1 Kolinita 8:1 - Loina Tabu Auwauna NT

¹ 'Ebweu wate enaida 'igu leta 'enaya ni'atu wasimanenaya, nate masula nidi tomota si'ebwa'ebwaya 'idi 'ebe bwagobwago gulewa nai kaiwe 'ediya. Yage nidi 'idi kabo wamwalamwalatoni, ta sa'i geya'abo wanuwanuwatu'e 'imi sinasinapu nina manuna, ta 'ilobwenemi be gosedao maibo'adi 'atemiyega wada obobomedi, manuna oboboma yage sinabwana, ta mwalatoi esi nigeya yage sinabwana.

1 Kolinita 8:1 Σταυροειδείς Αναφορές

Guinuwa 15:10

“'Enega geya'abo Yesu 'ana toemisa auwaudi sena apwesa 'ediyega 'adi 'aa'aala mwauna wa'ebwa'ebwa'edi, 'abona nai Yaubada wagiegamwasowale, manuna 'aa'aala nina tubudao nigeya sawesawediya be si'aali, ta 'abo'ada wate nigeya sawesawedaya.

Guinuwa 15:29

'Etoboda nidi nate, to'ase tomota sitalitaliyae mali 'ebe bwagobwagoyao 'ediya, geya'abo wae'ani, wate yobai malaladi ta yobai didimagadi esiyodi geya'abo wae'enidi, ta wate geya'abo waloeloelata. 'Eguma 'etoboda getedi 'ediyega wa'ita'i'isimi, 'imi miya bobo'ana. Kaiyoni.”

Guinuwa 21:25

“Ta Yesu 'ana toemisao, taudi nigeya me Yudia, ni'atu 'idi leta 'aetunena, be 'aene to'ase nadigega tomota sitalitaliyaedi mali 'ebe emisao 'ediya geya'abo sie'ani, ta wate yobai malaladi be yobai didimagadi geya'abo sie'ani, ta wate geya'abo siloeloelata.”

Loma 11:25

Gosegwao, nuwanuwagu be 'ebweu yage kwaikwaiyina me Isileli manudi yada simana apwese 'emiya be 'aene geya'abo wanuwanuwatu'e, ta esi yage gete wada mwalamwalatoni 'aene ma'etamo me Isileli ma idi debapa'ala sida miyami 'ana laba 'omi nigeya me Yudia esiesinuwami maibo'ami 'etoseyana wa'ewa,

Loma 12:16

be 'enega maibo'ami wada eoboobobomemi. Ta geya'abo wanuwanuwatu'e nai watootoo be waetoloina, ta esi taudi nigeya 'adi esanamo wada egosigosiyanedi.

Loma 14:10

'Enega wanuwa'i'isi be geya'abo tasimiyao walo'alo'aegiledi, manuna 'etamo maibo'ada Yaubada matanaya tatoolo be 'enega tauna 'ida loineda,

Loma 14:14

Ta ona'ai'aila, 'ida 'Inapwana Yesu ni'atu 'igienuwa sabwalenigu ga yamwalatonina 'aene nigeya 'ebweu masula 'eto'etobodana 'imiyami, ta esi 'abo 'ebweu tomota 'inuwena 'aene 'aina masula 'eto'etobodadi, 'etoboda nidi tauna tuga manuna.

Loma 14:19

'Enega 'ilobweneda be 'ida 'ebe masi nuwasiwalowa, be 'enega 'ebweuna 'ebweuna 'enaya tada elemalema.

Loma 14:22

Ni'atu 'imi guinuwao waemisedi 'aene bobo'adi Yaubada matanaya, ta esi 'abo geya'abo gosemiyao wagiegie be'uyedi nate 'ebe gwausowala sinabwana 'emiya.

Loma 14:3

'Ilobwenena be taudi yobai esiyona sie'ani geya'abo gosediyao silo'alo'aegiledi, taudi nigeya yobai esiyona sida 'enina, be esiyo 'ana toedidigula nidi geya'abo wate gosediyao taudi esiyo sie'ani silo'alo'aegiledi, manuna Yaubada ni'atu 'iesinuwedi be 'aene natunao,

Loma 15:14

Gosegwao, ni'atu yamwalatoi 'ai'ailimi 'aene 'omi tomota bobo'ami ta sinasinapumi, 'enega sawesawemiya be 'ebweuna 'ebweuna 'enaya wada e'ita.

1 Kolinita 10:15

'Omi ma imi mwalatoi, 'enega 'igu ona gete manuna wada nuwanuwa sinabwana.

1 Kolinita 10:28

Ta esi 'abo yaita 'isimana masula nina manuna be 'emiya 'igwae, “Taudi 'idi guinuwa Taumudumudulele manuna masula nate 'enega siguinuwena,” geya'abo masula nina 'u'e'ani, 'abona nai tauna tosimana nina 'inuwamwau, nai 'imatauta, 'enega 'oyo wate 'uda nuwamwau,

1 Kolinita 14:20

Gosegwao, geya'abo 'imi nuwanuwa gogama nadigega, ta esi wada nuwanuwa tai sinabwadi nadigega. Ta geya'abo guinuwa to'umalina manudi wanuwanuwa be 'aene wamwalatonidi.

1 Kolinita 15:34

Nai 'aimi Yaubada waemwagemwageyena. Gete 'ebe omayamaya 'emiya, 'enega 'ilobwenemi be wada sinasinapu, be 'enega 'imi bubuna to'umalina wada losa'udi.

1 Kolinita 4:10

ta 'ama 'ita 'atuwa uwauwama Keliso manuna, ta sa'i 'omi 'ami 'ita 'atuwa taudi Keliso 'ana tosinasinapuyao, manuna 'abo'ama nenetama ta 'omi waiwaimi, be ma 'ami 'amayaba, ta 'abo'ama sa'i ma ima omayamaya.

1 Kolinita 4:18

Ta esi 'aidi 'emiyega sinuwena 'aene 'abo'agu geya'abo yaweewa, 'enega sinuwanuwatu'e be sigagasa.

1 Kolinita 4:6

'Ebe'ita gete 'abo'agu be Apolosa 'emega wada 'ita, be 'enega 'eda'eda bobo'ana geya'abo wapilipilisine, nai geya'abo waonaona gagasa 'imi toanuganao manudi, 'aene 'ebweu 'imi toanugana gosenao 'ibobo'ana sinedi.

1 Kolinita 5:2

'Enega geya'abo wanuwanuwatu'e, ta esi bubuna gete manuna wada dedoi, be tai nina to'umalina 'imi boda 'enega wada 'ausepale.

1 Kolinita 5:6

Ta geya'abo wanuwanuwatu'e, ta esi wada nuwa'i'isi 'aene 'abo to'umalina gidalina 'emiya 'imiyami, 'iabe maibo'ami 'igieto'umaliyemi.

1 Kolinita 8:2

'Enega 'abo tanuwena 'aene 'abo'ada tosinasinapu, nate nigeya tasinasinapu 'ai'aila,

1 Kolinita 8:4

'Enega mwa'adega masula nina tomota si'ebwa'ebwaya 'idi 'ebe emisa kabokaboyao 'ediya? 'Ebe bwagobwago kabokaboyao getedi nigeya 'ebe emisa 'ai'aila, manuna Yaubada namo tebweuna 'imiyami, ta mali 'ebe emisao yage besobeso tuga.

1 Kolinita 8:7

'Abo'ada 'ida emisa pa'alina, ta sa'i 'aina toekalesiyao 'idi emisao nenetadi, manuna sienuwanaluwa 'aene mali 'ebe bwagobwago wate 'ebe emisa 'ai'aila, 'enega 'abo tomota nidi 'ebe emisa kabokaboyao 'adi masula si'a'ani 'iabe simatauta 'ediya.

Epeso 4:16

Manuna 'abo'ada Keliso oona welawela'anao, ta 'igiewaiwaiyeda 'atuwa oona nina 'ana walowaloyao, be 'ana tubweyao maibo'adi 'idi guinuwega sielemalema be obobomega sisinasinabwa ta siewaiwai.

Kolose 2:18

'Enega geya'abo 'ebweu yaita 'ida 'awa'awa to'umaliyemi manuna 'omi nigeya watapwatapwalolo ma imi nuwamwa'uta aniloseyao 'ediya, manuna tomota nidi 'idi mwalatoi madawalega manudi sigagasa, ta sinuwatu'e bubuna bale'u 'ediyega,

E'ita'ita 2:14

“Ta esi 'imi bubuna 'aina manudi nigeya yagwaugwausowala, manuna 'aimi Balami 'ina e'itao wamulimuliyedi, ta 'ina e'itao nidi lowa Balaki 'imuliyedi ga me Isileli bubuna to'umalina 'ie'itedi, nate tokwalui siemisena ga 'ana masula si'ebwa'ena, ta to'ebwaya nidi masula nina sie'ani, be wate siloelata.

E'ita'ita 2:20

“Ta esi gete 'ena 'ebweu yage manuna nigeya yagwaugwausowala, manuna Yesibeli 'ena watagwala, tauna waine nina 'ieesena 'aene 'ebweu Yaubada 'ana tosimana, ta nigeya. Manuna waine nina esi 'igu toguinuwao loyaweyega ta wate tokwalui 'ediyega 'ilisidi, manuna tokwalui siemisena, ga 'ana masula si'ebwa'ena, ga to'ebwaya nidi sie'enina.