1 Kolinita 8:13 - Loina Tabu Auwauna NT

¹³ Ta 'abo'agu sa'i geya nuwagu be 'ebweu tasidai yagiebe'uye, 'enega masula nidi yaguitoyasa 'ai'ailidi, be geya'abo yalotolotoodi, 'abona nai 'ediyega tasidao yagie be'uyedi.

1 Kolinita 8:13 Σταυροειδείς Αναφορές

Madiu 17:27

Ta geya'abo taloogwautoyasa, 'abona nai 'edaya sinuwamwau. 'Enega gete tuga bani 'u'ewa be 'udolo le'awaya be 'abo gimiiyana 'ulisi, 'awana 'ugigege be solanega mani 'u'ewenama be 'u'ebwa'edi, nate 'oyo be 'abo'agu 'ida takisi, sawesawedaya.”

Guinuwa 15:20

ta esi 'idi leta tada 'etoladi be 'etoboda ata dimo tasa'udi nate, masula nina mali 'ebe bwagobwago 'ediya si'ebwa'ebwaya be, loelata be, yobai didimagadi esiyodi be, lala be.

Loma 14:13

'Enega gosedao geya'abo ta'awa'awa to'umaliyedi, ta esi tauda 'ida bubuna be 'ida guinuwao tada 'ita'i'isidi, be 'enega geya'abo 'ebweu gosedai tagiegiebe'uye 'idi edidigula 'ediyega.

Loma 14:21

'Enega gete tugai 'ilobweneda be yage nidi manudi gosedao siedidigula, esiyo nai oine, geya'abo tagitogitoodi, 'abona nai tagiebe'uyedi.

1 Kolinita 10:32

'Enega geya'abo mali tomota wagiegie nuwamwauyedi, nai me Yudia, nai taudi nigeya me Yudia, nai Yaubada 'ina toekalesiyao,

1 Kolinita 10:33

nadigega 'abo'agu yatootoo be 'aene geya'abo taugu 'igu nuwenuwega yaguiguinuwa, ta esi to'ase tomota 'idi nuwanuwa nadigega yada guinuwe tuga, be sida gwausowala, be 'enega 'adi 'etoseyana sida loba Yaubada 'enega.

1 Kolinita 13:5

ta esiya gosedao ta'amayabedi, be geya'abo gamwasowala nai etalauwala 'edega si'ita'ita.

1 Kolinita 6:12

'Ebweu ona yanonona, manuna 'aina tomota sigwae, “Bubuna maibo'ana kapekapeyana 'eguya.” Ona'ai'aila sawesawedaya yage maibo'ana taguinuwedi, ta nate namo 'aina bubuna nigeya sida lemeda, manuna ma idi waiwai be sawesawenaya siyonida.

1 Kolinita 9:12

Manuna mali tosimanao wae'enidi, 'enega 'ilobwenemi be wada e'enima wate, ta tuwa tuga 'a'alama'i'itana sinabwana, manuna 'abona nai 'aoopa'ala 'emiya be Keliso tetelina wasinali.

2 Kolinita 11:29

'Enega 'abo yaita 'ineneta, 'abo'agu wate 'atuwa yaneneta, ta 'eguma yaita 'ebe esetupe 'ena 'ibe'u, nate 'igu 'ebe nuwamwau.

2 Kolinita 6:3

'Etoseyana gete tomota maibo'adi manudi. Geya nuwama be 'ebweu yaita 'ilomulomugiyema 'ima guinuwao manudi. Nigeya 'ebweu wate 'ebe 'etoboda 'asa'usa'u,