1 Kolinita 7:21 - Loina Tabu Auwauna NT

²¹ 'Abo yaita 'oyo 'ebweu tai sinabwana manuna 'uguiguinuwa tuta nina 'uekalesiya, geya'abo 'unuwanuwa mwau 'imu paisewa daita nina manuna, ta esi 'eguma 'imu taubada nina ma'etamo 'itagwaleyo be 'uila 'imu 'asaya, bobo'ana 'uda ila tuga.

1 Kolinita 7:21 Σταυροειδείς Αναφορές

Luke 12:29

“Ta wate geya'abo wanuwanuwa sinabwana nai wa'ate'ate sa'ala masula be bwasi manudi.

Luke 21:34

“Ta wada 'ita'i'isimi be geya'abo 'emasula be bwasi waiwaidi 'adi numa 'ediya watautauya wawasae, ta wate geya'abo 'imi miya bale'uya manuna wanuwanuwa wawasae, 'abona nai 'asiyata nina 'ena Yaubada 'iloesalutuimi be nadigega gomana 'enega 'i'onami.

1 Kolinita 12:13

Manuna maibo'ada ni'atu tabapitaiso, yaluyaluwa 'ebweuna 'enega, ga ni'atu taeboda 'ebweuna. 'Abo'ama me Yudia be 'omi mali senao 'ediyega, be tomiya mwau be tomiya bobo'ana, ta ni'atu maibo'ada taeboda 'ebweuna Yaluyaluwa Tabuna nina 'edaya 'imiyami 'enega.

1 Kolinita 7:20

Geya'abo 'imi miya nai 'imi paisewa bale'uya manudi wanuwanuwa mwau, be 'aene nuwanuwami wasa'ugelasa.

1 Kolinita 7:22

Ona'ai'aila, topaisewao bale'uya 'abo Keliso 'ena siemisa, Yaubada sawesawenaya 'idi to'umalinao 'ediyega 'ili'amidi, ta wate tai sinabwadi 'abo Keliso 'ena siemisa, sida eto'ali'ei tauna manuna.

Galetia 3:28

Manuna maibo'ada Keliso ma'eda, ta nigeya 'ebweu wate weyala soladaya 'imiyami. 'Enega me Yudia be mali bodao leleleya, ta 'inapwanao be 'idi topaisewao leleleya, ta wate me'olotodi be mewainedi leleleya, manuna maibo'ada Yesu Keliso 'enega tae'ebweu,

Pilipai 4:11

Ta geya'abo sa'i yalomulomugi 'igu miya mwau lowa 'ediya, manuna ni'atu yamwalatonina ga sawesaweguya miya maibo'adi 'ediya yagwaugwausowala tuga,

Pilipai 4:6

Geya'abo 'ebweu to'ase manuna wanuwanuwa, ta esi ma imi lokagutoki yage maibo'adi manudi, Yaubada 'ena wada bwagobwago, be 'imi nuwanuwao manudi wada sidasida,

Kolose 3:11

'Enega nigeya 'ebweu wate weyala 'imiyami be wada gwae, “Me Yudia mali boda ta 'abo'ama mali boda”, nai wagwae, “Taudi bwaladi sidabedi mali boda, ta taudi nigeya, mali boda”, nai “'Owagao be to'u'umalao mali bodao”, nai “'Ali'eiyao mali boda be 'inapwanao mali boda”, ta tuwa tuga Keliso 'ina boda maibo'ada, ga 'atedaya Keliso namo 'iloegogoneda.

Ibeliu 13:5

Geya'abo esaesa bale'u nuwami 'i'ewa'ewa, ta esi wada gwausowala to'ase ni'atu walobalobadi manudi, ta geya'abo mali yage be mali yage manudi waetaetapewa, manuna Yaubada 'igwae, “Geya'abo yanuwanuwa pupuleyo nai yapilipili sineyo. Nigeya!”

1 Pita 5:7

Ta 'ami mwauyao maibo'adi Yaubada 'ena wada 'ebwaya, be 'enega 'ami mwau nidi 'i'ewayauledi, manuna Yaubada tauna 'i'atenuwa'ole'ole 'ai'ailemi.