1 Tesalonaika 2:15 - Loina Tabu Auwauna NT

¹⁵ Manuna taudi me Yudia 'idi bubuna gete 'ida 'Inapwana Yesu siloemwawasina, ta wate lowaenei palopitao siloemwawasidi, ta wate 'abo'ama ni'atu sietalauwalema, 'enega Yaubada geya nuwana taudi,

1 Tesalonaika 2:15 Σταυροειδείς Αναφορές

Madiu 23:37

“Yelusalema ye! Mwa'adega ga palopitao 'uloemwawasidi ta wate Yaubada 'ina toepilialealeyao gulewega 'uloibweibwedi. Tuta yauna nuwanuwagu be 'imu tomotaiyao yabwau egogonedima 'atuwa kakaleko natunao papenega 'i'aubodebodedi, ta sa'i siguitoyasegu.

Madiu 27:25

Ta boda maibo'adi sigwae, “Bobo'ana! 'Abo'ama 'ada loine, ta 'ana e'isa 'ada loba, 'abo'ama, ta 'epata simeemai 'ediya wate.”

Madiu 5:12

Ona'ai'aila 'ilobwenemi be wada gwausowala sinabwana, manuna ma'etamo 'ami pali bobo'ana galewaya wada loba. Ta 'omi nadigega Yaubada 'ina palopitao lowaenei. Manuna taudi wate 'idi miyamwau silobena tomota 'ediyega.

Luke 24:20

Ta 'ima totaliya sinabwadi be 'ima toanuganao tai nina sietalaena 'ina mwawasa manuna ga muliyega tolosaiyao situtu epa'iyena kelose 'enaya,

Guinuwa 12:3

Ta me Yudia sigwausowala Yemesa 'ina mwawasa manuna. 'Enega Elodi 'iloina limana be Pita sida giyai. Ta wiki nina nate me Yudia 'idi edidigula 'ana tutaya ta beledi daisina nigeya 'ana 'ebe gieseseyamo sie'ani.

Guinuwa 2:23

Yaubada lowaenei Yesu nina manuna 'iloina, ga to'ase bale'uya 'ida loba Yaubada 'igimi mwalatonina, ta 'omi wasipupuyena, ga 'imi loinega tomota to'umalidi kelose 'enaya siloemwawasina.

Guinuwa 3:15

'Enega yawasi bobo'ana 'ana to'ebwaya waloemwawasina, ta Yaubada tauna mwawasega 'igietoolo limena, ga maibo'ama 'a'itena.

Guinuwa 4:10

'Enega nuwanuwama 'omi be me Isileli maibo'ami wada mwalatoni 'aene tai gete matamiya 'itootoolo 'ina bobo'ana Yesu Keliso 'enega, tauna goma Nasaleta, kelose 'ena waloemwawasina, ta Yaubada 'igietoolo limena.

Guinuwa 5:30

Ona'ai'aila, 'omi Yesu kaiwe 'ena watutu epa'iyena ga 'ana laba 'imwawasa, ta tubudao 'idi Yaubada Yesu 'igietoolo limena,

Guinuwa 7:52

Ona'ai'aila, tubumiyao palopitao maibo'adi sibubuna geyogeyoiyedi ga siloemwawasidi, palopitao nidi taudi Topalupaluna 'ina mai sigimi simanena, 'enega 'omi wate Topalupaluna nina wasipupuyena ga waloemwawasina.

1 Kolinita 10:5

Ta esi Yaubada nigeya 'igwaugwausowala tubudao nidi manudi, 'enega mitawa nina 'enaya yaudi simwawasa, ga kokowadi nada siebesinedi.

2 Kolinita 11:26

Ta wate 'igu 'adau 'ediyega 'ebe esilae yalobedi bwasi sinabwadi 'ediyega, be to'ipwalao 'ediyega, be 'igu bodao taudi me Yudia 'ediyega be taudi nigeya me Yudia 'ediyega ta 'asa sinabwadi 'ediya, be mitawa 'ediya ta wate bwagabwagaya, be wate tasidao kabokabodi 'ediyega,