1 Kolinita 9:12 - Loina Tabu Auwauna NT

¹² Manuna mali tosimanao wae'enidi, 'enega 'ilobwenemi be wada e'enima wate, ta tuwa tuga 'a'alama'i'itana sinabwana, manuna 'abona nai 'aoopa'ala 'emiya be Keliso tetelina wasinali.

1 Kolinita 9:12 Σταυροειδείς Αναφορές

Luke 11:52

“Ta 'omi loina 'ana toanuganao sa'i nuwa'ole'olemi, manuna sinasinapu 'ana 'awa wa'etobodena, 'enega 'omi nigeya sawesawenaya be walulugu, ta wate taudi nuwanuwadi be 'aene silulugu wa'etobodedi.”

Guinuwa 18:3

ta taudi 'idi guinuwa yobai bwaladiyega sisaisaila yoeyoe, nadigega Paulo 'ina guinuwa tuga. 'Enega 'ie'owaga 'idi anuwaya, ga maibo'adi yoeyoe siguinuwedi.

Loma 15:22

Gete 'alena 'enega nigeya yada ayausimi. Ta ona'ai'aila, yakwala yau wawasae 'ediya nuwanuwagu be yayausimi, ta sa'i nigeya sawesaweguya. Ta ni'atu gete 'igu paisewao nidi ni'atu yalosalonidi,

1 Kolinita 13:7

'Eguma oboboma 'atedaya 'imiyami, yage maibo'ana sawesawedaya, be tada emisa ataya ma ida nuwayaina 'ada lema Yaubada 'enega ma'etamo manuna, be tuta maibo'ana tada toolopa'ala.

1 Kolinita 6:7

'Omi toekalesiyao 'abo waetala, 'ana 'ita nigeya bobo'ana, ta 'eguma mwau 'emiya siapweapwesa, 'ilobwenemi be 'ami tokaboyao nidi wae'alama'i'itanedi ta geya'abo waetaetalaedi.

1 Kolinita 9:14

Yaubada 'ina loina gete nadigega be 'aene Yesu Keliso tetelina 'ana tosimanao 'adi masula sida lobadi 'idi paisewao 'ediyega.

1 Kolinita 9:15

Ta esi nigeya yaeonami be wae'enigu, ta wate geya'abo 'imi leta gete ya'eto'etoladi be 'aene wae'enigu. Geya'abo yaonaona masula manuna. 'Abo botanega yamwamwawasa, gete bobo'ana, manuna geya nuwagu be 'ami masula ya'ewadi.

1 Kolinita 9:16

'Igu paisewa gete tetela bobo'ana 'ana simana manuna, ta nigeya 'aene paisewa gete 'enega 'agu tupu yada loba, manuna gete 'igu paisewa tuga, ga 'ilobwenegu be yada guinuwa. Ta 'eguma yaguitoyasa 'iabe mwau sinabwana 'eguya 'iapwesa.

1 Kolinita 9:18

Nate namo yagwausowala tuga manuna tetela bobo'ana 'emiya ya'ebwayadaita, ta esi geya'abo yanuwanuwa e'isa manuna.

1 Kolinita 9:2

'enega wamwalatonigu 'abo'agu Yesu 'ana tosimana 'ai'aila. Ta 'aina tomota silomugiyegu 'abo'agu nigeya Yesu 'ana tosimana. Ta nigeya! 'Omi wada nuwa'i'isi 'abo'agu 'igu loguguyega 'ida 'Inapwana 'enaya 'imi emisa wasa'una.

2 Kolinita 11:12

Wate 'igu guinuwa manumi ma'etamo tuga yada guiguinuwa, be 'enega yada gielosa'udi taudi toona gagasa sigwae 'aene 'idi guinuwa 'emiya nadigega 'abo'agu 'igu guinuwa.

2 Kolinita 11:20

'eguma paisewa mwaudi si'ebwa'emi, ta 'emiyega si'ipwa'ipwala, ta sikaboemi, be ma idi nuwatu'e maninimiya sisasapi.

2 Kolinita 2:12

Lowa yatauya Tiloasi, Keliso tetelina sabi loguguyaena ga Yaubada 'eda bobo'ana 'igigegena, 'igu loguguya nina manuna,

2 Kolinita 6:3

'Etoseyana gete tomota maibo'adi manudi. Geya nuwama be 'ebweu yaita 'ilomulomugiyema 'ima guinuwao manudi. Nigeya 'ebweu wate 'ebe 'etoboda 'asa'usa'u,