1 Pita 3:4 - Loina Tabu Auwauna NT

⁴ ta esi 'atemi wada eiyalidi iyalao miyamiya atayadi 'ediyega, taudi nadigega bubuna nuwana be nuwamwa'uta 'ediyega. Wada nuwa'i'isi 'aene yage gete yage sinabwana Yaubada matanaya.

1 Pita 3:4 Σταυροειδείς Αναφορές

Madiu 11:29

Ta 'omi wada etotowanegu be ma'egwao tada paisewa, be 'enega yaluyaluwami 'idi eyawai'ata sida loba, manuna 'abo'agu 'igu bubuna menuna ta tonuwamwa'uta.

Madiu 21:5

“Sayoni tomoteninao waeonadi, wagwae, ‘Wa'ita 'imi toloina sinabwana 'imeemai 'emiya, Tauna tonuwamwa'uta sana, ta ase 'igeluna, Ta ase nina me'olotona ta mwaneyauna.’”

Madiu 23:26

'Omi Palisiyao matakebokebomi, 'imi keiga be 'imi gaeba soladi wagie'esasa nuganedi, ta 'enega apwesaya wate si'esasadi.

Madiu 5:5

'Omi 'imi bubuna nuwana wada gwausowala manuna ma'etamo Yaubada bale'u maibo'ana 'i'ebwa'emi.

Luke 11:40

Waeuwauwa! Manuna nigeya wamwalamwalatoni 'aene gwaumi be solami 'adi tobubu Yaubada,

Luke 16:15

'Enega Yesu Palisiyao nidi 'ediya 'igwae, “'Omi wanuwena 'aene 'imi bubuna bobo'ana tomota matadiya, ta esi to'umalina maibo'ana 'atemiya Yaubada 'imwalamwalatonidi, manuna yage nidi tomota nuwadi si'ewedi, Yaubada 'enaya yage besobeso.

Loma 1:23

Manuna Yaubada miyamiya atayana siguitoyasena, ta mali 'ebe emisao sisa'u gelasedi ga 'idi tokwalui sibubudi, 'adi 'ita tomota nai manuwa nai yobai nai yobai kawakawalidi nadigega, be tokwalui nidi 'ediya sibwagobwago.

Loma 6:6

Ta wada nuwa'i'isi 'aene 'ida bubuna kadekadelina ni'atu kelose 'enaya 'iloemwawasina, be 'aene tauda 'ida loina 'igugumwala, be 'enega geya'abo wate bubuna to'umalina 'ina loina 'ena tamiyami,

Loma 7:22

Manuna yage gete yalobena 'aene yaluyaluwagu nuwanuwana be Yaubada 'ina loina yaguinuwe,

2 Kolinita 10:1

'Abo'agu Paulo taugu yasidasida 'emiya, 'atuwa Keliso 'ina bubuna nuwana 'enega, manuna 'omi wagwae, “Paulo 'ina bubuna nuwana 'eguma ma'edai tada onaona, ta esi 'edasolega 'i'ena pa'alida.”

2 Kolinita 4:16

'Enega geya'abo 'aneeneta. 'Anabwa'ayoi bwalada sineneneta, ta tuwa tuga soladaya taeauwau 'asiyata 'ebweuna 'ebweuna 'ediya.

Galetia 5:23

bubuna nuwana, 'alama'i'ita. Ta nigeya 'ebweu wate loina 'imiyami be yage getedi 'ida 'etobodedi.

Epeso 4:2

ma imi nuwamwa'uta, be ma imi 'atetagwala, be ma imi 'alama'i'ita, be 'ebweuna 'ebweuna wada eobooboboma, be wada 'atenuwa'ole'ole gosemiyao 'ediya,

Kolose 3:12

Ta 'omi Yaubada 'ina obobomega 'iesinuwemi tauna manuna, 'enega 'ilobwenemi be wa'atenuwa 'ole'ole, be waeobooboboma, be wanuwamwa'uta ma imi 'atetagwala ta ma imi e'alama'i'ita,

Kolose 3:3

manuna ni'atu wamwawasa, ta gete tuga yawasimi Keliso ma'iyana Yaubada 'enaya.

1 Tesalonaika 4:11

be wate wada too be wada miyasiwalowa be taumimo 'imi paisewa wada paisewadi, be geya'abo mali tomota 'alodi wa'e'enuwadi, nadigega lowa 'aemataluwa'esemi.

2 Tesalonaika 3:12

'Enega gosedao nidi 'ada emataluwedi, ta 'ida 'Inapwana Yesu Keliso 'ana esanega 'aloinedi, be 'idi paisewa taudimo sida guinuwedi, ta sida miyabaula be 'enega 'adi masula sida loba.

1 Timoti 2:2

Ta kiniyao be toloinao manudi wate wasidasida, be 'aene 'idi loina palupaluna 'enega tada miya bobo'ana, ma ida bubuna bobo'ana, ta ma ida 'amayaba.

2 Timoti 2:25

Ta wate 'ada talauwalao 'ediya 'ida bubuna ma'anuwaena 'enega tagiepaludi, be 'enega Yaubada, 'abo kapekapeyana, 'ilemedi be sinuwa'ebuni, be e'ita 'ai'aila simuliyedi,

Taito 3:2

Ta geya'abo lo'aegila be egewagewana, ta esi tomota 'ediya sida bubuna oonuwega ma idi 'amayaba.

Yemesa 1:21

'Enega 'imi bubuna be 'imi guinuwa to'umalidi wada pilisinedi, be wada tagwalemi Yaubada 'enaya, ta wate Yaubada ona nina 'atemiya 'iasonaya wada emisei, be wada ematamatane, be 'enega 'etoseyana waloba.

1 Pita 1:23

'Enega 'omi ni'atu watubuwa limana, nigeya tamamiyao mwawamwawasidi 'ediyega, ta esi Tamami mayawasina ta miyamiya atayana 'ina ona 'enega.

1 Pita 3:15

ta esi 'atemiyega 'ida 'Inapwana Keliso wada 'amayabe. Be 'enega 'abo yaita 'ienaidemi be 'ida gwae, “To'ase manuna 'uemiemisa?” ta 'omi ni'atu ma imi e'isa bobo'ana wada simana 'ediya, ta geya'abo ma imi oopa'ala, ta esi ma imi bubuna nuwana 'enega waeonadi.