1 Kolinita 9:23 - Loina Tabu Auwauna NT

²³ 'Igu paisewa gete tetela bobo'ana manuna, be 'aene 'omi ma'egwao 'etoseyana tada loba tetela nina 'enega.

1 Kolinita 9:23 Σταυροειδείς Αναφορές

Maki 8:35

“Ta 'eguma yaita yawasina 'iegagale, ma'etamo yawasi nina 'iloseye. Ta 'eguma yaita manugu be tetela bobo'ana manuna yawasina 'itagwale be 'imwamwawasa, tauna 'iabe yawasina bobo'ana 'iloba.

Loma 11:17

ga taudi me Yudia nidi 'atuwa nadigega Yaubada 'ina kaiwe, manuna nalinao 'aidi 'ilasedi ga 'omi 'emiyega 'ielopa'eludiya, manuna 'omi mali kaiwe nalinao ta esi 'i'ewemi ga 'ina kaiwe 'ena 'itubwemi, 'enega 'ina kaiwe nina 'ana bwasiyega wanumanuma, nate Yaubada 'ina oboboma tuta yauna walobaloba.

1 Kolinita 9:12

Manuna mali tosimanao wae'enidi, 'enega 'ilobwenemi be wada e'enima wate, ta tuwa tuga 'a'alama'i'itana sinabwana, manuna 'abona nai 'aoopa'ala 'emiya be Keliso tetelina wasinali.

1 Kolinita 9:22

Ta wate 'abo taudi 'idi emisa nenetana ma'egwao 'amiyami, yabubuna taudi nadigega be 'aene yalemedi. 'Enega tomota maibo'adi ma'egwao manudi yatoo waiwai be yapanaitedi be 'enega 'aidi 'ediyega 'etoseyana sida loba Keliso 'enega.

1 Kolinita 9:24

Ta wada nuwa'i'isi 'abo epili 'enaya maibo'adi siepiepili, ta esi 'ebweuna namo 'ediyega 'inugana, 'enega 'ilobweneda be tatoo waiwai be tada nugana.

Galetia 2:5

'Enega 'idi loina maibo'ana 'aguitoyasena, ta nigeya 'ebweu to'ase 'ena 'atagwatagwala. Geya'abo 'ida tetela 'ai'aila manumi sisa'usa'u gelasa.

2 Timoti 2:10

Gete manuna 'igu miyamwau nidi getedi 'ediyega yae'alama'i'ita, be taudi Yaubada 'iesinuwediya yada lemedi, be 'aene Yesu Keliso 'i'etoseyedi, be gwausowala ataya sida loba.

2 Timoti 2:6

Nadigega tobagula 'ina paisewa waiwai manuna 'ilobwenena be bagula uwana 'ida gimilotoo.

Ibeliu 3:1

Gosegwao, 'omi be 'abo'agu Yaubada 'iesinuweda 'ina sena manuna, 'ilobwenena be Yesu tanuwa'i'isi, manuna tauna 'ida tapwalolo 'ana tosimana be wate 'ida totaliya sinabwana,

Ibeliu 3:14

'Abo'ada lowa 'ida emisa Keliso 'ena tasa'una, ta 'abo 'ida emisa nina tagiyai'i'isi be 'ana laba tuta 'ana 'ebe losalowa 'enaya, Keliso ma'edai taegwausowala leleleya.

1 Pita 5:1

Toekalesiyao 'idi 'inapwanao 'omi, 'aene yada gienuwa'i'isimi 'imi paisewa manuna. Manuna 'abo'agu 'ebweu wate toekalesiyao 'idi 'inapwana, ga 'abo'agu mataguyega Keliso 'ina 'elouya ya'itena, be ma'etamo 'ina esaesa maemaedanina 'ena yada miyami to tuta 'abo 'ina esaesa nina 'igieapwese.

1 Yoni 1:3

Tauna 'a'itena ta 'anonona ga 'emiya 'asimanena be 'aene 'omi ma'emao taegosigosiyana leleleya, ta wate Tamada be Natuna Yesu Keliso ma'edao taegosigosiyana leleleya.