1 Tesalonaika 2:4 - Loina Tabu Auwauna NT

⁴ Manuna 'ima paisewa gete Yaubada 'itagwala 'emaya be tetela bobo'ana 'asimana apwese, 'enega 'ima simana nina nigeya to'ase tomota nuwanuwadi, ta esi to'ase Yaubada nuwanuwana. Manuna nuwanuwa nidi 'atemaya simiyami, nai bobo'adi, nai to'umalidi, Yaubada taunamo 'imwalamwalatoni.

1 Tesalonaika 2:4 Σταυροειδείς Αναφορές

Luke 12:42

'Enega Yesu 'igwae, “Toguinuwa bobo'adi ta sinasinapudi 'idi bubuna gete nadigega, 'abo yaita tauna 'ina 'inapwana 'iesinuwena be anuwa 'ida 'ita'i'isi, be gosenao 'adi masula 'i'ebwa'edi 'asiyata 'ebweuna 'ebweuna 'ediya,

Luke 16:11

'Enega 'omi wate 'abo nigeya bale'u esaesanao manudi waguiguinuwa 'ai'aila, 'iabe Yaubada geya'abo wate esaesa 'ai'aila 'i'ebwa'ebwa'emi.

Yoni 21:17

Ta Yesu wate 'ina ona 'etonina Pita 'ena 'igwae, “Saimoni, 'oyo Yoni natuna, 'uobobomeguya?” Ga gote 'ena Pita nuwana 'imwau, manuna Yesu 'ienaenaida matoi 'enaya, 'igwae, “'Uobobomeguya?” Ta Pita 'iona limana ga 'ena 'igwae, “'Inapwana yage yauyauna 'umwalamwalatonidi, 'enega 'umwalatonigu 'aene yaobobomemu.” Ga Yesu wate 'ena 'iona, 'igwae, “'Igu sipiyao 'u'ita'i'isidi.

Loma 8:27

Yaubada tauna 'ida nuwanuwa 'imwalamwalatoni, ta wate Yaluyaluwana 'ina nuwanuwa 'imwalamwalatoni, manuna Yaluyaluwanana Yaubada 'ina tomotaiyao nida manuda 'i'awa'awanoi, manuna Yaubada be yaluyaluwana ma'iyana 'idi nuwanuwa 'ebweuna.

1 Kolinita 7:25

Nigeya 'ebweu wate loina Yaubada 'i'ebwa'ebwa'egu gomagweineyao taudi nigeya siaiai manudi, ta esi 'iobobomegu ga nuwanuwa palupaluna 'i'ebwa'egu yage gete manuna.

1 Kolinita 9:17

Yaubada 'agu loina gete 'isa'una 'igu paisewa manuna ta nigeya 'abo'agu taugu 'igu nuwenuwega, 'enega geya'abo maisa ya'ewa'ewa paisewa nina manuna.

2 Kolinita 2:17

Ta 'abo'ama nigeya nadigega tologuguya kabokabodi, taudi 'idi esaesa tuga manuna siloguguya, ta esi 'abo'ama ma 'ama emisa, nadigega Yaubada 'iloinema, 'enega tauna matanaya Keliso tetelina 'aonaona 'ai'aila.

2 Kolinita 4:2

Ni'atu bubuna to'umalidi nai kabokabodi 'aguitoyasedi, ta wate geya'abo Yaubada 'ina ona 'agibugibuni be 'aene e'ita kabokabona 'enega 'ae'ie'ita, ta esi e'ita 'ai'aila 'aonaona apwese, be tomota maibo'ami 'ima bubuna bobo'ana Yaubada matanaya wa'ita.

2 Kolinita 5:11

Gete manuna tauna 'Inapwana nina 'amatautena ga tomota 'ediya 'aloguguya. Yaubada 'ima bubuna 'imwalamwalatoni ta yanuwayaina 'omi wate wamwalamwalatonima 'aene bobo'ama.

2 Kolinita 5:16

Lowa, 'igu nuwanuwa 'aene Keliso tauna tai to'umalina ta esi ni'atu yanuwa'ebuni, 'enega geya'abo taesiesinuwa tomota 'ediya 'aene bobo'adi nai to'umalidi, nate me bale'u 'idi nuwanuwa nadigega,

Galetia 1:10

Mwa'adega, tomota nidi 'adi tuputupu manuna yanuwanuwa, nai Yaubada 'ana tuputupu? Manuna 'eguma tomota 'idi nuwanuwa yaguiguinuwa, nigeya sawesaweguya be Keliso manuna yaetoguinuwa.

Galetia 2:7

Ona'ai'aila, toanuganao nidi Yaubada 'ina egueguyai si'italobena 'aene 'abo'agu tetela bobo'ana yaloguloguguyae taudi nigeya me Yudia 'ediya, ta Pita esiya me Yudia dimo 'ediya.

Epeso 3:8

Ta 'abo'agu 'atuwa gomabeso toekalesiyao soladiya, ta tuwa tuga 'ina obobomega paisewa gete 'i'ebwa'egu, be 'omi nigeya me Yudia 'emiya Keliso tetelina yada loguguyae, be 'enega 'ina esaesa sinabwa wawasae wada 'italobadi,

Epeso 6:6

Geya'abo 'aene 'abo tuta nina 'imi 'inapwana siduneduneyemi namo 'ediya wapaisewa 'ai'aila, ta 'aina tuta nigeya, ta esi Yaubada manuna 'imi gwaunuwa 'atemiyega waguiguinuwe.

Kolose 3:22

'Omi toguinuwao wate 'imi 'inapwanao bale'uya 'enadi wada ematamatanedi yage yauyaudi manudi. Ta geya'abo 'abo tuta nina silomata'i'isimi namo 'enaya wada paisewa ma imi gwaunuwa, be 'enega 'aene wada giegwausowalidi, ta esi tuta maibo'ana 'ediya ma imi 'atetagwala, Yaubada 'ana 'amayabega.

1 Timoti 6:20

Timoti ye, yage nidi Yaubada 'i'ebwa'emuya 'u'ita'i'ita 'ai'ailidi, ta sinasinapu kabokabo be egewagewana besobeso geya'abo 'umulimuliyedi.

2 Timoti 1:14

Ta Yaluyaluwa Tabuna tauna soladaya 'imiyami, ga mwalatoi 'ai'aila ni'atu 'i'ebwa'emu, 'enega mwalatoi nina 'uda nuwa'i'isi.

2 Timoti 2:2

be tetelina 'u'ita'i'isi. Tetela nina 'eguyega 'unononaya tomota yaudi matadiya, 'enega taudi ma 'adi emisa 'ediya 'u'ebwayae, be taudi wate mali tomota sie'itadi.

Taito 1:3

'Enega Yaubada tauna 'ina onega tuta nina 'iesinuwena 'enaya Yesu 'imai ga yawasida ataya 'igie apwesenama, ga Yaubada, tauna 'ada To'etoseyana, 'iloinegu ga yaloguloguguyae.

Ibeliu 4:13

Manuna Yaubada matanaya nigeya 'ebweu wate yage 'ida miya kwaiya, maibo'adi silo'atamanedi, ta tauna 'ena ma'etamo 'ida guinuwa maibo'ana tasimanedi.

1 Pita 4:11

'Enega yaisigedi 'omi waetosimana wada etosimana tuga nadigega Yaubada 'ina ona wasimasimane, ta 'abo yaisigedi 'omi walemalema wada lema tuga 'imi waiwai maibo'anega, nadigega waiwai nina 'i'ebwa'emi, be 'enega guinuwa maibo'adi 'ediyega tomota Yesu Keliso sida mwalatoni be Yaubada sida tupu, manuna tauna Toesaesa sana, ta Toewaiwai sana, tuta maibo'ana 'ediya. Eimeni.

E'ita'ita 2:23

Ta wate natunao yada loemwawasidi, be 'enega ekalesiyao maibo'adi sida mwalatonigu 'aene 'abo'agu tomota yauyaudi 'idi nuwanuwa 'atediya maibo'ana yamwalamwalatoni, ta wate maibo'ami 'emiya yada e'isa to'ase nadigega 'imi guinuwao, nai bobo'adi, nai to'umalina.