1 Pita 3:13 - Loina Tabu Auwauna NT

¹³ Ona'ai'aila, nigeya sawesawenaya be 'ebweu yaita 'igiegie 'elouyaemi 'abo yage bobo'ana nuwami 'i'ewena, be tuta yauyauna 'ena waguiguinuwa.

1 Pita 3:13 Σταυροειδείς Αναφορές

Loma 13:3

Ta toloinao nidi nigeya 'idi paisewa be 'aene tobobo'adi 'ediya sigiematauta, ta esi toto'umalidi 'ediya. 'Enega 'eguma geya nuwami be toloinao wada matautedi, 'ilobwenena wada bubuna palupaluna, be 'enega toloinao nidi sida 'awabobo'anemi.

Loma 8:28

Gete 'enega tamwalatonina 'aene 'abo Yaubada taobobome 'iabe to'ase be to'ase talobaloba maibo'ana 'igiepaepaludi, manuna tauna 'ina nuwanuwa nadigega ga 'ibwauyeda.

1 Kolinita 14:1

'Enega 'ilobweneda be tatoo waiwai be tada eobooboboma 'ai'aila, ta wate tada toowaiwai be Yaubada Yaluyaluwana 'ina egueguyai 'edaya tada lobadi, ta esi egueguyai 'ebweuna bobo'ana wawasae, nate loguguya Yaubada 'ina ona manuna.

Epeso 5:1

Yaubada 'ina obobomega ni'atu 'i'awa natunemi, 'enega tauna 'ina bubuna wada etotowanei,

1 Tesalonaika 5:15

Wa'ita'i'isimi be geya'abo 'ebweu yaita 'emiyega to'umalina 'ie'ie'isa to'umalina 'enega, ta esi tuta maibo'ana wada eobooboboma be wada elemalema. Mali tomota wate wada lemedi.

1 Timoti 5:10

ta tomota matadiya 'idi bubuna palupaluna, manuna natudiyao 'adi 'iyabwebwe 'enaya siguinuwa 'ai'aila, be 'owagao ta wate toekalesiyao 'adi 'itanao 'enaya, be tomiyamwau wate 'adi lema 'enaya, be 'abo 'atenuwa'ole'ole 'aledi, 'ilobwenedi be toekalesiyao 'ediya silulugu, be toekalesiyao nidi 'ediyega 'adi lema, nai 'e'ai, nai 'oama, sida loba.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

3 Yoni 1:11

Gosegwao, geya'abo bubuna to'umalina wamulimuliye, ta bubuna bobo'ana esi. Ona'ai'aila, tobobo'adi taudi Yaubada 'ina bodao, ta toto'umalidi nigeya Yaubada sida mwalatonina.