1 Kolinita 4:12 - Loina Tabu Auwauna NT

¹² Tauma nimamega 'apaipaisewa, ta 'abo yaisigedi si'awa to'umaliyema ona obobomega 'ae'isadi, ta wate 'eguma sigie'elouyaema 'a'alama'i'ita tuga.

1 Kolinita 4:12 Σταυροειδείς Αναφορές

Madiu 5:11

Ta 'eguma manugu tomota silo'aegilemi be sietalauwalemi be 'idi kaboega si'awa'awa to'umaliyemi, wada gwausowala tuga.

Madiu 5:44

Ta 'abo'agu yaloinemi 'ami talauwalao waobobomedi, be taudi sigie 'elouyaemi manudi wasisida be Yaubada 'ida lemedi.

Luke 23:34

'Enega Yesu 'igwae, “Tamagu ye, 'idi guinuwa gete 'uda nuwataudi, manuna nigeya simwalamwalatoni to'ase siguiguinuwa.” Ta tolosaiyao nidi Yesu 'ana 'oama si'ewena, ga 'enega siesaesasala, 'atuwa nadigega siulaesinuwa, be 'enega 'abo yaisigedi sinunugana 'oama nidi si'ewadi.

Luke 6:28

ta wate taudi si'awa'awa to'umaliyemi wada 'awa obobomedi, ta taudi sietalauwalemi manudi wada sidasida be Yaubada 'ida lemedi.

Yoni 15:20

“Wanuwa'i'isi ona nina lowa ya'ebwa'emi 'aene nigeya 'ebweu toguinuwa 'ina 'inapwana 'ida loetana sinena. 'Abo'agu lowa sietalauwaleguya, 'enega 'omi wate nadigega sietalauwalemi. Ta 'eguma lowa 'igu ona siematamatanediya 'omi wate 'imi ona sida ematamatanedi.

Guinuwa 18:3

ta taudi 'idi guinuwa yobai bwaladiyega sisaisaila yoeyoe, nadigega Paulo 'ina guinuwa tuga. 'Enega 'ie'owaga 'idi anuwaya, ga maibo'adi yoeyoe siguinuwedi.

Guinuwa 20:34

ta esi ni'atu wamwalatonigu 'aene taugu 'igu paisewega 'agu 'e'ai be gwegwe yalobedi, ga 'igu 'ali'eiyao wate yalemedi.

Guinuwa 7:60

Ga 'i'aetulasa, ta 'ibwau, 'igwae, “'Inapwana, 'idi bubuna to'umalina gete geya'abo 'ue'ie'isa 'ediya.” Ga 'ina ona gete mulinaya yawasina 'igumwala.

Loma 12:14

Ta 'abo yaisigedi siguitoyasemi geya'abo waba'eba'edi, ta esi wada onaobobomedi.

Loma 12:20

Ta 'abo 'ami talauwalao sibobotana, masula wada 'ebwa'edi, nai 'abo tona'adi 'iyayapasa, bwasi wada 'ebwa'edi, be 'enega 'idi to'umalinao nidi 'ediyega siomayamaya be sida nuwa'ebuni.

Loma 8:35

'Enega nigeya 'ebweu to yage sawesawenaya be Keliso 'ina oboboma 'edega 'iabodebodedi, nadigega taudi mwau nidi talobadi, 'elouya be, wasegigi be, botana be, egomabeso be, esilae be, mwawasa be,

1 Kolinita 9:6

Ta 'abo'agu be Banaba nigeya sa'i 'emaya nadigega wada guinuwa'esa, manuna 'abo'ama tauma 'a'ita'i'isima 'ima guinuwa 'ana maisa 'ediyega.

2 Kolinita 11:8

'Ana 'ita 'atuwa ya'ipwa'ipwala mali ekalesiyao 'ediyega, manuna mani si'ebwa'eguya be 'aene 'omi manumi yada guinuwa.

Epeso 4:28

To'ipwalao 'ilobwenedi be silosa'u, ta esi paisewa bobo'ana nimadiyega sida guiguinuwe, be paisewa nina 'ana maisa 'enega lema sida 'ebwa'ebwaya togomabeso 'ediya.

1 Tesalonaika 2:9

Gosemao, wanuwa'i'isi lowa 'ima paisewa 'emiya, 'asiyata be boiboi 'ediya 'apaipaisewa sinabwana, ga 'enega taumamo 'ae'enima, ta wate Yaubada tetelina 'asimanena 'emiya, manuna geya nuwama 'ami mwau 'asa'u 'ama 'ita'i'ita manuna.

2 Tesalonaika 3:8

Nadigega wate taumamo 'ae'enima. Boiboi be 'asiyata 'ediya 'apaipaisewa, manuna geya nuwama be 'ami mwau 'asa'u 'ama masula manuna.

1 Timoti 4:10

manuna tuta gete 'enaya ma ida etapewa be ma ida gwaunuwa, manuna Yaubada miyamiya atayana tebweuna, tomota maibo'ada 'ada To'etoseyana, 'abo taemise. 'Enega 'ida nuwayaina 'enaya ni'atu tasa'una be 'i'etoseyeda.

1 Pita 2:23

Ta tuta nina si'awa to'umaliyena nigeya wate 'ediya 'ie'ie'isa, ta wate sigie'elouyaena ta nigeya 'igamwagamwasowaledi, ta esi Yaubada 'iemisa 'ai'ailena, manuna tauna Toloina palupaluna.

1 Pita 3:14

Ta geya'abo tomota wamatamatautedi nai wanuwanuwa mwau 'ediya, ta esi wada gwausowala, 'abo yage bobo'ana waguiguinuwe be sigie'elouyaemi,

1 Pita 3:9

Ta 'abo 'aidi 'emiya siguinuwa to'umalina, geya'abo 'ediya wae'ie'isa, ta 'abo wate sieliyemi geya'abo waelieliyadi. Ta esi wada e'isadi ona bobo'ana 'enega, ta Yaubada 'ionaupaupa saba be 'aene 'ida obobomemi, 'abo 'omi ona obobomega 'ediya wae'isa.

1 Pita 4:19

'Enega 'abo 'omi Yaubada 'ina nuwena 'enega 'elouya walobadi, yawasimi wada tagwaledi tauna 'ena, be 'enega 'ida 'ita'i'isimi, manuna tauna 'ada Tomweluluwa bobo'ai'ailina; ta 'omi wate nadigega wada bubuna bobo'ana.

Yude 1:9

Ta aniloseyao 'idi toanugana Maikeli lowaenei 'iegewagewana Seitani 'enaya, Mosese kokowana manuna, ta Maikeli nina nigeya Seitani 'iba'eba'e. Nate namo 'igwae, “'Inapwana 'i'etobodeyo.”