1 Tesalonaika 4:4 - Loina Tabu Auwauna NT

⁴ be 'enega 'ebweuna 'ebweuna wada ai ma imi bubuna bobo'ana ta palupaluna,

1 Tesalonaika 4:4 Σταυροειδείς Αναφορές

Guinuwa 9:15

Ta 'Inapwana 'ieonena, “Tuwa tuga, 'uda tauya 'ena. Manuna Saulo nina ni'atu yaesinuwena be teteligu 'ida simana taudi nigeya me Yudia 'ediya, be toloina sinabwadi matadiya be me Isileli wate 'ediya.

Loma 1:24

'Enega Yaubada 'ediya 'itagwala be 'idi yalakwaiyao nidi 'atediya simiyami siguinuwedi, be gote 'enega ma'ediyao bwaladiyega siloeloelata geyogeyoi bubuna to'umalinega.

Loma 12:1

Tasigwao, wada nuwa'i'isi 'aene Yaubada 'ina 'atenuwa'ole'ole 'edaya sinabwa wawasae, 'enega gete 'igu loguguya 'emiya be 'aene tuta mayawasimi wada taliyaemi Yaubada 'enaya, manuna Yaubada nuwanuwana be oomi maibo'ana wada tagwaledi 'ina guinuwa 'enaya. Gete tapwalolo 'ai'aila Yaubada matanaya 'abo nadigega waguinuwa'esa.

Loma 6:19

Bale'u yagenao 'ediyega yae'itemi, manuna nuwami nigeya 'isabwasabwalena 'ai'aila. Lowa welawela'ami watagwaledi be 'aene sida bubuna to'umalina, be wate 'aene 'imi guinuwa to'umalina 'ida sinabwa 'ai'aila, 'enega gete tuga welawela'ami wada tagwaledi be sida bubuna palupaluna, be wate 'imi guinuwa 'ida bobo'ana 'ai'aila.

1 Kolinita 6:15

Ooda nate Keliso welawela'anao, 'enega geya'abo yaita 'oyo tosogala ma'iyayo wabubuna geyogeyoi.

1 Kolinita 7:2

Ta esi nigeya sawesawemiya be maibo'ami nadigega waguiguinuwa'esa, manuna yau wawasae taudi weweloedi siguiguinuwa besobeso. 'Enega nai 'ilobwenemi wa'eloai be 'enega 'ebweuna 'ebweuna mamwanena, be geya'abo guinuwa besobeso 'isinasinabwa 'emiya.

1 Kolinita 7:9

Ta 'abo nuwanuwami be waaai, bobo'ana, wada ai tuga, be 'enega geya'abo yalakwaiya 'igiegie to'umaliyemi.

2 Kolinita 4:7

'Ima esaesa galewega bwalama nenetadi 'ediya 'imiyami, 'atuwa gwegwe esaesa 'ule kadekadelina solanaya, 'enega tomota simwalatonima 'aene 'ima waiwai sinabwana nigeya tauma 'emega, ta esi Yaubada 'enega.

Pilipai 4:8

Gosegwao, gete 'ebweu wate loguguya 'aene wada nuwanuwa yage 'ai'ailidi ma 'adi 'amayaba manudi, be yage palupaludi manudi, be yage 'esasedi manudi, be yage 'adi 'ita kausala nidi manudi, be yage oboobobomidi manudi, be 'eguma to'ase bobo'ana 'ediya nai 'ebe tupu 'ediya manudi.

Ibeliu 13:4

Maibo'ami ai 'ana loina wada 'amayabe be geya'abo waloeloelata, manuna toloelatao be toloyaweyao 'etamo Yaubada 'iliunedi.

1 Pita 3:7

Ta 'omi wate toai me'olotomi, mamwanemiyao wamiyami, wada nuwayai 'aene taudi nenetadi, 'enega wada 'amayabedi be wa'ita'i'isidi, manuna 'omi be mwanemiyao ma'emiyao yawasimi Yaubada 'i'ebwa'emi. Gete nadigega wabubuna'esa be 'enega geya'abo to'umalina 'imi sidasidao 'i'eto'etobodedi.