1 Tesalonaika 4:5 - Loina Tabu Auwauna NT

⁵ ta geya'abo ma imi yalakwaiya, nadigega tomotai nidi Yaubada 'ana toemwagemwageyao.

1 Tesalonaika 4:5 Σταυροειδείς Αναφορές

Madiu 6:32

Ona getedi nadigega taudi 'etamo guguyoi 'enaya simiyami 'idi ona. Ta to'ase 'imi nuwanuwa Tamami galewaya ni'atu 'isinapudi, nadigega 'ami masula be 'ami bwasi be wate 'ami 'oama, be 'i'ebwa'emi tuga.

Luke 12:30

Me bale'u maibo'adi yage getedi manudi sinuwanuwa, ta to'ase 'imi nuwanuwa Yaubada ni'atu 'isinapudi, nadigega 'ami masula be 'ami bwasi be wate 'ami 'oama.

Guinuwa 17:23

manuna 'igu adadanao 'ediya 'imi 'ebe bwagobwagoyao yaudi ya'itedi, ta 'ediyega 'ebweu 'ebe taliya ma 'ana 'etoladi ya'ita lobena, ga 'ana 'etoladi gete nadigega, 'igwae, ‘Yaubada tauna nigeya tada mwalatonina 'ina 'ebe taliya gete.’ Ta Yaubada nina 'ina 'ebe taliya nate 'ena wabwagobwago, ta nigeya wamwalamwalatoni, tauna manuna yasimasimana 'emiya.

Loma 1:24

'Enega Yaubada 'ediya 'itagwala be 'idi yalakwaiyao nidi 'atediya simiyami siguinuwedi, be gote 'enega ma'ediyao bwaladiyega siloeloelata geyogeyoi bubuna to'umalinega.

Loma 1:26

'Enega Yaubada 'ediya 'itagwala be 'idi yalakwaiyao to'umalidi sida guinuwedi, be iine nigeya loelata 'ana bubuna 'ai'ailega sida tauya, ta mali bubuna to'umalina, nate iine be iine ma'ediyao, siguiguinuwa loegesi.

Loma 1:28

Gote 'enega geya nuwadi Yaubada 'ana mwalatoi, 'enega Yaubada 'ediya 'itagwala be nuwanuwa to'umalidi 'iloemaedi, 'enega yage nidi nigeya 'ilobwelobwenedi ta tuwa tuga siguinuwedi.

1 Kolinita 1:21

Manuna sinasinapu bale'u geya'abo sa'i 'enega Yaubada tamwalamwalatoni. Ta esi Yaubada 'ina nuwanuwa, ta 'ina tetela 'ana loguguya namo 'enega, 'ana toemisao 'abo'ada 'i'etoseyeda. Tetela nina me bale'u sieyage besobesoena,

1 Kolinita 15:34

Nai 'aimi Yaubada waemwagemwageyena. Gete 'ebe omayamaya 'emiya, 'enega 'ilobwenemi be wada sinasinapu, be 'enega 'imi bubuna to'umalina wada losa'udi.

Galetia 4:8

'Omi lowa Yaubada nigeya wamwalamwalatoni, ta 'imi 'ebe emisao bale'u gwegwenao 'ediya, taudi nadigega yaubada kabokabodi.

Epeso 2:12

Wada nuwa'i'isi 'aene tuta nina lowa Keliso 'enega wamiya 'edasola, ta Isileli 'ina 'ebeloina 'enega wamiya apwesa, ta yage bobo'adi Yaubada 'iona upaupaena Buki Tabu solanaya nigeya 'ebweu to'ase 'omi manumi 'i'ina'inana, 'enega geya'abo 'ebweu to'ase bobo'ana ma'etamo walobaloba be manuna wada emisa, ta nigeya wate 'imi Yaubadamo tuta nina bale'uya wamiyami.

Kolose 3:5

'Enega bale'u bubuninao 'emiya wada loemwawasidi, nate loelata be guinuwa baibailidi be yalakwaiyao be eesaesa, nate mali 'ebe emisa 'adi bwagobwago.

2 Tesalonaika 1:8

ta taudi 'ida 'Inapwana Yesu Keliso tetelina siguitoyasena, ga Yaubada siemwagemwageyena, 'adi e'isa mwauna 'ida 'ebwa'edi.

1 Pita 4:3

Lowa 'imi bubuna to'umalina, nadigega taudi guguyoi 'ana tomiyanao, be bubuna nidi getedi wada guitoyasedi, nadigega sogala be yalakwaiya be bwasi waiwaidi 'adi numa kabaleya, be egosigosiyana guinuwa to'umalidi manudi, be wate emisa kabokabo mali yageyao 'ediya.