1 Kolinita 5:7 - Loina Tabu Auwauna NT

⁷ 'Enega to'umalina nina 'emiyega wa'ausepale be waeboda bobo'ana, manuna Keliso 'ina mwawasega 'igie'esasemi. Ta Keliso nina tauna 'atuwa 'ida Ataona masulina bawena, manuna ni'atu manuda siloemwawasina.

1 Kolinita 5:7 Σταυροειδείς Αναφορές

Madiu 13:33

'Ebweu wate onasemalimali 'i'ebwa'edi, 'igwae, “Yaubada 'ina etoloina 'atuwa nadigega pwalawa 'ana 'ebe gieseseya. Gidalina tuga waine 'i'ewena ga pwalawa sinabwana ma'iyana 'i'einisina, 'enega maibo'ana 'iseseya.”

Maki 14:12

Ataona Sagalina solanaya beledi daisina nigeya gieseseinamo sie'ani ga sagali 'ana 'asiyata nugana 'ena lamiyao siunudi Ataona 'ana 'ebe nuwa'i'ita manuna, ga 'asiyata nina 'ena Yesu 'ina tononoyao sieonena, sigwae, “'Inapwana, mane 'ena nuwanuwayo be Ataona Sagalina manuyo 'agibubu?”

Yoni 1:29

Ga mali 'asiyataya Yoni Yesu 'i'itena 'imeemai 'enaya, ga Yoni tomota 'ieonedi, 'igwae, “Tai gote tauna Yaubada 'ina Lami, be me bale'u manuda 'imwamwawasa be 'ida bubuna to'umalina maibo'ana 'i'ewayauledi.

Yoni 1:36

'enega Yoni 'ana tomuliyao nidi 'ediya 'igwae, “Tai gote tauna Yaubada 'ina Lami.”

Yoni 19:14

Ta ni'atu 'asuoleole, be muliyega mali 'asiyataya Ataona masulina si'a'ani. 'Enega Pailato me Yudia 'ieonedi, 'igwae, “Wa'ita 'imi kini gete.”

Loma 3:25

Ona'ai'aila, Yaubada natuna 'itagwalena be 'aene 'ina mwawasega 'ida 'au'ewa limada Yaubada 'enaya be ma'eda tada egosigosiyana, nate 'abo Yesu taemise. Gete 'enega Yaubada 'ina bubuna bobo'ana 'ie'iteda, manuna lowaenei 'ida bubuna to'umalina manudi nigeya 'ie'ie'isa, ta esi 'ie'alama'i'itana ga 'ana laba Yesu Keliso 'ietunenama 'edaya.

1 Kolinita 10:17

Beledi nina 'ebweuna 'enega maibo'ada ta'e'ai, 'enega Keliso oona 'enaya taeboda 'ebweuna.

1 Kolinita 5:13

Manuna taudi ma'etamo Yaubada 'iloinedi, ta esi toloyawe nina 'ebweu 'imi boda, 'enega 'ilobwenena be waloine, be 'emiyega wapa'i.

Epeso 4:22

'Enega bubuna kadekadelina wada guitoyasedi, nate guinuwa nidi lowa waguiguinuwedi, tuta nina yalakwaiyao to'umalidi sigieto'umali 'ai'ailimi,

E'ita'ita 5:12

ta wate 'enadi sinabwana yanonona sigwaegwae, “Tauna lami nina siloemwawasina, sawesawenaya be loina be esaesa be mwalatoi be waiwai be 'amayaba be tupu ta wate 'awabobo'ana 'ida lobadi.”