1 Kolinita 16:15 - Loina Tabu Auwauna NT

¹⁵ Sitipana 'ina bodao wamwalatonidi 'aene taudi Keliso 'ana togimi emisao sena Akaya 'enaya, ta ni'atu sitagwaledi Yaubada 'ina tomotaiyao 'adi lema manuna,

1 Kolinita 16:15 Σταυροειδείς Αναφορές

Guinuwa 18:12

Tuta muliyega Galio 'ietoloina sinabwana sena nina Akaya 'enaya, 'enega me Yudia nidi siloina ga Paulo sitauyena sabi etala Galio nina matanaya,

Loma 12:13

Ta 'abo tasimiyao mwau 'ediya 'iapwesa, 'imi gwegweyega wada lemedi, be wada bwauyedi 'imi anuwaya.

Loma 15:25

Ta esi muliyega be yawawa 'emiya, nuwanuwagu be nugana yatatauya Yelusalema be toekalesiyao 'adi lema, nate me Esia 'idi 'ebwayadaita, yada 'ebwa'edi.

Loma 15:31

taudi Yesu 'ana toguitoyasao Yudia 'enaya manudi, be 'enega geya'abo sigiegie to'umaliyegu, be wate toekalesiyao nidi gomagomabesodi Yelusalema 'enaya manudi, be 'aene 'ebwayadaita getei yatautauye manuna sida gwausowala, ta geya'abo sida guiguitoyase,

Loma 16:2

ta tuta nina 'abo 'iwawai 'emiya, nuwanuwagu be 'imi anuwaya wada bwauye, 'Inapwana 'ana esanega, manuna 'eda'eda gete nadigega Yaubada 'ina tomotaiyao 'ilobwenedi, be Pibe nina wada leme 'abo 'aina yage 'ediyega 'ikukupa, manuna tauna wate nadigega toekalesiyao yaudi 'iobobomedi, ta wate 'abo'agu nadigega 'ilemegu.

Loma 16:5

Ta wate 'igu oboboma wada simane taudi toekalesiyao nidi sidelideli egogona Akuila nina 'ina anuwaya 'ediya. Ta 'igu oboboma wate wasimane gosiyagu Epinito 'enaya, tauna Yesu Keliso 'ana togimi emisa Esia 'ina 'ebe loinao 'enega.

1 Kolinita 1:16

Ona'ai'aila, taudi wate Sitipana 'ina susu yagiebapitaisoedi. Nai taudi namo.

1 Kolinita 16:1

Ta 'ebweu wate yage, 'ebwayadaita Yaubada 'ina tomotaiyao Yelusalema 'enaya 'adi lema manuna. Lowa me Galetia 'idi 'ebwayadaita manuna yaeonedi, 'enega 'omi wate nadigega wada guinuwa'esa,

1 Kolinita 16:17

Tuta gete yagwausowala sinabwana manuna Sitipana be Potuneto be Akeiko ni'atu simaiya, ga taudi 'atuwa 'omi 'ami lopa'eluyao ni'atu sigiegie gwausowaligu,

2 Kolinita 8:4

ta sisidasida waiwai 'emaya be 'abo kapekapeyana sida 'ebwayadaita Yelusalema 'ana toekalesiyao 'adi lema manuna.

2 Kolinita 9:1

Geya'abo leta 'enega yaemaemataluwemi 'imi 'ebwayadaita toekalesiyao manudi, manuna ni'atu wamwalamwalatoni,

1 Timoti 5:10

ta tomota matadiya 'idi bubuna palupaluna, manuna natudiyao 'adi 'iyabwebwe 'enaya siguinuwa 'ai'aila, be 'owagao ta wate toekalesiyao 'adi 'itanao 'enaya, be tomiyamwau wate 'adi lema 'enaya, be 'abo 'atenuwa'ole'ole 'aledi, 'ilobwenedi be toekalesiyao 'ediya silulugu, be toekalesiyao nidi 'ediyega 'adi lema, nai 'e'ai, nai 'oama, sida loba.

Pilimoni 1:7

Tasigu, 'imu obobomega toekalesiyao ni'atu 'ulemelemedi ga 'adi lotoona 'igiebobo'anena, ta teteliyo 'imu bubuna bobo'ana manuna 'abo'agu wate yanonona, ga 'enega yagwausowala sinabwana.

Ibeliu 6:10

Yaubada 'ina loina 'emiya palupaluna, 'enega 'imi guinuwao bobo'adi tuta yauyauna, be 'imi obobomao Yaubada 'ana esanega, ta 'imi lema toekalesiyao 'ediya, geya'abo 'inuwanuwa pupuledi.

1 Pita 4:10

Ta ni'atu 'ebweuna 'ebweuna Yaubada egueguyai dumadumadi be dumadumadi 'i'ebwa'emi, 'enega egueguyai nidi 'ediyega wada guinuwa be gosemiyao wada lemedi, be 'enega 'omi Yaubada 'ina toguinuwao bobo'ami.

E'ita'ita 14:4

Ta taudi tai nidi getedi nigeya siloeloegesi iine ma'ediyao, manuna taudi nuwenuwe boladi tuga, ta esi Lami simuliya 'ai'ailina, 'abo mwa'o nai 'itatauya. Taudi ni'atu Yaubada 'igimi sa'ugagidi tomota 'ediyega, nate Yaubada be Lami 'idi gimisesoi.