1 Kolinita 9:24 - Loina Tabu Auwauna NT

²⁴ Ta wada nuwa'i'isi 'abo epili 'enaya maibo'adi siepiepili, ta esi 'ebweuna namo 'ediyega 'inugana, 'enega 'ilobweneda be tatoo waiwai be tada nugana.

1 Kolinita 9:24 Σταυροειδείς Αναφορές

Loma 6:16

Ta wada nuwa'i'isi 'aene 'abo yaita 'ina loina 'ena watagwalemi, tauna 'enana wamuliye. 'Abo to'umalina wamuliye mwawasa waloba, ta 'abo emisa wamuliye bubuna bobo'ana waloba.

1 Kolinita 9:13

Ta wate Anuwa Tabu 'ana topaisewao wada nuwa'i'isidi. Taudi tomota 'idi 'ebwayadaitao 'ediyega 'adi masula silobaloba, ta wate totaliyao 'adi masula manuna yobai nidi 'ebe taliya 'enaya siunuunudi 'ediyega si'ewa'ewadi.

1 Kolinita 9:23

'Igu paisewa gete tetela bobo'ana manuna, be 'aene 'omi ma'egwao 'etoseyana tada loba tetela nina 'enega.

1 Kolinita 9:26

Gete manuna yapili waiwai, nai yaetapewa waiwai, ta geya'abo yaetaetapewa besobeso.

Galetia 2:2

Ta 'igu tauya 'alena manuna Yaubada 'ie'itegu 'aene 'ilobwenegu be yada tu'e Yelusalema, 'enega yatauya toekalesiyao 'idi toanuganao 'ediya, ga taumamo 'a'awa'awagwae, ga tetela nina yaloguloguguya taudi nigeya me Yudia 'ediya yasimana apwesa toanuganao nidi 'ediya, manuna geya nuwagu be yaloguguya besobeso, 'enega toanuganao nidi sitagwala 'igu loguguya nina 'enaya.

Galetia 5:7

'Omi lowa wapili waiwai emisa 'ina 'eda 'ai'aila 'enega, 'enega yaita 'isa'u bodemi?

Pilipai 2:16

Gosegwao, tetela bobo'ana wagiyai 'i'isi be 'enega yawasi ataya waloba, be tuta nina 'iilama yada gwausowala manumi, manuna geya nuwagu be 'igu paisewao 'emiya 'adi mudala.

Pilipai 3:12

Nigeya 'aene ni'atu toololimana yalobena, nai 'igu bubuna ni'atu maibo'ana sibobo'ana, ta esi gete 'igu 'ebe masi be 'aene yada giyai, manuna yage gete manuna Yesu Keliso ni'atu 'igiyaigu.

Pilipai 3:14

nate 'ebe masi nina, nai Yaubada 'ina pali galewaya, Yesu Keliso 'enega.

Kolose 2:18

'Enega geya'abo 'ebweu yaita 'ida 'awa'awa to'umaliyemi manuna 'omi nigeya watapwatapwalolo ma imi nuwamwa'uta aniloseyao 'ediya, manuna tomota nidi 'idi mwalatoi madawalega manudi sigagasa, ta sinuwatu'e bubuna bale'u 'ediyega,

Ibeliu 12:1

Ga 'enega toemisao yaudi galewega siduneduneyeda, be 'ilobweneda yage mwaudi 'edega tada gisinedi, be 'enega tada pili waiwai epili nina 'ana 'eda 'enega, ta wate bubuna to'umalina nidi sigiyagiyaida tada gisinedi.

Yemesa 1:12

'Abo yaita 'oyo 'ebe toonayao 'ediyega 'utoolo pa'ala, 'uda gwausowala. Manuna 'amu pali bobo'ana Yaubada 'enega 'uda loba, nate yawasi ataya. Gete Yaubada 'ina onaupaupa maibo'ana 'edaya, 'abo taobobome.

E'ita'ita 3:11

“'Iabe yawawa, ta to'ase nadigega 'emiya 'imiyami wada giyai'i'isidi, be geya'abo yaita pali nina 'emiyega 'i'ewa'ewa yaule.