1 Tesalonaika 1:10 - Loina Tabu Auwauna NT

¹⁰ ta Natuna wayamwayamwa be to tuta galewega 'ida ebusima. Tauna Yesu nina Yaubada mwawasega 'igietoolona be 'i'etoseyeda be 'aene geya'abo bwa'omatana 'ena taapweapwesa.

1 Tesalonaika 1:10 Σταυροειδείς Αναφορές

Madiu 1:21

Be ma'etamo natuna me'olotona 'ienatune, be 'ana esana 'ueese Yesu, manuna tauna 'ina tomotaiyao 'idi loegesiyao 'ediyega 'ida 'etoseyedi.”

Madiu 16:27

“Ma'etamo 'abo'agu Tomota Natuna yaila limanama, be Tamagu 'ina esaesa tuyatuyayalina 'enega yailama, ta wate aniloseyao ma'egwao, be tomota 'idi guinuwao 'adi e'isa ya'ebwa'edi.

Madiu 16:28

“Yaona 'ai'aila 'emiya 'aene tomota 'aimi geya'abo wamwawamwawasa 'ana laba 'abo'agu, Tomota Natuna, yailama sabi loina be 'ena wa'ita limagu.”

Madiu 3:7

Ta Palisiyao be Sadusiyao yaudi wate simai sabi bapitaiso, ga Yoni 'i'itedi ga 'ieonedi, 'igwae, “Tokabo 'omi nadigega mwata! Ta wanuwena 'aene 'iabe Yaubada 'ina gamwasowala 'enega wadedena, aga?

Luke 2:25

Ta gote tuta nina 'enaya Yelusalema 'enaya 'ebweu 'inapwana 'ana esana Simioni 'imiyami. Tauna tai bobo'ana, ta wate Yaubada 'i'amayabena sinabwana, ta ma ina 'alama'i'itana 'iyamwayamwa me Isileli 'adi To'etoseyana manuna. Tai nina Yaluyaluwa Tabuna 'ena 'imiyami.

Luke 3:7

'Enega tomota yaudi sitauya Yoni 'enaya be 'aene 'ida giebapitaisoedi, ta Yoni nina 'ieonedi, 'igwae, “Tokabo 'omi, nadigega mwata! Ta wanuwena 'aene 'iabe Yaubada 'ina gamwasowala 'enega wadedena, aga?

Guinuwa 1:11

ga sigwae, “Me Galili ye, to'ase manuna wadunedune galewaya? Yaubada ni'atu Yesu nina 'i'au'ewena galewaya, ta ma'etamo 'imwa'uta limanama, be 'ina mwa'utama 'ana 'ita 'etamo nadigega 'ina tu'e nina ni'a wa'itena.”

Guinuwa 17:31

manuna 'ida 'asiyata bwa'omatana ma'etamo 'iupaena be me bale'u maibo'ada 'ada loina palupaluna 'ida 'ebwa'eda tai nina 'iesinuwena 'enega, ga tai nina mwawasega 'igietoolo limenaya, be 'enega tomota maibo'ada tetela gete tada 'awa'ai'aile.”

Guinuwa 2:24

Ta Yaubada mwawasa 'ina sena mwauna 'enega 'i'etoseyena, ga 'igietoolo limena, manuna nigeya sawesawenaya mwawasa 'ina senaya 'imiyaataya.

Guinuwa 2:32

“Gete Yesu nina ni'atu mwawasega Yaubada 'igietoolo limena, ga 'abo'ama maibo'ama 'a'itena.

Guinuwa 3:15

'Enega yawasi bobo'ana 'ana to'ebwaya waloemwawasina, ta Yaubada tauna mwawasega 'igietoolo limena, ga maibo'ama 'a'itena.

Guinuwa 3:21

Tauna ni'atu galewaya 'itauya, be 'ida miyami 'ana laba yage maibo'adi 'ida giepaepaludi, nadigega Yaubada 'ina palopitao lowaenei sigimi simanena.

Guinuwa 4:10

'Enega nuwanuwama 'omi be me Isileli maibo'ami wada mwalatoni 'aene tai gete matamiya 'itootoolo 'ina bobo'ana Yesu Keliso 'enega, tauna goma Nasaleta, kelose 'ena waloemwawasina, ta Yaubada 'igietoolo limena.

Loma 1:4

ta muliyega Yaluyaluwa Tabuna 'ina waiwaiyega Yaubada 'ida 'Inapwana nina mwawasega 'igietoolo limena, ga 'ie'ita apwesena 'aene Yesu Yaubada Natuna.

Loma 2:7

Ta 'eguma 'aida guinuwa bobo'ana 'ena tuta yauna tae'alama'i'itana, be nadigega tuga taguiguinuwa be 'aene 'awabobo'ana be yawasi ataya tada loba Yaubada 'enega, ona'ai'aila ma'etamo yawasida miyamiya atayana 'ida 'ebwa'eda.

Loma 4:25

Ta 'abo'ada 'ida to'umalina manuna Yesu 'imwawasa, ga mwawasega Yaubada 'igietoolo limena be gete 'enega 'igie'esaseda ga 'i'awa palupaluyeda.

Loma 8:34

Ga wate nigeya sawesawenaya be 'ebweu yaita 'ina ona mwauna 'edaya 'isa'u, manuna Yesu Keliso ni'atu manuda 'imwawasa ga mwawasega 'itoolo limana, 'enega gete tuga Yaubada 'atainaya 'imiyami, ta manuda 'isidasida.

1 Kolinita 1:7

ta wate Yaubada 'ina 'ebwaya bobo'adi maibo'adi 'emiya simiyami, tuta gete wayamwayamwa 'ida 'Inapwana Yesu Keliso 'ina apwesa limanama manuna.

Galetia 3:13

Ta nigeya sawesawenaya be loina maibo'adi taematamatanedi, 'enega Keliso nina 'ilopa'eluda ga 'i'etoseyeda loina 'ana mwau 'enega. Loina 'ana mwau gete 'eguma nigeya tada ematamatanediya tamwamwawasa, 'enega Keliso 'abo'ada manuda 'imwawasa nadigega taudi toto'umalidi sinabwadi 'adi loemwawasa kelose 'ediya. Buki Tabu lowa 'ina ona gete manuna 'igwae, “'Abo yaisigedi kelose 'ediya sisa'udi be simwamwawasa, tomwawasa nidi 'awa to'umali siloba Yaubada 'enega.” Ga Keliso 'abo'ada manuda mwau nina 'ilobena.

Pilipai 3:20

Ta 'abo'ada esi 'ida sena galewaya, be gote 'enega 'ada To'etoseyana, tauna 'ida 'Inapwana Yesu Keliso, ma'etamo 'iilama, ta tauna manuna tayamwayamwa.

Kolose 1:18

'Abo'ada toekalesiyao 'atuwa welawela'anao, ta tauna debada, ta tauna 'ebe e'ale, ta mwawasega tauna togimitoolo limana, be 'enega yage maibo'adi 'iloetana sinedi.

1 Tesalonaika 1:7

'Enega 'omi 'ebe'ita bobo'ana, ga Keliso 'ana toemisao, sena Masidonia be Akaya 'ediya, sietotowanemi.

1 Tesalonaika 2:16

ta 'ima simana 'omi sena yauyauna tomoteninao 'emiya sitootoo be sida 'etobode, manuna geya nuwadi be Yaubada 'i'etoseyemi. 'Enega 'idi to'umalinao sisinabwa 'ai'aila, ta 'ana e'isa nate 'elouya sinabwana Yaubada 'i'ebwa'edi.

1 Tesalonaika 2:7

'Ima bubuna 'emiya ma ima oonuwa, nadigega waine natunao 'ediya ma ina oonuwa.

1 Tesalonaika 5:9

Manuna Yaubada nigeya 'iloiloina be bwa'omatana 'ana sena 'ena taapwesa, ta esi nuwanuwana 'ida 'Inapwana Yesu Keliso 'ina guinuwega 'i'etoseyeda.

2 Timoti 4:1

Timoti, 'amu emataluwa ya'ebwa'eyo Yaubada matanaya, ta Yesu Keliso tauna mwawamwawasidi be mayawasida 'ada tobwa'omatana matanaya, tauna ma'etamo 'iapwesa limanama be 'ietoloina 'edaya.

Taito 2:13

Gete tuga ma ida gwausowala 'ada To'etoseyana Yesu Keliso taemisena, tauna 'ida Yaubada waiwaina ta ma ina esaesa, 'enega 'ina apwesama manuna tayamwayamwa.

Ibeliu 10:27

ta esi bwa'omatana taloba, nate 'awe sabeluluyega 'igabu egumwalida. Gete Yaubada 'ibubuna 'ana talauwalao manudi.

Ibeliu 9:28

Wate nadigega Keliso 'ina mwawasega tauna 'italiyaena ma'ebweuna namo, be yauyauda 'ida bubuna to'umalidi 'i'ewa yauledi, ta ma'etamo 'iila limanama, be nigeya 'aene bubuna to'umalidi 'i'ewayaula limadi, ta esi sabi 'etoseyeda 'abo ma ida nuwa'ewa tayamwayamwa.

1 Pita 1:21

Ga tauna Keliso nina 'enega Yaubada waemisena 'aene tauna mwawasega 'igietoolo limena ga 'ebemi esaesa 'ena 'isa'una, 'enega 'imi emisa be 'imi nuwayaina wasa'u 'ai'ailidi Yaubada 'enaya.

1 Pita 1:3

Yaubada tada tupu, tauna 'ida 'Inapwana Yesu Keliso tamana, manuna 'i'atenuwa 'ole'oleyeda sinabwana, ga tubuwa auwauna 'i'ebwa'eda Yesu Keliso 'ina toololimana mwawasega 'enega. Gete manuna tuta yauna tanuwayaina 'aene 'ina obobomao galewaya ma'etamo talobadi.

1 Pita 2:21

Ta ni'atu 'eda gete manuna Yaubada 'ibwauyeda, manuna Keliso tauna manuda 'i'elouya, ga 'ebe e'ita 'isa'una 'edaya be 'aene 'ae iyaena tada muliyedi.

1 Pita 3:18

Ona'ai'aila, Keliso ma'ebweuna 'imwawasa 'ida to'umalinao manudi, ta tauna tai bobo'ana, ta 'abo'ada toto'umalida ga manuda 'imwawasa, be gote 'enega 'ida 'au'ewada Yaubada 'ena. Ta Keliso oona namo siloemwawasina, ta yaluyaluwana nigeya.

2 Pita 3:12

Ta wada yamwayamwa ma imi nuwayaina 'Inapwana 'ina 'asiyata 'ina mai manini manuna, be tuta nina 'enaya Yaubada gimigalewa be gimibale'u 'iloesawalidi 'awe 'ala'alasina 'enega,

2 Pita 3:14

Gosegwao, 'imi yamwana 'ana tutaya watoo waiwai be 'eguma 'imamai, 'ilobami ma imi bubuna palupaluna maibo'ana, ta nuwa siwalowega wamiyami.

E'ita'ita 1:18

mayawasigu yamiyami. Ta lowa yamwawasa, ta 'u'ita 'abo'agu yamiyami, ta geya'abo yagumwagumwala. 'Abo'agu wate nimaguya Mwawasa be tomwawasa yaluyaluwadi 'idi sena 'adi 'ebe gigege yagiyaidi.

E'ita'ita 1:7

Ta wa'ita tauna ma'etamo galewega 'imwa'utama pwana 'enega, be tomota yauyaudi be wate lowa 'ana tobadiyao maibo'adi sida 'ita, be 'enega tomiya bale'u sena maibo'adi 'ediya sida nuwamwau be matanaya sida dedoi. Nadigega. Eimeni.