1 Kolinita 3:8 - Loina Tabu Auwauna NT

⁸ 'Enega ma'etamo 'ebweuna 'ebweuna 'ama maisa 'ada loba, nadigega 'ima etapewa 'ana sinabwa.

1 Kolinita 3:8 Σταυροειδείς Αναφορές

Madiu 16:27

“Ma'etamo 'abo'agu Tomota Natuna yaila limanama, be Tamagu 'ina esaesa tuyatuyayalina 'enega yailama, ta wate aniloseyao ma'egwao, be tomota 'idi guinuwao 'adi e'isa ya'ebwa'edi.

Luke 19:19

“'Enega tauna wate 'ieonena, 'igwae, ‘'Asa nima 'ediya 'uda etoloina.’

Loma 2:6

manuna tomota 'ebweuna 'ebweuna 'edaya 'ida e'isa tuga to'ase 'ida guinuwa nadigega.

1 Kolinita 15:58

Ta wate gosegwao yalokagutoki sinabwana 'emiya, be yaloguguyami be wada toolo pa'ala, be tuta yauyauna wada etapewa 'Inapwana 'ina paisewa 'enaya, manuna ma'etamo 'Inapwana 'ina paisewa nina 'enega uwana tada loba.

1 Kolinita 3:14

Be 'enega taudi si'abi bobo'ana 'adi pali sida 'ewa,

1 Kolinita 3:7

'Enega Yaubada taunamo tada tupu, ta 'abo'ama geya'abo. Manuna 'abo'ama toasowa be to'ita'i'ita.

1 Kolinita 3:9

Gete tuga Yaubada ma'ema 'ina bagulaya 'apaipaisewa, ta 'ina bagula nina nate 'omi tomotai, ta wate 'omi Yaubada 'ina anuwa.

1 Kolinita 4:15

Ona'ai'aila 'ami toe'itao yau wawasae, Keliso 'ina 'eda'eda manuna, ta tebweugumo tuga tamami, manuna tetela bobo'ana 'ana loguguya 'enega yame'emi Yesu Keliso 'enaya.

1 Kolinita 9:7

'Ebweu enaida yada enaidemi be wada nuwanuwa manuna. Enaida nina gete: Tolosaiyao mane 'enega 'adi 'ita'i'ita silobalobadi? Gabemani 'ediyega, nai taudimo tuga 'ediyega? Wate 'ebweu 'igu enaida: 'Abo tai oine 'iasoi, ta sesoi 'ana tutaya, mwa'adega 'iabe uwana 'i'a'ani nai nigeya? 'Ebweu wate 'igu enaida: Mwa'adega 'abo tai ma ina baweyao 'i'ita'i'isidimo tuga ta nigeya 'ebweu 'ida ununa 'ina sagali manuna, to'ase 'ina 'ita'i'ita 'ana bobo'ana?

Galetia 6:4

'Enega 'ilobwenemi be 'ebweuna 'ebweuna tauna 'ina guinuwa 'ida too, be 'ida mwalatoni mane guinuwa bobo'ana ta mane to'umalina. 'Enega 'eguma bobo'ana, 'ana tupu tauna 'ina nuwanuwa 'ana lotoona 'enega, ta geya'abo gosiyana 'ebweu 'ina ona 'enega.

Galetia 6:5

Ta 'ada 'aa'aala tauda 'ebweuna 'ebweuna tada 'aala.

Ibeliu 6:10

Yaubada 'ina loina 'emiya palupaluna, 'enega 'imi guinuwao bobo'adi tuta yauyauna, be 'imi obobomao Yaubada 'ana esanega, ta 'imi lema toekalesiyao 'ediya, geya'abo 'inuwanuwa pupuledi.

1 Pita 5:4

Be 'enega tuta nina To'ita'i'ita sinabwana 'iapwesama, tauna 'enega 'ami pali bobo'ana ta miyamiya atayana waloba.

2 Yoni 1:8

'Enega tokabo nidi 'ediyega wada 'ita'i'isimi, be 'imi guinuwa 'ana pali geya'abo waloseloseye, ta esi maibo'ana wa'ewa.

E'ita'ita 2:23

Ta wate natunao yada loemwawasidi, be 'enega ekalesiyao maibo'adi sida mwalatonigu 'aene 'abo'agu tomota yauyaudi 'idi nuwanuwa 'atediya maibo'ana yamwalamwalatoni, ta wate maibo'ami 'emiya yada e'isa to'ase nadigega 'imi guinuwao, nai bobo'adi, nai to'umalina.

E'ita'ita 22:12

'Enega Yesu 'igwae, “'Iabe yawawa, be 'ami pali yame'edi be yada eguyai 'emiya, nadigega 'imi paisewa 'adi sinabwa,