1 Tesalonaika 1:5 - Loina Tabu Auwauna NT

⁵ 'enega tuta nina tetela bobo'ana 'a'ebwa'emi, Yaluyaluwa Tabuna ona nina 'igiewaiwaiyena 'emiya, 'enega ona nina wa'awa 'ai'ailena, ta 'abo'ama wate 'ima guinuwa manumi wa'itena, nate guinuwa palupaluna.

1 Tesalonaika 1:5 Σταυροειδείς Αναφορές

Maki 16:20

Ta 'enega sitauya sena yauyaudi 'ediya ga Yesu tetelina siloguguyaena, ta sa'i 'Inapwana ma'edi siguiguinuwa ga 'ina waiwaiyega guinuwa 'ebe nuwaowanao siguinuwedi, ga 'enega tomota tetela nina siemisena.

Luke 1:1

Ye 'inapwana Tiopilo. Ni'atu tomota yaudi Yesu tetelina si'etoladina to'ase nadigega 'ina guinuwa 'edaya manuna.

Guinuwa 11:21

ta 'Inapwana 'igiewaiwaiyedi, ga tomota yaudi 'idi ona siemisena, ga sisanaila 'Inapwana 'enaya.

Guinuwa 16:14

Ta 'ebweu waine 'ediyega 'ana esana Lidia, 'asa Tayataila wainena, ta Yaubada 'ana toemisa, ta 'ina paisewa nate 'ebweu 'oama esaesa 'ana toegimwane. Ta 'etamo iine nidi 'ima ona sinononoi, ga Yaubada emisa Lidia 'atenaya 'ienuwa sa'uyena, ga Paulo 'ina loguguya 'iemisena,

Guinuwa 2:33

'Enega Yaubada 'igitu'eyena ga tauna 'atainaya 'imiyami, ga tauna Yaluyaluwa Tabu nina Yaubada lowa 'iona upaupaena, ta gete tuga ni'atu 'i'ebwa'ema, 'enega guinuwa gete wa'ita'itadi ta wanononodi, tauna 'enega simai.

Loma 1:16

Tetela nina 'ana guguya manuna nigeya yada omayamaya, manuna Yaubada 'ina waiwai 'ena 'imiyami be 'enega 'abo yaisigedi taudi siemisa 'ida 'etoseyedi, ta nugana 'abo'ama me Yudia 'emaya, ta 'enega muliyega 'omi nigeya me Yudia 'emiya.

Loma 15:13

Ta ona'ai'aila, Yaubada namo ma 'ana emisa, manuna taunamo 'enega lema bobo'adi talobalobadi, 'enega nuwanuwagu be ma imi gwausowala wada emisa 'aene 'imi miya sida bobo'ana, ta wate Yaluyaluwa Tabuna 'ina waiwaiyega 'imi emisao nidi 'ida giesinabwa 'ai'ailidi.

Loma 2:16

Nadigega tuga tetela bobo'ana yaguguyaena 'emiya, 'aene bwa'omatana 'ana tutaya Yaubada Yesu Keliso 'ida loine, be tauna tomota 'idi nuwanuwa kwaikwaiyidi manudi 'ida 'awato'umaliyedi nai 'ida 'awabobo'anedi.

1 Kolinita 1:24

Ta esi 'abo'ada Yaubada 'ana toemisao 'iesinuweda, boda Yudia be mali boda 'ediyega, ga Keliso 'enega Yaubada 'ina waiwai ta 'ina sinasinapu 'i'ebwa'eda.

1 Kolinita 10:33

nadigega 'abo'agu yatootoo be 'aene geya'abo taugu 'igu nuwenuwega yaguiguinuwa, ta esi to'ase tomota 'idi nuwanuwa nadigega yada guinuwe tuga, be sida gwausowala, be 'enega 'adi 'etoseyana sida loba Yaubada 'enega.

1 Kolinita 3:16

'Enega wada nuwa'i'isi 'aene 'abo'ada Yaubada 'ina Anuwa Tabu, manuna Yaubada Yaluyaluwana 'edaya 'imiyami.

1 Kolinita 3:6

'Abo'agu 'igu paisewa toasowa tuga, ta Apolosa to'ita'i'ita, ta Yaubada sa'i tauna 'ina waiwaiyega masula 'isusaila.

1 Kolinita 4:20

Manuna Yaubada 'ina 'ebeloina solanaya 'ina tomotai nigeya siona namo, ta esi 'ina waiwaiyega sipaipaisewa.

1 Kolinita 9:14

Yaubada 'ina loina gete nadigega be 'aene Yesu Keliso tetelina 'ana tosimanao 'adi masula sida lobadi 'idi paisewao 'ediyega.

2 Kolinita 3:6

be sawesawemaya 'ina loina auwauna manuna 'aetoetoguinuwa. Loina nina auwauna nigeya 'eto'etoladina, ta esi Yaluyaluwa Tabuna 'enega, manuna loina 'eto'etoladina mwawasa 'i'ebwa'eda, ta sa'i loina nina Yaluyaluwa Tabuna 'enega yawasida 'i'ebwa'eda.

Galetia 2:2

Ta 'igu tauya 'alena manuna Yaubada 'ie'itegu 'aene 'ilobwenegu be yada tu'e Yelusalema, 'enega yatauya toekalesiyao 'idi toanuganao 'ediya, ga taumamo 'a'awa'awagwae, ga tetela nina yaloguloguguya taudi nigeya me Yudia 'ediya yasimana apwesa toanuganao nidi 'ediya, manuna geya nuwagu be yaloguguya besobeso, 'enega toanuganao nidi sitagwala 'igu loguguya nina 'enaya.

Galetia 5:5

Manuna 'abo'ada Yaubada taemisena be 'aene 'i'awa palupaluyeda. Gete 'ida nuwayaina Yaluyaluwa Tabuna 'enega, ga manuna tayamwayamwa.

Epeso 2:10

Ta esi Yaubada taunamo 'ina guinuwa 'atedaya 'igibubuda Yesu Keliso 'enega, be 'aene guinuwa bobo'adi Yaubada lowaenei 'iesinuwedi manuda tada guinuwedi.

Epeso 3:20

Ona'ai'aila, 'ina waiwai soladaya 'ietaetapewa, be 'eguma to'ase manuna tasidasida ma ida emisa, tauna sawesawenaya be 'ida guinuwe, ma 'ana loeposeyana sinabwana manuda.

Pilipai 2:13

manuna Yaubada nina 'atemiya 'ietaetapewa, be 'aene tauna 'ina nuwenuwega 'omi wanuwanuwa be waguiguinuwa.

Pilipai 4:9

'Omi wada etotowanegu, 'igu guinuwao wa'itedi 'ediyega, be 'igu onao be 'igu e'itao wanonodiya ga wamwalatonidiya 'ediyega. 'Enega Yaubada ma ina nuwa siwalowa ma'emiya wada miya gwausowala.

Kolose 2:2

be 'aene taudi wate obobomega sida egosigosiyana 'ai'aila, ma 'adi lotoona bobo'ana, be ma idi mwalatoi 'ai'aila, 'enega sida gwausowala sinabwana, manuna ni'atu sinuwanuwa sabwalena mwalatoi lowa kwaikwaiyina manuna, nate Keliso.

1 Tesalonaika 2:13

Gosemao tuta yauyauna 'alokagutoki Yaubada 'ena, manuna Yaubada 'ina ona ni'atu 'a'ebwa'emi ga 'ena watagwalemi, nigeya 'aene tomota 'idi ona, ta esi Yaubada 'enega. Ona'ai'aila, ona nina Yaubada 'enega, ga waemisena, ta 'ana waiwai ni'atu walotoona.

2 Tesalonaika 2:14

Tetela nina lowa 'aloguguyaena 'emiya ga waemisena, ga gete 'enega 'ida 'Inapwana Yesu Keliso 'ina esaesa 'i'ebwa'emi.

2 Timoti 2:10

Gete manuna 'igu miyamwau nidi getedi 'ediyega yae'alama'i'ita, be taudi Yaubada 'iesinuwediya yada lemedi, be 'aene Yesu Keliso 'i'etoseyedi, be gwausowala ataya sida loba.

2 Timoti 2:8

Ta Yesu Keliso 'unuwa'i'isi, tauna Debida 'ina susu, ta mwawasega 'itoolo limana, nadigega ni'atu yasimanena 'igu loguguya 'ena.

Ibeliu 10:22

'Enega Yaubada tada loselabe ma ida 'atetagwala be ma ida emisa 'ai'aila be 'enega ooda tada gie'esasedi bwasi bobo'ana 'enega, ta wate 'ida nuwanuwa sida 'esasa, manuna Yesu 'ina loseuseula 'enega 'ida nuwanuwa to'umalidi 'igie'esasedi.

Ibeliu 6:11

'Enega nuwanuwagu be 'omi 'ebweuna 'ebweuna waetapewa, be 'aene 'imi emisa uwana maibo'ana tuta muliyega waloba.

1 Pita 1:12

Ta Yaubada palopitao nidi 'ie'itedi 'aene onaupaupa nidi sigimi simanedi nigeya taudi manudi, ta 'omi esi manumi, ta yage nina lowa manuna siona ni'atu gete wanononodi, tetela bobo'ana 'ana tosimanao 'ediyega, nate Yaluyaluwa Tabuna galewega 'ina waiwaiyega. Ta yage nidi bobo'adi manudi sieonemi, aniloseyao galewaya nuwanuwadi be taudi wate sida mwalatoni.

1 Pita 1:3

Yaubada tada tupu, tauna 'ida 'Inapwana Yesu Keliso tamana, manuna 'i'atenuwa 'ole'oleyeda sinabwana, ga tubuwa auwauna 'i'ebwa'eda Yesu Keliso 'ina toololimana mwawasega 'enega. Gete manuna tuta yauna tanuwayaina 'aene 'ina obobomao galewaya ma'etamo talobadi.

1 Pita 5:3

Ta geya'abo watoo be waetoloina 'ediya, ta esi bubuna bobo'ana wada e'itae 'ediya, be sida muliyemi.

2 Pita 1:10

'Enega, gosegwao, watoo waiwai be geya'abo Yaubada 'ana esiesinuwao bodadi 'enega wamiyamiya apwesa. Ta 'abo 'igu ona getedi waematamatanedi geya'abo wabe'ube'u,

2 Pita 1:19

Ta palopitao lowa 'idi ona 'ediyega Keliso sigimi simanena, ta 'abo'ama 'a'itena, 'enega 'omi 'ilobwenemi be ona nidi wanuwa'i'isidi, manuna ona nidi 'atuwa mayale sena guguyoi 'enaya 'imaemaedana be 'ana laba tomwa 'iulisi ta 'Ubwana 'atemiya 'isasae.