1 Pita 2:7 - Loina Tabu Auwauna NT

⁷ Ta 'omi yaisigedi 'ola gete waemisena, 'emiya 'ola bobo'ana wawasae, ta yaisigedi taudi nigeya 'ena siemiemisa manudi Buki Tabu 'ena 'isimana, 'igwae, “'Ola nina lowa to'abi anuwa siguitoyasena, ta gete tugai ni'atu sietoolona be 'ie'ola nugana, be 'ola maibo'adi 'iloinedi.”

1 Pita 2:7 Σταυροειδείς Αναφορές

Madiu 21:42

'Enega Yesu wate onasemalimali Buki Tabu 'enega 'isimanena, 'igwae, “Nai Buki Tabu 'ina simana nigeya wanuwanuwa'i'isi, 'igwae, ‘'Ola nina lowa to'abi anuwa siguitoyasena, ta gete tugai ni'atu sietoolona be 'ie'ola nugana, be 'ola maibo'adi 'iloinedi. Nate 'Inapwana 'ina guinuwa 'ebe nuwaowana 'edaya.’

Luke 2:32

ta tauna taudi nigeya me Yudia 'adi togiemaedana, ta 'abo'ama 'imu tomotaiyao me Isileli 'ima 'ebe tupu.”

Luke 2:34

'Enega Simioni 'iona obobomedi, ga 'iona Meli 'enaya, tauna Yesu sinana, ga 'igwae, “'Uda 'ita gwama gete Yaubada 'iesinuwena be 'enega ma'etamo me Isileli yaudi 'igiebe'uyedi, ta wate yaudi 'igietoolodi. Ta tauna tuga 'iabe 'ida ewe'iwe'iyaya tomota 'ediya ta 'aidi sida 'awakabokaboe,

Luke 20:17

Ta Yesu 'iduneyedi ta wate 'ediya 'igwae, “Mwa'adega 'ana mwalatoi Buki Tabu 'ina simana gete, 'igwae, ‘'Ola nina lowa to'abi anuwa siguitoyasena, ta gete tugai ni'atu sietoolona be 'ie'ola nugana, be 'ola maibo'adi 'iloinedi.’

Yoni 4:42

ga waine nina sieonena, sigwae, “Ni'atu 'a'awa 'ai'ailemu, nigeya 'aene 'imu ona namo manuna, ta esi 'abo'ama taumamo 'ina ona 'anonona, ga 'enega 'amwalatoi 'ai'ailina 'aene tauna To'etoseyana nina me bale'u maibo'ada manuda.”

Guinuwa 26:19

“Kini Agalipa, gete manuna e'ita nina galewega nigeya yaguiguitoyasa,

Loma 10:21

Ta wate 'ina ona pa'alina me Isileli manudi 'igwae, “Tuta maibo'ana 'ediya yabwaubwau be 'aene sida mai 'eguya, ta esi siguitoyasegu, manuna taudi tuga adelidi tologwautoyasa.”

Loma 15:31

taudi Yesu 'ana toguitoyasao Yudia 'enaya manudi, be 'enega geya'abo sigiegie to'umaliyegu, be wate toekalesiyao nidi gomagomabesodi Yelusalema 'enaya manudi, be 'aene 'ebwayadaita getei yatautauye manuna sida gwausowala, ta geya'abo sida guiguitoyase,

2 Kolinita 2:16

Taudi toesilae 'ediya maina nina 'ana lotoona 'atuwa tomwawasa mwauluna, ta sa'i taudi Yaubada 'i'etoseyedi maina nina 'ana lotoona 'atuwa yawasi bobo'ana maina nadigega. 'Eisa tomota sawesawediya guinuwa gete? Nigeya yauna.

Kolose 2:10

Ta Keliso 'enega bobo'ana 'ai'aila ni'atu walobena, tauna aniloseyao be yaluyaluwa bi'i maibo'adi 'iewaiwai sinedi ta 'iloina sinedi.

Taito 3:3

Ona'ai'aila, 'abo'ada lowa uwauwada ta loguitoyasa 'aleda, ga yalakwaiya be gwausowala besobeso 'adi nuwa'ewa 'enega 'eda bobo'ana tapilisinena. Ta wate lowa etalauwala be e'ipi'ipi 'aleda, ta mali tomota 'edaya sinuwa to'umali, ga 'abo'ada wate 'ediya tanuwa to'umali.

Ibeliu 11:31

ga silugu ga toni'asa siunudi, manuna taudi tologwautoyasa. Ta tosogala 'ana esana Leabi nigeya siunuunu, manuna waine nina ma ina emisa, manuna tuta nina Yosuwa 'ina tolosaiyao 'eluwa 'asa nina 'enaya siluguya, Leabi nina 'ilemedi.

Ibeliu 4:11

Ta 'ilobweneda be tatoo waiwai be 'ebe eyawai'ata nina taloba, ta geya'abo 'ebweu yaita 'ilooguitoyasa, 'abona nai 'ibebe'u, nadigega taudi lowaenei sibe'u'esa.

1 Pita 1:8

Keliso nina tauna nigeya wa'ita'ita ta tuga waobobomena, ta gete tuga wate nigeya wada 'itena, ta tuwa tuga 'ena waemisa, ta 'imi gwausowala 'enaya geya'abo tagwaegwae.

1 Pita 2:4

'enega wada mai 'Inapwana nina 'enaya, tauna 'ola mayawasina me bale'u sie'idi'idiyena, ta esi Yaubada nuwanuwana ga 'iesinuwena.

1 Pita 2:8

Ta wate 'igwae, “'Ola gete tomota 'idi 'ebe esetupe, ma'etamo 'enaya siesetupedi ta sibebe'u.” Ta siesetupedi 'enaya manuna ona nigeya siemiemise. Gete nadigega Yaubada 'ina gimiloina manudi.