1 Kolinita 9:1 - Loina Tabu Auwauna NT

¹ Geya'abo tomota sitootoo be siloinegu, nai silomulomugiyegu, ta esi wanuwa'i'isi 'aene 'abo'agu 'Inapwana Yesu 'ina toguinuwa 'ebweu, ga 'Inapwana nina ni'atu ya'itena, ga tetelina wate 'emiya yasimanena, ga waemisena,

1 Kolinita 9:1 Σταυροειδείς Αναφορές

Guinuwa 13:2

Taudi sitapwatapwalolo ma idi 'ebotana Yaubada 'ena ga Yaluyaluwa Tabu 'ieonedi, 'igwae, “Nuwanuwagu Banaba be Saulo 'igu guinuwa 'ebweuna manuna, 'enega wada tagwaledi guinuwa nina 'ena.”

Guinuwa 14:14

Ta siteluwa nidi ni'atu totaliya 'ina nuwanuwa simwalatonina, ga geyanuwa 'ai'ailidi, 'enega 'adi 'oamao sigisabudi ta sipili apwesa boda 'ediya, sigwaegwae,

Guinuwa 14:4

Ta sa'i me Ikoniami nidi siweyala, ga 'aidi me Yudia si'awa 'ai'ailedi, ta 'aidi Yesu 'ana tosimanao si'awa 'ai'ailedi.

Guinuwa 23:11

Ta boiboiya 'Inapwana Paulo selabenaya 'itoolo, ta 'ieonena, “Paulo, 'uda 'atepatu. Ni'atu 'usimanegu Yelusalema 'ena, be nadigega wate 'iabe Loma 'ena 'uda simana'esa.”

Guinuwa 9:15

Ta 'Inapwana 'ieonena, “Tuwa tuga, 'uda tauya 'ena. Manuna Saulo nina ni'atu yaesinuwena be teteligu 'ida simana taudi nigeya me Yudia 'ediya, be toloina sinabwadi matadiya be me Isileli wate 'ediya.

Guinuwa 9:17

'Enega Ananayasi 'itoolo ga 'itauya, ga Yudasa 'ina anuwaya 'ilugu, ga Saulo 'igidebena, ta 'igwae, “Tasigu Saulo, 'Inapwana nina Yesu 'edaya 'iapwesa 'emuya, tauna gete 'ietuneguma matayo 'adi gie'esasa manuna, be wate 'aene Yaluyaluwa Tabunega 'iloemaeyo.”

Guinuwa 9:3

Ta Saulo 'itautauya ga Damasiko 'ena 'iabe 'iapwesa, 'enega maedana galewega 'isaema,

Guinuwa 9:5

Ta Saulo 'igwae, “'Inapwana yaita sana 'oyo?” Ta 'enana nina 'igwae, “'Abo'agu Yesu nigu 'uetalauwalegu.

Loma 1:1

'Abo'agu, Yesu Keliso manuna yaetopaisewa, ta Yaubada 'iesinuwegu be 'ina tetela bobo'ana manuna yada etosimana.

Loma 1:5

Yesu Keliso tauna 'iobobomegu, ga 'iesinuwegu be 'aene tauna manuna yada etosimana sena yauyauna 'ediya, be 'enega tauna 'ena sida tagwaledi ta sida emise.

Loma 11:13

'Igu ona gete 'omi nigeya me Yudia manumi. Manuna 'abo'agu Yesu Keliso 'ebweu 'ana tosimana sena apwesa 'ediya ta 'igu paisewa gete manuna yaonatu'e,

1 Kolinita 1:1

'Abo'agu Yaubada 'iesinuwegu be 'aene Yesu Keliso tetelina 'ana tosimana, 'omi me Kolinita toekalesiyao 'imi leta gete tasidai Sositeni 'ilemegu ga ya'etoladinawa, manuna 'omi ni'atu Yesu Keliso 'igie'esasemi ga 'ina boda esiesinuwadi 'ediya waluguma ga wamiyami, taudi wate Yesu Keliso 'ana esanega ma'emiyao wa'awa'awanoi, taudi sena maibo'ana 'ediyega ma'edao 'ida 'Inapwana 'ebweuna tuga, tauna Keliso.

1 Kolinita 10:29

nigeya tauyo 'imu matauta 'enega, manuna 'oyo nigeya Taumudumudulele 'umatamataute, ta esi tosimana nina 'ina matautega. Ta 'aina tomota sigwae, “Geya'abo 'agu loina wasa'usa'u taudi toneneta 'idi nuwanuwa manuna,

1 Kolinita 10:30

ta wate geya'abo taudi silomulomugiyegu. 'Agu masula nina manuna ni'atu yalokagutoki Yaubada 'enaya, ta nigeya 'ebweu wate 'ana to'umalina 'eguya 'imiyami.”

1 Kolinita 11:16

'Ada loina gete nadigega, ta nigeya 'ebweu wate mali loina toekalesiyao maibo'ada 'edaya, 'enega geya'abo 'ebweu yaita loina gete manuna 'ionaonaila.

1 Kolinita 3:6

'Abo'agu 'igu paisewa toasowa tuga, ta Apolosa to'ita'i'ita, ta Yaubada sa'i tauna 'ina waiwaiyega masula 'isusaila.

1 Kolinita 9:19

Ta wate geya'abo tomota 'agu loina sisa'usa'u, ta esi tomota yauyaudi manudi yaguiguinuwa be yada 'etoseyedi.

2 Kolinita 10:7

'Omi tomota 'adi 'ita namo 'ena wadunedune, ta to'ase 'atediya nigeya wamwalamwalatoni. 'Abo yaita 'ionalaga 'aene tauna Keliso 'ina boda, 'ida nuwa'i'isima 'aene 'abo'ama wate Keliso 'ina bodao,

2 Kolinita 11:5

'Imi tologuguyao auwaudi 'omi wanuwena 'aene siloetana sinegu, ta esi nigeya sawesawediya.

2 Kolinita 6:1

'Enega tauna ma'emai 'apaipaisewa, ga 'emiya 'asida be geya'abo Yaubada 'ina oboboma waeyage besobesoe,

Galetia 1:1

'Abo'agu Yesu Keliso 'ina tosimana 'ebweu, ta 'igu etosimana nigeya tomota 'idi esinuwega, ta Yesu 'ina esinuwega, be Tamada Yaubada wate. Tauna Yesu mwawasega 'igietoolo limena.

Galetia 5:1

Miya bobo'ana manuna Keliso 'ili'amida 'ada yonao 'ediyega, 'enega wada toolopa'ala be geya'abo watagwatagwala limanemi Mosese 'ina loina yoniyonina 'enaya.

1 Tesalonaika 2:6

Ta wate yage nidi 'aguiguinuwedi matamiya ta wate mali tomota matadiya nigeya tauma 'ama tupu manuna, ta esi 'omi 'ami lema manuna. Ona'ai'aila, 'abo'ama Keliso 'ana tosimanao, 'enega 'ilobwenema be 'aetoloina 'emiya, ta nigeya.

1 Timoti 2:7

'Enega 'igu paisewa 'i'ebwa'egu be tetela gete yasimasimana be yaloguguya be yae'ie'ita taudi nigeya me Yudia 'ediya, be 'aene mwalatoi 'ai'aila Yaubada 'enega sida emise. Gete ona 'ai'aila, ta nigeya kabo.

2 Timoti 1:11

Ta Yaubada 'igu paisewa 'i'ebwa'eguya be 'aene tetelina bobo'ana yasimasimane be yae'ie'ita taudi nigeya me Yudia 'ediya.