1 Kolinita 5:11 - Loina Tabu Auwauna NT

¹¹ Ta esi 'igu loina 'emiya gete tuga be 'abo yaita 'iekalesiya ta 'iloyawe, nai 'ilomatagwegwe, nai 'ilonabwasuwa, nai 'i'enapa'ala, nai bwasi waiwai 'inumanuma, nai 'i'ipwala, geya'abo waegosigosiyane nai ma'emi wa'e'ai.

1 Kolinita 5:11 Σταυροειδείς Αναφορές

Madiu 18:17

Ta 'eguma tuga geya nuwana be 'inonomi waona apwesa toekalesiyao 'ediya, be 'eguma geya nuwana wate toekalesiyao 'idi ona 'inonodi, wada guitoyase tuga be 'imiya apwesa nadigega takisi 'ana toegogonao.

Madiu 23:25

“'Omi loina 'ana toe'itao be Palisiyao nuwa'ole'olemi sa'i, manuna 'imi kaboega keiga be gaeba apwesaya wagie'esasedi ta esi soladi baibailidi, nate 'ipwala be bubuna to'umalidi siloemaedi.

Luke 18:11

'Enega Palisi nina 'itoolo ga 'isidasida, 'igwae, ‘Yaubada ye, yalokagutoki 'emuya manuna 'abo'agu nigeya nadigega gosegwao 'idi bubuna, manuna taudi to'ipwala diidiga be kabokabodi be loeloelatadi, ta wate 'abo'agu nigeya nadigega takisi 'ana to'ewa gote,

Luke 21:34

“Ta wada 'ita'i'isimi be geya'abo 'emasula be bwasi waiwaidi 'adi numa 'ediya watautauya wawasae, ta wate geya'abo 'imi miya bale'uya manuna wanuwanuwa wawasae, 'abona nai 'asiyata nina 'ena Yaubada 'iloesalutuimi be nadigega gomana 'enega 'i'onami.

Guinuwa 1:15

Boda nidi 'adi yau nadigega wani analedi be tuweniti, ga 'ebweu 'asiyata 'enaya Pita gamwagamwanidiya 'itoolo ta 'ieonedi, 'igwae,

Guinuwa 9:17

'Enega Ananayasi 'itoolo ga 'itauya, ga Yudasa 'ina anuwaya 'ilugu, ga Saulo 'igidebena, ta 'igwae, “Tasigu Saulo, 'Inapwana nina Yesu 'edaya 'iapwesa 'emuya, tauna gete 'ietuneguma matayo 'adi gie'esasa manuna, be wate 'aene Yaluyaluwa Tabunega 'iloemaeyo.”

Loma 13:13

'Enega tada 'ita'i'isida be geya'abo bwasi waiwaidi tanumanumadi be taekaekabaleya, be geya'abo taloeloelata, ta wate geya'abo taegewagewana be talosalosaiya.

Loma 16:17

Tasigwao, gete 'igu sida waiwai 'emiya be 'aene wada 'ita'ita'i'isimi taudi toweyalao 'ediyega, manuna e'ita nina lowa wa'ewenaya taudi geya nuwadi, 'enega si'awa'awa to'umaliyena, ta wate tomota 'idi emisa sigiegie nenetadi.

1 Kolinita 10:14

Gosegwao, nuwanuwagu sinabwana be mali 'ebe emisao waguitoyasedi.

1 Kolinita 11:21

manuna 'aimi taumi 'ami masula wa'e'ai, ta 'aidi gosemiyao ma 'adi botana, ta wate 'aimi wa'e'ai be wanumanuma sinabwana 'enega waekaekabaleya.

1 Kolinita 5:13

Manuna taudi ma'etamo Yaubada 'iloinedi, ta esi toloyawe nina 'ebweu 'imi boda, 'enega 'ilobwenena be waloine, be 'emiyega wapa'i.

1 Kolinita 6:10

be to'ipwalao be tolomatagwegweyao be tonuma bwasi waiwai be tolo'aegilao be tokaboyao.

1 Kolinita 6:6

Ta esi 'omi 'imi guinuwa nigeya palupaludi, manuna taudi nigeya Keliso 'ana toemisao matadiya waetaetala.

1 Kolinita 6:9

'Enega 'imi bubuna nadigega manuna geya'abo Yaubada 'ina 'ebeloina 'ena walugulugu, manuna toto'umalidi maibo'adi Yaubada 'i'etobodedi, nadigega tolonabwasuwao be toloyaweyao be loelata nina waine dimo ma'ediyao siguiguinuwe be tai dimo ma'ediyao siguiguinuwe,

1 Kolinita 7:12

Gete wate 'aina nuwanuwa 'abo'agu 'eguyega, ta nigeya 'Inapwana 'ina loinega, nate 'abo yaita 'oyo me'olotoyo mwaneyo nigeya 'iemiemisa Yaubada 'enaya, ta 'ina nuwanuwa nadigega be ma'iyayo wamiyami tuga, geya'abo 'usa'isa'ile.

1 Kolinita 7:15

Ta 'abo yaita 'oyo mwaneyo nigeya Yaubada 'ena 'iemiemisa ta nuwanuwana be 'isa'ileyo, 'uda gisine ta geya'abo 'uegagale. Manuna Yaubada nuwanuwana be wamiya siwalowa, ta geya nuwana egewagewana.

1 Kolinita 8:11

Ona'ai'aila, 'oyo ma imu mwalatoi, ta esi 'imu mwalatoi 'enega ma'etamo tasimuna nenetana 'ugieto'umaliye. 'Enega wada nuwa'i'isi 'aene Keliso 'imwawasa tasimina nenetana sabi 'etoseyena.

Galetia 2:12

Ona'ai'aila, 'ina gimimai 'enaya 'ina bubuna bobo'ana, 'enega toekalesiyao taudi nigeya me Yudia 'iegosigosiyanedi ta ma'edi si'e'ai, ta muliyega 'aidi Yemesa 'ina bodao simai, ga Pita me Yudia nidi 'imatautedi, ta 'enega 'e'ai taudi nigeya me Yudia ma'enao 'iguitoyasa, ta 'iebesinedi. Nate Pita 'ina loegesi.

Epeso 5:18

Geya'abo bwasi waiwaina 'enega wanumanuma kabaleya, nate yage 'ebe esilae, ta esi Yaluyaluwa Tabuna 'ida loemaemi be

Epeso 5:5

Ta ona'ai'aila, toto'umalidi geya'abo wate silugulugu Keliso be Yaubada 'idi 'ebeloina 'enaya, taudi nadigega toloelatao nai tosogalao nai gwegwe 'ana toyala diidigao, manuna gwegwe 'ana yala 'ana mwalatoi 'aene 'ida emisa tasa'ui gwegwe 'enaya, ta nigeya Yaubada 'enaya.

Kolose 3:5

'Enega bale'u bubuninao 'emiya wada loemwawasidi, nate loelata be guinuwa baibailidi be yalakwaiyao be eesaesa, nate mali 'ebe emisa 'adi bwagobwago.

2 Tesalonaika 3:14

'Eguma yaita e'ita nidi 'imi leta gete solanaya 'isinalidi, geya'abo tai nina wa'ita'ita nao, be 'enega 'ina guinuwa nina manuna 'ida omayamaya,

2 Tesalonaika 3:6

Gosemao, 'aemataluwemi wate, 'ida 'Inapwana Yesu Keliso 'ana esanega, be 'eguma 'aina tasidao loogwautoyasidi, geya'abo wa'ita'ita naodi, manuna gwautoyasa 'ina 'eda 'abo'ama nigeya 'ae'ie'itami, ta gwaunuwa 'ina 'eda esi.

1 Timoti 3:3

ta geya'abo bwasi waiwai 'inumanuma kabaleya, be wate geya'abo 'igamwagamwasowala, ta esi 'ina bubuna ma'anuwaena, ta nigeya 'ida egewagewana, ta geya'abo esaesa 'ena 'ina yala 'isa'usa'u.

1 Timoti 6:5

'Enega gosediyao ma'ediyao siegewagewana, ta 'idi nuwanuwa geyogeyoi manuna e'ita 'ai'aila geya'abo simwalamwalatoni, ta esi sinuwena 'aene Yaubada 'ana 'amayaba 'enega esaesa bale'u sinabwana siloba.

2 Yoni 1:10

'Enega 'eguma yaita 'emiya 'iwawai ta 'ina e'ita dumadumana, geya'abo wabwaubwauye 'imi anuwaya nai walokagutokiye,

E'ita'ita 2:14

“Ta esi 'imi bubuna 'aina manudi nigeya yagwaugwausowala, manuna 'aimi Balami 'ina e'itao wamulimuliyedi, ta 'ina e'itao nidi lowa Balaki 'imuliyedi ga me Isileli bubuna to'umalina 'ie'itedi, nate tokwalui siemisena ga 'ana masula si'ebwa'ena, ta to'ebwaya nidi masula nina sie'ani, be wate siloelata.

E'ita'ita 2:20

“Ta esi gete 'ena 'ebweu yage manuna nigeya yagwaugwausowala, manuna Yesibeli 'ena watagwala, tauna waine nina 'ieesena 'aene 'ebweu Yaubada 'ana tosimana, ta nigeya. Manuna waine nina esi 'igu toguinuwao loyaweyega ta wate tokwalui 'ediyega 'ilisidi, manuna tokwalui siemisena, ga 'ana masula si'ebwa'ena, ga to'ebwaya nidi sie'enina.

E'ita'ita 21:8

Ta esi taudi 'ate nenetadi be taudi nigeya siemiemisa be tosogalao be toloemwawasao be toloyaweyao be Taumudumudulele magosenao be gulewa 'adi toemisao, be toekabokaboyao, taudi getedi 'idi sena yaiyai sinabwana, nate mwawasa 'eluwena.”

E'ita'ita 22:15

Ta 'asa nina 'atamaninaya 'adi tomiyanao, nate kedewao, be Taumudumudulele magosenao, be toloelatao, be toloemwawasao, be gulewa 'adi toemisao, be wate toekabokaboyao.