1 Kolinita 7:34 - Loina Tabu Auwauna NT

³⁴ 'Enega nigeya kapekapeyana be 'eda 'eluwa nidi 'ediyega sitautauya. Ta wate gomagweineyao be iine taudi nigeya siaiai, sawesawediya be Yaubada manuna sinuwanuwa sinabwana, be 'enega bwaladi ta yaluyaluwadi sida gie'esasedi, ta esi aiai nidi sinuwanuwa yage bale'u manudi be 'aene 'ediyega mwanediyao sigiegwausowalidi.

1 Kolinita 7:34 Σταυροειδείς Αναφορές

Yoni 10:13

Tai nina 'ina dena 'alena tuga maisa manuna 'ipaipaisewa, ta sipi nidi mali tai 'ina sipiyao, 'enega nigeya manudi 'inuwanuwa.

Loma 6:13

Ta wate geya'abo 'ebweu welawela'ami watagwatagwale guinuwa to'umalina manudi, ta esi Yaubada 'ena wada tagwalemi manuna mwawasega 'igietoolo limemi, ga batuwa mayawasimi, be 'enega welawela'ami maibo'adi watagwaledi Yaubada 'ina guinuwa palupaluna manuna.

1 Kolinita 6:20

Manuna ni'atu 'iemaisida, 'enega 'ilobweneda be ooda 'ediyega 'ana esana tada giesinabwa.

1 Kolinita 7:33

Ta taudi aiai nidi bale'u yagenao nuwanuwadi be 'aene 'ediyega mwanediyao sigiegwausowalidi.

1 Kolinita 7:35

'Igu simana gete 'enega nigeya ai ya'eto'etobode, ta esi sabi lememi, be Yaubada 'ina guinuwa 'ediya wada guinuwa 'ai'aila, ta geya'abo mali yage manudi wanuwanuwa.

2 Kolinita 11:28

Be wate 'asiyata 'ebweuna 'ebweuna 'ediya yanuwanuwa sinabwana toekalesiyao sena yauyaudi 'ediya manumi.

2 Kolinita 8:16

Yaubada 'ena yalokalokagutoki, manuna Taito 'ina nuwanuwa sinabwana ni'atu 'i'ebwa'ena, be tauna 'ida lememi, nadigega 'abo'ama wate 'ima nuwanuwa.

Pilipai 1:20

Wate 'abo'agu ma igu emisa ta ma igu nuwayaina 'aene geya'abo yaomayamaya, ta esi yanuwayaina 'aene ma igu 'atepatu gete tuga ta tuta yauna Keliso 'ana esana yada giesinabwa, nai 'igu miya bale'u mayawasigu 'enega, nai 'igu mwawasa 'enega.

1 Tesalonaika 5:23

Yaubada tauna gwausowala 'alena 'enega yaluyaluwami be nuwami ta oomi 'ida gie'esasa 'ai'ailidi be sida maedana, be 'enega ma imi bubuna bobo'ana wada miyami be 'ana laba Yesu Keliso 'iila limanama.

1 Timoti 3:5

Ta 'eguma tai nigeya sawesawenaya natunao 'iloina palupaluyedi, tauna nigeya sawesawenaya be Yaubada 'ina toekalesiyao wate 'iloina palupaluyedi, aga?

1 Timoti 5:5

'Enega kwabulao nidi taudi nigeya 'idi susumo, 'eguma 'idi emisa Yaubada namo 'ena sisa'u, sidesidega 'asiyata be boiboi 'ediya, wada lemedi.

Taito 3:8

Ona gete maibo'adi ona 'ai'aila, 'enega 'uewaiwai 'adi loguguya 'ena, be 'enega taudi Yaubada 'ana toemisao ona nidi sida muliyedi be guinuwa bobo'adi sida guinuwedi. Gete yage bobo'ana ta tomota 'adi 'ebe lema.