1 Pita 5:14 - Loina Tabu Auwauna NT

¹⁴ 'Enega wada eobooboboma 'ebweuna 'ebweuna 'enaya, be wada enimalotuna oboboma 'ai'ailega. Ta 'omi Keliso 'ina tomotaiyao wada miya gwausowala. 'Abo'agu Pita.

1 Pita 5:14 Σταυροειδείς Αναφορές

Madiu 5:47

Wate 'eguma tasimiyao dimo waegosigosiyanedi nigeya 'imi bubuna mali tomota 'idi bubuna 'ida bobo'ana sinedi, manuna taudi nigeya me Yudia gosediyao dimo siegosigosiyanedi, 'enega taudi be 'omi tuga 'imi bubuna leleleya.

Yoni 14:27

“'Abo'agu ni'atu be yapilisinemi, 'enega taugu tuga 'igu nuwasiwalowa 'enega yada 'ebwa'emi, ta nuwasiwalowa nina nigeya nadigega me bale'u si'ebwa'ebwa'emi. 'Enega geya'abo waenuenuwanaluwa nai wa'ate'ate sa'ala.

Yoni 16:33

Ona gete yasimanena 'emiya be 'enega ma imi gwausowala wada miyami, manuna 'abo'agu ma'emi. Ta ma'etamo bale'uya wamiyamwau, ta tuwa tuga wada 'atepatu, manuna 'abo'agu loina bale'u yaewaiwai sinena.”

Yoni 20:19

Ta ni'atu wiki 'ana gimi'asiyata nina 'asuinuwanuwaya, Yesu 'ina tononoyao anuwa 'ebweu 'ena silugu, ga 'awa sigibodena, ta solanaya simiyami, ma idi matauta me Yudia manudi. 'Enega Yesu 'imai ga gamwagamwanidiya 'itoolo, ga 'ediya 'igwae, “Geya'abo wamatamatauta.”

Yoni 20:26

Ta ni'atu wiki 'ebweuna 'igumwala, ga wate tonono nidi anuwa nina 'ena siegogona limana ga solanaya simiyami, Tomasi nina ma'ediya, ta 'awa sigibodedi. 'Enega Yesu wate 'iapwesa ga gamwagamwanidiya 'itoolo, ga 'ediya 'igwae, “Geya'abo wamatamatauta.”

Loma 1:7

Ta Yaubada Tamada be 'ida 'Inapwana Yesu Keliso 'idi obobomega wada miya siwalowa.

Loma 16:16

'Enega 'ebweuna 'ebweuna gosemiyao egosigosiyana 'ai'ailega wada enimalotuna. Ta wate toekalesiyao maibo'adi sena yauyauna 'ediyega, 'idi oboboma 'omi toekalesiyao Loma 'enaya 'emiya.

Loma 8:1

'Enega 'eguma Yesu Keliso ma'edai, nigeya sawesawenaya be Yaubada 'ina ona mwauna 'edaya 'isa'u.

1 Kolinita 1:30

Manuna Yaubada tauna 'ina guinuwega Yesu Keliso ma'eda tae'ebweu, 'enega Yaubada 'ina sinasinapu Yesu nina 'isa'u balenaya 'edaya, manuna Yesu tauna 'italiyaena manuda, ga 'enega 'igie'esaseda, ta 'igiepaepaluyeda.

1 Kolinita 16:20

Toekalesiyao maibo'adi wate 'idi oboboma 'emiya. Gosemiyao obobomega wa'atubwailidi.

2 Kolinita 13:12

Gosemiyao ma'emiyao waenimalotuna, lotoona bobo'ana 'enega.

2 Kolinita 5:17

ta esi wanuwa'i'isi 'aene 'abo yaita Keliso 'enaya 'imiyami, tauna 'ietomota auwauna. 'Ina bubuna kadekadelina ni'atu 'igumwala, ta auwauna sa'i ni'atu 'iapwesama.

Epeso 6:23

Oboboma be emisa be gwausowala Tamada Yaubada be 'Inapwana Yesu Keliso 'ediyega 'omi gosi 'ai'ailigwao 'emiya.

1 Tesalonaika 5:26

Be wate toekalesiyao maibo'adi obobomega waenima'abidi.

1 Pita 1:2

'Omi lowa Yaubada 'inuwena be 'aene 'ida esinuwemi 'ina tomotaiyao, 'enega 'ina Yaluyaluwa Tabunega ni'atu 'igie'esasemi, nate Natuna lalanega, be 'aene Yesu Keliso nina 'enana wada ematamatane. Oboboma be nuwasiwalowa sida sinabwa 'emiya.

3 Yoni 1:14

ta tuwa, manuna yanuwayaina 'aene ma'etamo yawawai be 'oyo ma'iyagu tada 'awagwae.