ta nigeya sa'i, manuna yaluyaluwami ni'atu simwawasa.

E'ita'ita 3:14

Anilose nina totapwaloloyao Laodisia 'ena 'i'ita'ita'i'isidi, 'ina leta 'uda 'etoladi Me Laodisia nidi manudi, be 'uda gwae: Ale gete 'imai Topalupaluna 'enega, tauna Tosimana 'ai'aila, ta wate tauna Yaubada 'ina mweluluwa 'aledi, 'ina simana 'emiya 'igwae:

E'ita'ita 3:7

Anilose nina totapwaloloyao Piladelipia 'ena 'i'ita'ita'i'isidi 'ina leta 'uda 'etoladi Me Piladelipia nidi manudi, be 'uda gwae: Ale gete 'imai tauna 'esasena ta palupaluna 'enega, ta wate tauna Debida 'ina 'ebe gigege nimanaya 'igiyagiyai, ta 'abo 'awa 'igigege nigeya 'ebweu yaita sawesawenaya be 'igibode, ta wate 'abo 'igibode geya'abo 'ebweu yaita 'igigegigege.