1 Pita 1:10 - Loina Tabu Auwauna NT

¹⁰ Gete 'etoseyana nina lowa palopitao sienaidena ta si'ebesena, ga 'etoseyana nina 'edaya siona upaupaena be 'aene Yaubada 'ida 'ebwa'eda.

1 Pita 1:10 Σταυροειδείς Αναφορές

Madiu 13:17

Ona'ai'aila, yage getedi wa'ita'itadi ta wanononodi lowa palopitao be topalupaluyao nuwanuwadi sinabwana be sida 'itadi nai sida nonodi, ta nigeya silobalobadi.

Madiu 26:24

'Abo'agu Tomota Natuna ma'etamo yatatauya 'eda nina lowa Buki Tabu 'ena 'igimisimanena, ta esi 'agu tosipupu nina nuwa'ole'olena sa'i, ta bobo'ana 'abo lowa sinana geya'abo 'ida enaenatune.”

Luke 10:24

Yaona'ai'aila, lowa palopitao ta toloinao yaudi nuwanuwadi be yage getedi sida 'itadi, ta wate ona nidi ni'atu wanonodi taudi nuwanuwadi be 'aene sinonodi, ta nigeya silobalobadi.”

Luke 24:44

Ta 'ieonedi, 'igwae, “Ona nidi ni'atu yaemwasalidi 'emiya tuta nina 'abo'agu ma'emi, maibo'ana manugu si'etoladina Mosese 'ina buki 'enaya be palopitao 'idi buki 'ediya ta wate wali Same 'ediya, be 'enega 'igu simana nina 'ana mwalatoi 'ai'aila 'ida apwesa.”

Yoni 5:39

“Tuta yauyauna Buki Tabu wasawasawa ga wanuwena 'aene ma'etamo yawasimi ataya wada loba, ta nigeya wanuwanuwa sabwaleni 'aene Buki Tabu nina 'isimasimanegu.

Yoni 7:52

Ga 'inapwanao nidi Nikodimo si'ena pa'alina, sigwae, “Nai 'oyo sana goma Galili aga? Ta Buki Tabu 'usawa be 'umwalatoni 'aene nigeya 'ebweu wate palopita Galili 'enega 'imeema.”

Guinuwa 10:43

“Palopitao wate lowaenei sigimi simanena 'aene 'eguma yaisigedi Yesu 'ena siemiemisa, 'idi loegesiyao Yaubada 'ida nuwataudi, Yesu tauna 'ana esanega.”

Guinuwa 17:11

Lowa Tesalonaika 'ena me Yudia geya nuwadi tetela nina, ta sa'i me Yudia Belia 'ena 'idi tagwala bobo'ana, ga tetela nina nuwadi 'i'ewena, 'enega 'asiyata 'ebweuna 'ebweuna Buki Tabu sisawasawa be 'aene tetela gete 'ana 'ai'aila sida mwalamwalatoni.

Guinuwa 28:23

'Enega 'asiyata siupaena, ga boda yaudi siegogonama Paulo 'ina anuwaya, ga gonegonega ga 'ana laba 'iboi, 'ediya 'iloguguya, Yaubada 'ina etoloina manuna, ta Mosese 'ina loina 'enega, be palopitao 'idi onao 'ediyega, 'ie'itedi Yesu manuna, ta 'itoona be 'aene 'ida gienuwa sabwalenidi.

Guinuwa 7:52

Ona'ai'aila, tubumiyao palopitao maibo'adi sibubuna geyogeyoiyedi ga siloemwawasidi, palopitao nidi taudi Topalupaluna 'ina mai sigimi simanena, 'enega 'omi wate Topalupaluna nina wasipupuyena ga waloemwawasina.

Ibeliu 11:13

Gimi tomotai nidi ma idi emisa ta esi simwawasa ga onaupaupa nidi uwadi geya'abo silobaloba, ta tuwa tuga 'edasolega si'itena ga silokagutoki manuna, ta wate taudimo si'awa 'owagaedi 'atuwa toesugalagalao sena gete bale'u 'enaya.

Ibeliu 11:40

manuna 'ebe gwausowala manuda Yaubada 'igimi simanena, be 'aene taudi ma'etamo ma'edao tada miya bobo'ana.

1 Pita 1:11

Ta Keliso yaluyaluwana 'atediya 'igimi e'itedi 'ina 'elouyao be 'ina esaesa muliyega manudi, ga palopitao nidi mwalatoi si'ebesa to tuta 'ena be mwa'adega 'etoseyana nina 'ida apwesa'esa.

1 Pita 1:13

'Enega yage gete manuna 'imi nuwanuwa maibo'ana wagiepa'alidi, be 'imi emisa wada sa'u 'ai'ailidi, 'aene tuta nina Yesu Keliso 'ida apwesama 'ebe gwausowala wada loba Yaubada 'enega.