1 Tesalonaika 4:1 - Loina Tabu Auwauna NT

¹ Gosemao, 'ebweu wate yage 'ida 'Inapwana Yesu manuna 'aemataluwemi, be 'aguguyemi, nate lowa bubuna nidi 'ae'itemi ga wamwalatonidi 'aene bobo'adi, ta manudi Yaubada 'igwausowala, ga gete tuga ni'atu 'ediya wabuubuna, ta 'ilobwenena be waguinuwa limalimadi.

1 Tesalonaika 4:1 Σταυροειδείς Αναφορές

Yoni 15:2

Ta 'abo naligwao nigeya sida uwa, 'i'upwa'upwa yauledi, ta esi naligwao nidi taudi uwadi 'isa'una, 'igie'esasedi be 'enega sida uwa sinabwana.

Loma 8:8

'enega nigeya sawesawenaya 'igwausowala manuda.

1 Kolinita 11:23

'Ida 'Inapwana Yesu 'ina 'e'ai 'ana mwalatoi ni'atu 'ie'itegu ga 'abo'agu yae'itemi, nate boiboi nina Yudasa 'isipupuyena, Yesu nina beledi 'i'ewena,

1 Kolinita 15:1

Gosegwao, tetela nina ni'atu yasimanena 'emiya, wanuwa'i'isi 'aene lowa 'atemi watagwalena tetela nina 'enaya, ga 'igiepa'alimi be 'enega 'ami 'etoseyana 'ena waloba, 'abo tetela nina wagiyai'i'isi. Ta 'abo nigeya wada giyai'i'isina, 'imi emisao nidi yage besobeso.

1 Kolinita 15:58

Ta wate gosegwao yalokagutoki sinabwana 'emiya, be yaloguguyami be wada toolo pa'ala, be tuta yauyauna wada etapewa 'Inapwana 'ina paisewa 'enaya, manuna ma'etamo 'Inapwana 'ina paisewa nina 'enega uwana tada loba.

2 Kolinita 10:1

'Abo'agu Paulo taugu yasidasida 'emiya, 'atuwa Keliso 'ina bubuna nuwana 'enega, manuna 'omi wagwae, “Paulo 'ina bubuna nuwana 'eguma ma'edai tada onaona, ta esi 'edasolega 'i'ena pa'alida.”

2 Kolinita 13:11

Gosegwao kaiyoni. 'Igu loguguya wada nono be wasanaila. Wate 'imi nuwanuwa 'ebweuna 'enega wada miyasiwalowa, be Yaubada tauna oboboma be nuwasiwalowa 'aledi ma'emiya wada miya gwausowala.

2 Kolinita 5:9

Ta 'eguma bwaladaya tamiyami, nai 'eguma bwalada tapilisinedi, 'ida 'ebe masi tuga to'ase 'Inapwana nina nuwanuwana.

2 Kolinita 6:1

'Enega tauna ma'emai 'apaipaisewa, ga 'emiya 'asida be geya'abo Yaubada 'ina oboboma waeyage besobesoe,

Galetia 6:1

Gosegwao, 'eguma tasidai 'ebweu 'ina loegesi 'enega 'ibe'u, 'omi yaluyaluwami pa'alidi watoo be tasidai nina wagiepaepaluye, ta esi ma imi bubuna nuwana, be taumimo wa'ita'i'isimi, 'abona nai 'omi wate wabebe'u.

Epeso 4:1

'Enega yasida 'emiya be 'omi wada bubuna bobo'ana, gete tugai 'abo'agu deliya yamiyami 'Inapwana 'ina guinuwa manuna, ta 'omi 'Inapwana nina tauna ni'atu 'ibwauyemi 'ina guinuwa manuna, 'enega 'ilobwenemi be to'ase 'ina guinuwa nina 'ana lobwene wada bubuna

Epeso 4:20

Ta 'omi sa'i Keliso 'ina bubuna ni'atu wamwalatonina 'aene dumadumana,

Epeso 5:17

'Enega geya'abo waeuwauwa, ta esi nuwami 'ida sabwalena, to'ase Yaubada 'ina nuwanuwa manumi nadigega.

Pilipai 1:27

Ta wada 'ita'i'isimi 'aene 'imi guinuwao 'ediyega tomota Keliso tetelina sida 'awabobo'ane, 'enega 'eguma yayausimi, nai 'eguma yamiyaila, tuwa tuga tetelimi bobo'ana yada noono 'aene ma imi 'atetagwala watoolo pa'ala, ta ma imi nuwanuwa leleleya ga 'enega waetaetapewa tetela bobo'ana 'ana emisa manuna,

Pilipai 1:9

ta ma igu sidasida manumi be 'aene 'imi eobooboboma 'isinasinabwa, ma imi sinasinapu be ma imi mwalatoi,

Pilipai 3:14

nate 'ebe masi nina, nai Yaubada 'ina pali galewaya, Yesu Keliso 'enega.

Kolose 1:10

be 'imi guinuwa nidi 'ediyega 'ida 'Inapwana wada giegwausowali, be wate 'imi bubuna bobo'ana 'iuuwa, be Yaubada 'ana mwalatoi 'emiya 'ida sinabwa.

Kolose 2:6

Ni'atu 'ida 'Inapwana Yesu Keliso 'ena wa'atetagwala, 'enega 'ilobwenemi be tauna 'ina waiwaiyega wada tautauya,

1 Tesalonaika 3:12

Ta 'eluwena 'aene 'Inapwana obobomega 'ida loemaemi be taumimo wada eoboobobomemi, ta wate mali tomota wada oboboma 'ai'ailidi, nadigega 'abo'ama 'aoboboma 'esemi,

1 Tesalonaika 4:2

Ta wate 'Inapwana Yesu 'ina loinao nidi 'a'ebwa'emiya wamwalamwalatonidi.

1 Tesalonaika 5:12

Gosemao, 'asidemi wate be 'aene 'ami toanuganao wada 'amayabedi, be wada oboboma 'ai'ailidi, manuna 'Inapwana 'ina paisewa siguiguinuwe, nate si'ita'i'isimi ta siloguloguguya 'emiya. Ta 'ebweu yage wate, geya'abo egewagewana, ta esi nuwasiwalowega wada miyami.

2 Tesalonaika 1:3

Gosemao, 'ilobwenema be tuta yauyauna Yaubada 'ada lokagutokiye 'imi emisa be 'imi eobooboboma taumimo 'emiya 'adi sinabwa manuna.

2 Tesalonaika 2:1

Gosemao, nuwanuwama be wada mwalamwalatoni 'ida 'Inapwana Yesu Keliso 'ina apwesa limana be 'ida egogona 'enaya manuna,

2 Tesalonaika 3:1

Gosemao, 'ebweu yage wate nuwanuwama be manuma wasidasida Yaubada 'ena, be 'enega 'Inapwana tetelina 'ima loguguyega 'ida lelewana be 'iewaiwai tomota 'ediya, nadigega lowa 'emiya.

2 Tesalonaika 3:13

Gosemao, guinuwa bobo'adi manudi geya'abo walo'ame'ame.

1 Timoti 5:21

Gete 'amu emataluwa 'eguyega Yaubada be Yesu Keliso matadiya, be wate aniloseyao 'esasedi matadiya, 'aene loina getedi 'uda muliya 'ai'ailidi. Tomota maibo'adi 'uda loinedi loina 'ebweuna namo 'enega, ta geya'abo 'aidi namo 'ediya 'uloiloina pa'ala, ta 'aidi 'ediya nigeya.

2 Timoti 4:1

Timoti, 'amu emataluwa ya'ebwa'eyo Yaubada matanaya, ta Yesu Keliso tauna mwawamwawasidi be mayawasida 'ada tobwa'omatana matanaya, tauna ma'etamo 'iapwesa limanama be 'ietoloina 'edaya.

Ibeliu 11:6

Ona'ai'aila, 'eguma geya'abo taemiemisa Yaubada 'enaya, geya'abo manuda 'igwaugwausowala. Manuna 'abo nuwanuwada be Yaubada 'ena tatatauya, taemisa nugana 'aene Yaubada nina 'imiyami ta 'ana to'ebesao 'adi tooboboma, be muliyega sawesawenaya tatatauya 'ena.

Ibeliu 13:16

'Ebweu taliya wate Yaubada nuwanuwana sinabwana, nate oboboma tomota manudi ma ida 'atenuwa'ole'ole.

Ibeliu 13:22

Gosegwao, 'imi leta gete kukupana tuga ta yasida 'emiya be ma imi 'alama'i'ita 'igu loguguya gete wada nono.

2 Pita 3:18

Ta esi 'ida 'Inapwana, tauna 'ada To'etoseyana Yesu Keliso, 'ana mwalatoi be 'ina oboboma 'emiya 'ida sinabwa, ta tauna tada tupu atae. Eimeni. 'Abo'agu Saimoni Pita

1 Yoni 3:22

be 'abo to'ase taside 'enaya 'ida 'ebwa'eda, manuna tauna 'ina loinao taematamatanedi, ta 'ida guinuwao manudi 'igwausowala.