1 Tesalonaika 2:10 - Loina Tabu Auwauna NT

¹⁰ 'Omi Keliso 'ana toemisao, ta 'abo'ama 'ima bubuna 'emiya wamwalatonina, ta Yaubada wate 'imwalatonima 'aene 'esasema, ta palupaluma, ta bobo'ama.

1 Tesalonaika 2:10 Σταυροειδείς Αναφορές

Luke 23:41

ta loina nina 'oyo be 'abo'agu 'ilobweneda, manuna 'abo'ada toto'umalida, ta tai gete nigeya 'ebweu 'ina loegesimo.”

Guinuwa 20:18

Ta ni'atu 'ena simai ga Paulo 'ieonedi, 'igwae, “'Omi wamwalamwalatoni 'igu bubuna tuta nina tamiyami ma'egwao, Esia 'ena igu mai'unu 'enega ga batuwa,

Guinuwa 20:26

'Enega gete tuga yasimana 'emiya 'aene Yaubada 'ina loinao maibo'adi ni'atu ya'ebwa'emi, ta nigeya 'ebweu yakwaikwaiye. 'Enega 'eguma 'aimi 'emiyega waesilae ataya nate 'abo'agu nigeya 'igu loegesiyega, ta taumimo esi 'imi loegesi.

Guinuwa 24:16

“'Enega tuta maibo'ana 'ediya yatootoo waiwai 'aene yada bubuna palupalu, Yaubada matanaya, be wate tomota 'ediya.

2 Kolinita 1:12

'Ebweu yage manuna yagwausowala sinabwana, ta yanuwena ona'ai'aila 'ima bubuna 'esasena ta palupaluna tomota 'ediya, nigeya sinasinapu bale'u 'ediyega, ta esi Yaubada 'ina oboboma 'emaya 'enega, ta wate nadigega 'aguinuwa sinabwana 'emiya.

2 Kolinita 11:11

Ta to'ase 'alena? Nai 'igu ona gete manuna ga yaguitoyasemi? Nigeya sa'i! Yaubada 'imwalatoi 'ai'ailigu yaobobomemi.

2 Kolinita 11:31

Yaubada tauna 'Inapwana Yesu tamana tada tupu atae, ta tauna 'imwalamwalatonigu 'aene 'igu emwasala gete ona'ai'aila.

2 Kolinita 4:2

Ni'atu bubuna to'umalidi nai kabokabodi 'aguitoyasedi, ta wate geya'abo Yaubada 'ina ona 'agibugibuni be 'aene e'ita kabokabona 'enega 'ae'ie'ita, ta esi e'ita 'ai'aila 'aonaona apwese, be tomota maibo'ami 'ima bubuna bobo'ana Yaubada matanaya wa'ita.

2 Kolinita 5:11

Gete manuna tauna 'Inapwana nina 'amatautena ga tomota 'ediya 'aloguguya. Yaubada 'ima bubuna 'imwalamwalatoni ta yanuwayaina 'omi wate wamwalamwalatonima 'aene bobo'ama.

2 Kolinita 7:2

Gosegwao wada yalema, manuna 'ima bubuna 'emiya maibo'ana bobo'ana. Nigeya 'ebweu wate nuwami 'ada gieto'umaliyena, nai 'ada giekwaniyena, nai 'ada kaboemi.

1 Tesalonaika 1:5

'enega tuta nina tetela bobo'ana 'a'ebwa'emi, Yaluyaluwa Tabuna ona nina 'igiewaiwaiyena 'emiya, 'enega ona nina wa'awa 'ai'ailena, ta 'abo'ama wate 'ima guinuwa manumi wa'itena, nate guinuwa palupaluna.

1 Tesalonaika 2:5

Ta Wamwalamwalatoni lowa 'awai 'emiya nigeya ma ima ona dibidibidi, ta Yaubada wate 'imwalatonina 'aene nigeya 'aonaona 'awa yalayala 'emiya be 'aene 'imi gwegweyao 'a'ewadi.

2 Tesalonaika 3:7

'Enega ni'atu wamwalatonina 'aene 'ilobwenemi be 'abo'ama waetotowanema. Manuna lowa 'omi ma'emao tamiyamiya, nigeya 'ebweu tuta paisewa 'ena 'ada logwautoyasa.

1 Timoti 4:12

Tomota geya'abo sisinasinaliyo manuna 'aene 'oyo tubuwau tuga, ta esi 'imu ona bobo'ana, be 'imu guinuwa bobo'ana, 'imu oboboma, 'imu emisa, be 'imu bubuna 'esasena 'ediyega be 'oyo 'ebe'ita taudi 'ediya.

2 Timoti 3:10

Ta 'oyo ni'atu 'umwalatonigu, 'igu e'ita, be 'igu bubuna, 'igu 'edao, 'igu emisa, 'igu 'alama'i'ita, ta 'igu oboboma, be 'igu toolopa'ala,

1 Pita 5:3

Ta geya'abo watoo be waetoloina 'ediya, ta esi bubuna bobo'ana wada e'itae 'ediya, be sida muliyemi.