1 Kolinita 6:19 - Loina Tabu Auwauna NT

¹⁹ 'Enega wada nuwa'i'isi 'aene ooda Yaluyaluwa Tabuna 'ina anuwa, manuna Yaluyaluwa Tabuna nina Yaubada 'enega 'imai ga soladaya 'imiyami, 'enega geya'abo tauda taloiloineda, ta esi Yaubada 'ida loineda.

1 Kolinita 6:19 Σταυροειδείς Αναφορές

Yoni 2:21

Ta Yesu nigeya anuwa nina manuna 'ionaona ta esi tauna bwalana manuna.

Loma 8:9

Ta esi 'omi Yaubada yaluyaluwana 'iloiloinemi, manuna 'emiya 'imiyami, be 'enega taumimo 'imi nuwanuwa nigeya 'iloiloinemi. Manuna 'abo yaita nigeya Keliso yaluyaluwana 'ena 'imiyami, tauna nigeya Keliso 'ina boda.

1 Kolinita 3:16

'Enega wada nuwa'i'isi 'aene 'abo'ada Yaubada 'ina Anuwa Tabu, manuna Yaubada Yaluyaluwana 'edaya 'imiyami.

1 Kolinita 6:13

Wada nuwa'i'isi masula manuna. Ona'ai'aila, masula gamwada manuna, ta wate gamwada masula manuna, ta esi ma'etamo masula be gamwada Yaubada 'ida loesawalidi. Ta bwalada Yaubada 'i'ebwa'eda nigeya loelata manuna, ta tauna esiya manuna, be tauna 'abo'ada manuda,

1 Kolinita 6:3

Ma'etamo galewaya aniloseyao wate tada loinedi, 'enega gete tuga sawesawedaya be guinuwa bale'uya taloinedi.

2 Kolinita 5:15

Ta 'ina mwawasa maibo'ada manuda 'alena 'aene ma'etamo mayawasida, nigeya tauda 'ida guinuwao sabi guinuwedi, ta esi Keliso manuna, tauna manuda 'imwawasa ga wate 'itoolo limana.

2 Kolinita 6:16

Wate nigeya sawesawenaya mali 'ebe emisao wasa'u luguyedi Yaubada 'ina anuwa solanaya, ta Yaubada tauna mayawasina ga 'ina anuwa 'abo'ada, ta 'igwae, “ ‘'Abo'agu taudi 'ediya yada e'asa be soladiya yada adadana, be 'abo'agu 'idi Yaubada ta taudi 'igu tomotaiyao.’

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

Yemesa 4:5

'Enega geya'abo Buki Tabu 'ina simana wa'awa'awa gidale tuta nina 'igwae, “Yaluyaluwa nina Yaubada 'isa'una 'edaya nuwanuwana sinabwana 'abo'ada.”

1 Pita 2:5

'Enega 'omi wate 'atuwa mwadale mayawasina, yaluyaluwami wada tagwaledi, be 'emiyega Yaubada 'ina Anuwa 'ida 'abi, be gote 'ena wada etotaliya 'esasemi, ta Yesu Keliso 'ida lememi be yaluyaluwamiyega wada taliya bobo'ana Yaubada 'enaya.