1 Kolinita 9:19 - Loina Tabu Auwauna NT

¹⁹ Ta wate geya'abo tomota 'agu loina sisa'usa'u, ta esi tomota yauyaudi manudi yaguiguinuwa be yada 'etoseyedi.

1 Kolinita 9:19 Σταυροειδείς Αναφορές

Madiu 18:15

“Ta 'eguma tasiyo to'umalina 'iguinuwe 'emuya, 'utoo be wateluwa namo 'ina to'umalina nina wagiepaepalu, be 'eguma 'enayo 'inono, bobo'ana, nate ni'atu waegosigosiyana limana.

Loma 1:14

Manuna 'ilobwenegu be boda maibo'adi 'ediya yada guinuwa, taudi 'asa sinabwadi 'ediya simiyami, be mitawa wate 'adi tomiyanao, be tosinasinapuyao, be wate toemwagemwageyao.

Loma 11:14

be 'enega me Yudia, 'omi nigeya me Yudia sida e'ipi'ipiyemi, be 'idi e'ipi'ipi nina 'enega 'ida giesana iledi, be 'etoseyana siloba Yaubada 'enega.

Loma 15:2

'Enega 'ebweuna 'ebweuna 'ilobweneda be gosedao tada lemedi be 'enega 'idi emisa 'ida sinabwa.

1 Kolinita 10:29

nigeya tauyo 'imu matauta 'enega, manuna 'oyo nigeya Taumudumudulele 'umatamataute, ta esi tosimana nina 'ina matautega. Ta 'aina tomota sigwae, “Geya'abo 'agu loina wasa'usa'u taudi toneneta 'idi nuwanuwa manuna,

1 Kolinita 10:33

nadigega 'abo'agu yatootoo be 'aene geya'abo taugu 'igu nuwenuwega yaguiguinuwa, ta esi to'ase tomota 'idi nuwanuwa nadigega yada guinuwe tuga, be sida gwausowala, be 'enega 'adi 'etoseyana sida loba Yaubada 'enega.

1 Kolinita 7:16

'Oyo tai nai waine 'etamo mwa'adega, mwaneyo 'ugiesana ile'ese, 'abo 'ugiyai? 'Iyaugwa! Nigeya tamwalamwalatoni, aga?”

1 Kolinita 9:1

Geya'abo tomota sitootoo be siloinegu, nai silomulomugiyegu, ta esi wanuwa'i'isi 'aene 'abo'agu 'Inapwana Yesu 'ina toguinuwa 'ebweu, ga 'Inapwana nina ni'atu ya'itena, ga tetelina wate 'emiya yasimanena, ga waemisena,

2 Kolinita 12:14

Tuta gidalina be yawawai 'emiya. Lowa maluwa yayausimi, ta gete 'iabe 'etonina yawawa, be geya'abo 'ebweu wate mwau yasa'usa'u 'emiya 'agu lema manuna, ta esi 'omi tuga nuwanuwagu, ta geya nuwagu 'imi gwegwe. Gogama nigeya lema sida 'ebwa'edi tamadiyao 'ediya ta tamadiyao esi si'ebwa'ebwaya natudiyao 'ediya, 'enega 'abo'agu 'ilobwenegu be 'omi natugwao 'emiya yada 'ebwaya.

2 Kolinita 4:15

Gete maibo'ana 'omi manumi, be 'enega Yaubada 'ina oboboma 'i'elelewana tomota yauyaudi 'ediya, taudi ma'edao tada lokagutoki sinabwana, be wate Yaubada 'ana tupu be 'ina esaesa sida sinabwa 'ai'aila.

2 Kolinita 4:5

'Ima loguguya nigeya 'abo'ama manuma, ta esi Yesu Keliso tauna 'Inapwana manuna, ta 'abo'ama 'imi toguinuwao tuga Yesu manuna.

Galetia 5:1

Miya bobo'ana manuna Keliso 'ili'amida 'ada yonao 'ediyega, 'enega wada toolopa'ala be geya'abo watagwatagwala limanemi Mosese 'ina loina yoniyonina 'enaya.

Galetia 5:13

Gosegwao, Yaubada ni'atu 'iesinuwemi ga li'ali'amimi, ta geya'abo wanuwena 'aene nigeya 'ami loinamo be bubuna bale'u wamulimuliyedi, ta esi oboboma 'ina loinega wada tauya be taumimo wada elemalema limanemi.

1 Timoti 4:16

Timoti, 'u'ita'i'isiyo, tuta maibo'ana 'ena 'uda guinuwa bobo'ana, be 'uda e'ita 'ai'aila, be 'enega Yaubada 'oyo ta ma imu toenonoyao, 'i'etoseyemi.

2 Timoti 2:10

Gete manuna 'igu miyamwau nidi getedi 'ediyega yae'alama'i'ita, be taudi Yaubada 'iesinuwediya yada lemedi, be 'aene Yesu Keliso 'i'etoseyedi, be gwausowala ataya sida loba.

1 Pita 3:1

Nadigega 'omi wate toai mewainemi mwanemiyao wada 'amayabedi, 'enega 'abo taudi nigeya Yaubada 'ina ona siemiemise, 'omi 'imi guinuwa bobo'ana 'amayabega wada e'itadi, be 'enega sida emisa.