1 Pita 1:6 - Loina Tabu Auwauna NT

⁶ 'Enega wada gwausowala sinabwana, 'anabwa'ayoi tuta kukupana namo gete 'ena 'aina 'ebe tooyao mwaudi walobalobadi.

1 Pita 1:6 Σταυροειδείς Αναφορές

Madiu 11:28

“Ta 'enega 'omi 'imi paisewa mwauna, wada mai 'eguya, be yada gieyawai'atemi.

Madiu 26:37

Ta site toi 'i'au'ewedi, Pita be Sebedi natunao 'eluwa. 'Enega Yesu ma ina 'ateuyauya ta ma ina nuwamwau 'ieonedi,

Madiu 5:12

Ona'ai'aila 'ilobwenemi be wada gwausowala sinabwana, manuna ma'etamo 'ami pali bobo'ana galewaya wada loba. Ta 'omi nadigega Yaubada 'ina palopitao lowaenei. Manuna taudi wate 'idi miyamwau silobena tomota 'ediyega.

Luke 1:47

ta yagwaugwausowala Yaubada tauna 'agu To'etoseyana 'enaya.

Luke 10:20

'Enega wate 'ediya 'igwae, “Ona'ai'aila, 'imi guinuwa yaluyaluwa to'umalidi 'ediya waiwaina ga manuna wagwausowala, ta nate nigeya yage sinabwana, ta esi 'imi 'ebe gwausowala sinabwana 'eguma 'ami esanao ni'atu galewaya si'etoladidi.”

Luke 2:10

'Enega anilose nina 'ieonedi, 'igwae, “Geya'abo wamatamatauta, ta esi wada gwausowala, manuna ale bobo'ana yame'ena 'emiya be 'enega 'iabe tomota maibo'adi wate 'idi 'ebe gwausowala.

Yoni 16:22

Ta 'omi nadigega tuga, manuna mwau 'emiya tuta gete, ta ma'etamo yailama be wada 'itagu, 'enega manugu wada gwausowala 'ai'aila. Ta gwausowala nina tauna geya'abo yaita wate 'emiyega 'i'ewa'ewa yaule.

Yoni 16:33

Ona gete yasimanena 'emiya be 'enega ma imi gwausowala wada miyami, manuna 'abo'agu ma'emi. Ta ma'etamo bale'uya wamiyamwau, ta tuwa tuga wada 'atepatu, manuna 'abo'agu loina bale'u yaewaiwai sinena.”

Guinuwa 14:22

Ta 'idi sakowasi nina 'ena Yesu 'ana toemisao sigiepa'alidi 'asa 'ebweuna 'ebweuna 'ediya, ta siloguguyedi be geya'abo 'idi emisa 'ida neeneta, ta sigwae, “Ona'ai'aila, ma'etamo 'ida 'elouyao yaudi 'ediyega talulugu Yaubada 'ina 'ebeloina 'ena.”

Loma 12:12

Ta wanuwayai 'aene ma'etamo Yaubada 'ina lema 'iapwesa 'edaya be manuna wada gwausowala, 'enega 'imi miyamwau 'ediya wada sidasida Yaubada 'enaya ma imi 'alama'i'itana.

Loma 5:11

Ta 'ebweu yage bobo'ana 'imiyami, nate Yaubada ma'eda tagwaugwausowala, manuna 'ida 'Inapwana Yesu Keliso tauna 'ime'eda ga Yaubada ma'edai taegosigosiyana limana.

Loma 5:2

Manuna Yesu 'ilemeda ga Yaubada 'ina oboboma 'iapwesa 'edaya ga 'ena tamiya bobo'ana. 'Enega tada nuwayai ma ida gwausowala Yaubada 'ina esaesa 'etamo 'i'ebwa'eda manuna.

2 Kolinita 4:17

'Elouya nidi gete tuga kapekapeyadi be tuta kukupana namo 'ediya talobalobadi, ta esi sigiewaiwaiyeda be 'aene 'ida esaesa bobo'ana wawasae ta miyamiya atayana ma'etamo ta'ewa.

2 Kolinita 6:10

'Abo'ama ma ima nuwamwau ta esi 'atemaya 'agwaugwausowala. 'Abo'ama 'atuwa gomabeso ta esi esaesa 'aegueguyai tomota yaudi 'ediya. Nigeya wate 'ima gwegwemo, ta esiya yage maibo'ana 'emaya simiyami.

Galetia 5:22

Ta sa'i Yaluyaluwa Tabuna uwana bobo'adi 'atedaya getedi, oboboma, gwausowala, miyasiwalowa, toolopa'ala, lema, bubuna palupaluna, emisa,

Pilipai 2:26

ga gete tuga nuwanuwana 'omi, ga tuta nina 'ina le'oasa alena 'iwai ga wanononaya, bada tauna 'inuwamwau 'aene geya'abo 'omi wa'ate'ate sa'ala 'ina le'oasa manuna.

Pilipai 3:3

'Abo Yaubada 'ena tabwagobwago yaluyaluwana 'enega, ga Yesu Keliso namo tatupuna, ta nigeya bubuna bale'u 'ena taemiemisa, gote 'enega tamwalatoni 'aene ni'atu lodaba 'ai'aila ta'ewena.

Pilipai 4:4

Tuta maibo'ana wada gwaugwausowala 'Inapwana manuna, ta wate yaeona limami 'aene wada gwausowala.

1 Tesalonaika 1:6

'Enega ni'atu waetotowanema, ta wate 'ida 'Inapwana waetotowanena, ga ma imi miyamwau, ta tetela nina wa'ewena ma imi gwausowala, ta gwausowala nina Yaluyaluwa Tabuna 'enega 'imai.

Yemesa 1:2

Tasigwao, tuta simeemai 'ediya 'abo 'ebe toona yaudi ta wate mwaudi walobadi, manudi wada gwausowala,

Yemesa 1:9

Ta toekalesiyao gomagomabesodi, 'abo Yaubada 'igilagasidi, sida gwausowala sinabwana.

Yemesa 4:9

be 'imi bubuna to'umalidi manudi wada doonaona ma imi nuwamwau, ta 'imi edagiyao wada sa'ugelasedi be wada dedoi, be wate 'imi gwausowala wada sa'ugelasedi be wada nuwamwau.

1 Pita 3:17

'Eguma Yaubada 'inuwena 'aene 'elouya tada loba, 'ilobweneda tada 'elouya 'ida guinuwa bobo'ana manuna, ta sa'i nigeya 'ana 'ita bobo'ana guinuwa to'umalina manuna.

1 Pita 4:7

Ta ni'atu be yage maibo'ana sigugumwala. 'Enega wa'ita'i'isimi be geya'abo walo'ame'ame, ta esi tuta yauyauna wada sidasida Yaubada 'ena.

1 Pita 5:10

Yaubada tauna 'atenuwa'ole'ole 'alena ni'atu 'ibwauyeda be 'aene 'ina esaesa miyamiya atayana 'ena tada miyami Keliso ma'eda. Ta 'imi 'elouya tuta kukupana namo be sigugumwala, ta muliyega Yaubada 'ida gie'esasemi be 'ida giepa'alimi be 'ida giewaiwaiyemi be 'aene wada miya bobo'ana.