1 Kolinita 7:33 - Loina Tabu Auwauna NT

³³ Ta taudi aiai nidi bale'u yagenao nuwanuwadi be 'aene 'ediyega mwanediyao sigiegwausowalidi.

1 Kolinita 7:33 Σταυροειδείς Αναφορές

Luke 12:22

'Enega 'ina tononoyao 'ediya 'igwae, “Geya'abo 'imi miya bale'u manuna wanuwanuwa sinabwana, 'ami 'e'ai be 'ami 'oama manudi.

Luke 14:20

Ta wate 'ebweu 'igwae, ‘'Abo'agu auwaugu yaai, 'enega nai geya'abo yaweewai.’

Yoni 10:13

Tai nina 'ina dena 'alena tuga maisa manuna 'ipaipaisewa, ta sipi nidi mali tai 'ina sipiyao, 'enega nigeya manudi 'inuwanuwa.

1 Kolinita 7:3

Be 'enega me'olotomi mwanemiyao 'idi nuwanuwa wada muliyedi. Wate nadigega 'omi mewainemi mwanemiyao 'idi nuwanuwa wada muliyedi.

1 Kolinita 7:32

'Enega nuwanuwagu be geya'abo yage bale'u manudi wanuwanuwa wawasae, ta esi wada bubuna nadigega taudi nigeya siaiai. Manuna taudi nigeya siaiai Yaubada 'ina guinuwa namo manuna sinuwanuwa sinabwana, ta nuwanuwadi be 'Inapwana sida giegwausowali.

1 Kolinita 7:34

'Enega nigeya kapekapeyana be 'eda 'eluwa nidi 'ediyega sitautauya. Ta wate gomagweineyao be iine taudi nigeya siaiai, sawesawediya be Yaubada manuna sinuwanuwa sinabwana, be 'enega bwaladi ta yaluyaluwadi sida gie'esasedi, ta esi aiai nidi sinuwanuwa yage bale'u manudi be 'aene 'ediyega mwanediyao sigiegwausowalidi.

Kolose 3:19

Wate nadigega 'omi me'olotomi mwanemiyao waobobomedi be geya'abo wa'ena'ena pa'alidi.

1 Timoti 5:8

Ta 'eguma yaita nigeya 'ina bu'unao nai natunao 'ida 'ita'i'isidiya, tauna ni'atu Yaubada 'ina e'ita 'iguitoyasena, ga taudi Yaubada 'ana toeyaseyaseyao 'ito'umali sinedi.

1 Pita 3:7

Ta 'omi wate toai me'olotomi, mamwanemiyao wamiyami, wada nuwayai 'aene taudi nenetadi, 'enega wada 'amayabedi be wa'ita'i'isidi, manuna 'omi be mwanemiyao ma'emiyao yawasimi Yaubada 'i'ebwa'emi. Gete nadigega wabubuna'esa be 'enega geya'abo to'umalina 'imi sidasidao 'i'eto'etobodedi.