1 Pita 2:4 - Loina Tabu Auwauna NT

⁴ 'enega wada mai 'Inapwana nina 'enaya, tauna 'ola mayawasina me bale'u sie'idi'idiyena, ta esi Yaubada nuwanuwana ga 'iesinuwena.

1 Pita 2:4 Σταυροειδείς Αναφορές

Madiu 11:28

“Ta 'enega 'omi 'imi paisewa mwauna, wada mai 'eguya, be yada gieyawai'atemi.

Madiu 12:18

“Wa'ita 'igu toguinuwa gete esiesinuwana ta 'ateguyega yaobobomena ma igu gwausowala. Yaluyaluwagu yada sa'u 'enaya be loina palupaludi 'ida simanedi taudi nigeya me Yudia 'ediya.

Madiu 21:42

'Enega Yesu wate onasemalimali Buki Tabu 'enega 'isimanena, 'igwae, “Nai Buki Tabu 'ina simana nigeya wanuwanuwa'i'isi, 'igwae, ‘'Ola nina lowa to'abi anuwa siguitoyasena, ta gete tugai ni'atu sietoolona be 'ie'ola nugana, be 'ola maibo'adi 'iloinedi. Nate 'Inapwana 'ina guinuwa 'ebe nuwaowana 'edaya.’

Yoni 14:19

“Ta tuta gidalina namo 'ena be yapilisinemi, be geya'abo me bale'u si'ita'itagu, ta 'omi ma'etamo wada 'itagu mayawasigu yamiyami, 'enega 'omi wate nadigega mayawasimi wamimi.

Yoni 14:6

Ta Yesu Tomasi 'ieonena, 'igwae, “'Abo'agu 'eda nina, ta wate ona 'ai'aila, be yawasimi 'aledi. 'Abo yaita nuwanuwana be 'itatauya Tamagu 'ena, nigeya 'ebweu wate 'eda 'imiyami, nate namo tuga 'abo'agu.”

Yoni 5:26

Tamagu tauna yawasida 'alena, 'enega ni'atu 'itagwala 'eguya be 'abo'agu wate yawasi 'alena.

Yoni 5:40

Ga 'enega geya nuwami be yawasimi ataya manuna wamama 'eguya.

Yoni 6:37

Tomota nidi taudi Tamagu 'i'ebwa'egu ma'etamo 'eguya simama be geya'abo sa'i yae'idi'idiyedi.

Yoni 6:57

“Tamagu tauna miyamiya atayana 'ietuneguma ga tauna tuta yauyauna 'enega yawasigu ya'ewa'ewa. 'Abo'agu wate nadigega 'eguma yaita 'i'enigu, tauna wate yawasina 'eguyega 'ida 'ewa'ewa.

Loma 5:10

Ona'ai'aila, lowa Yaubada taetalauwalena ta gete tuga Natuna 'ina mwawasa 'enega ni'atu ma'eda tae'ebweu, be Natunana yawasina manuna 'i'etoseye 'ai'ailida.

1 Kolinita 3:11

'Ida 'ola nina 'imiyami, tauna Yesu Keliso, 'enega nigeya sawesawenaya be mali 'ola tada etoolo,

Kolose 3:4

Manuna yawasida bobo'ana Keliso nina 'enega ta'ewena, 'enega tuta nina 'abo Keliso 'iapwesama, 'omi wate Keliso ma'emiya waapwesa 'ina esaesa tuyatuyayalina 'enaya.

1 Pita 1:19

ta esi e'isa nina Yaubada 'ina lami lalana bobo'ana wawasae 'enega 'i'etoseyemi, tauna Keliso nina, bobo'ai'ailina ta 'esasena.

1 Pita 1:7

Gete 'ediyega 'imi emisa Yesu manuna Yaubada 'itoodi. Nadigega tuga goula kaiwe sabeluluyega sitootoodi. Ta esi 'imi emisa goula 'isinabwa sinena, manuna goula yage gumwagumwalina. Ta 'abo 'imi emisa waiwaina, ma'etamo Yesu Keliso 'ina apwesama 'enaya, tupu be esaesa be 'amayaba wada lobadi.

1 Pita 2:7

Ta 'omi yaisigedi 'ola gete waemisena, 'emiya 'ola bobo'ana wawasae, ta yaisigedi taudi nigeya 'ena siemiemisa manudi Buki Tabu 'ena 'isimana, 'igwae, “'Ola nina lowa to'abi anuwa siguitoyasena, ta gete tugai ni'atu sietoolona be 'ie'ola nugana, be 'ola maibo'adi 'iloinedi.”

2 Pita 1:1

'Abo'agu Yesu Keliso 'ina toguinuwa, nai 'ana tosimana, 'imi leta ya'etoladinawa, manuna 'omi be 'abo'agu 'ida emisa leleleya, tauna 'ida Yaubada be 'ada To'etoseyana Yesu Keliso 'idi loina bobo'ana 'enega talobena. Gete yage nina 'edaya yage sinabwana.

2 Pita 1:4

Ta wate 'ina onaupaupa bobo'adi ta waiwaidi 'ediyega bubuna bale'u 'ana yalakwaiyao to'umalidi waebesinedi, ga Yaubada 'ina bubuna bobo'ana walobena.