1 Tesalonaika 4:6 - Loina Tabu Auwauna NT

⁶ 'Enega wate geya'abo mali tomota mwanediyao wa'ipwa'ipwalidi, 'abona nai 'Inapwana 'ina gamwasowala waloba. Yage nidi manudi lowa 'aemataluwemi.

1 Tesalonaika 4:6 Σταυροειδείς Αναφορές

Maki 10:19

Ta Yaubada 'ina loinao ni'atu 'umwalamwalatonidi, nate 'aene: Geya'abo loemwawasa. Geya'abo loelata. Geya'abo 'ipwala. Geya'abo simana kabokabo. Geya'abo kaboega tomota 'idi gwegwe 'u'ewa'ewadi. Ta wate tamayo be sinayo 'uda 'amayabedi.”

Luke 12:5

Ta esiya Yaubada wada mataute, manuna tauna ma ina loina be 'iloemwawasa nuganemi, ta muliyega 'ida ulamwa'utemi 'asa gabugabu 'enaya. Ona'ai'aila, Taunamo wada mataute!

Luke 16:28

be tasigwao site nima 'ida emataluwedi, 'abona nai taudi wate simama 'elouya 'ina sena gete 'enaya.’

Loma 1:18

Ta Yaubada wate galewega 'ina gamwasowala ni'atu 'ie'itaena taudi tobubuna geyogeyoi maibo'adi 'ediya, manuna taudi 'idi bubuna to'umalina 'ediyega bubuna palupaluna si'eto'etobode.

Loma 12:19

Ta geya'abo toto'umalidi 'ediya waetoetoloina be 'aene 'idi to'umalinao wae'isadi, manuna yage getedi Yaubada tauna 'ana toloina, manuna Buki Tabu 'ena ni'atu 'isimana, 'igwae, “Tebweugu tomota 'idi to'umalina manuna yada loina”. Gete nadigega 'ida 'Inapwana 'ina ona.

Loma 13:4

Manuna taudi Yaubada 'ina toguinuwao 'iaseyedi sabi lememi. Ta 'eguma wabubuna to'umalina, 'iabe wamatauta, manuna taudi toloinao be siloinemi. Manuna ni'atu Yaubada 'idi 'ebe toolo 'i'ebwa'edi be 'aene loina sida sa'u toto'umalidi 'ediya.

2 Kolinita 7:11

Ona'ai'aila, 'imi nuwamwau gete 'enega Yaubada 'ilememi, ga waetaetapewa, ta waewaiwai be 'imi bubuna 'ida bobo'ana maibo'ana, 'enega to'umalina nina manuna wagamwasowala ta wamatauta, ta nuwanuwami be yawawai 'emiya, ta wate waewaiwai ga to'umalina nina wae'isena. Yage maibo'adi 'ediyega 'imi guinuwa bobo'ana wae'itaena.

Galetia 5:21

be wate 'ebe gwausowala to'umalina bwasi waiwai 'ana numa 'enega, ta 'aina wate bubuna to'umalidi. Bubuna getedi manudi lowa yaemataluwemi, ta batuwa yaemataluwa limami 'aene 'adi toguinuwao geya'abo Yaubada 'ina 'ebeloina 'ena silugulugu.

Epeso 4:17

Gete wate 'Inapwana 'ana esanega yaloguguya 'emiya 'aene bubuna tomiya apwesa nadigega walosa'u, manuna 'idi nuwanuwa besobeso 'ediyega

Epeso 4:28

To'ipwalao 'ilobwenedi be silosa'u, ta esi paisewa bobo'ana nimadiyega sida guiguinuwe, be paisewa nina 'ana maisa 'enega lema sida 'ebwa'ebwaya togomabeso 'ediya.

Epeso 5:6

Bubuna getedi manudi Yaubada tole'oa loina 'igamwasowaledi, 'enega geya'abo 'ebweu yaita 'ina ona besobesoega 'ikabokaboemi,

1 Tesalonaika 2:11

Manuna maibo'ami 'a'ita'i'isimi, 'atuwa nadigega tai natunao 'i'ita'i'ita 'esedi,

2 Tesalonaika 1:8

ta taudi 'ida 'Inapwana Yesu Keliso tetelina siguitoyasena, ga Yaubada siemwagemwageyena, 'adi e'isa mwauna 'ida 'ebwa'edi.

Ibeliu 13:4

Maibo'ami ai 'ana loina wada 'amayabe be geya'abo waloeloelata, manuna toloelatao be toloyaweyao 'etamo Yaubada 'iliunedi.

Ibeliu 2:6

ta esi tomota 'ebweu 'i'ebwa'ena, manuna Buki Tabu 'ena 'isimanena, 'igwae, “Yaubada ye, to tomota tauna be 'enega manuna 'unuwanuwa? Ta yaita sana tauna tomota natuna ga 'u'ita'ita'i'isi?

Yemesa 2:6

Ta esi togomabeso nigeya wa'ama'amayabedi. Ta sa'i taudi toesaesao loina mwau si'ebwa'ebwa'emi, ta wate si'alaetuetunemi 'ebe etala 'ediya.

Yemesa 5:4

Ta 'imi bagula 'adi topaisewao nigeya waemaemaisa 'ai'ailidi, 'enega toguinuwa nidi 'idi lomugi be 'idi dedoi ni'atu Yaubada Toewaiwai sana 'inonona.