1 Kolinita 15:56 - Loina Tabu Auwauna NT

⁵⁶ Mwawasa 'ina waiwai 'iapwesama bubuna to'umalina 'enega, ta bubuna to'umalina Mosese 'ina loinao 'ediyega tamwalamwalatoni,

1 Kolinita 15:56 Σταυροειδείς Αναφορές

Yoni 8:21

'Enega Yesu wate 'ediya 'igwae, “Ma'etamo yapilisinemi be 'omi wada 'ebesa yogenegu, be tuwa tuga ma imi bubuna to'umalina wamwamwawasa. Manuna sena nina 'ena yatautauya 'omi nigeya sawesawemiya be 'ena wawawai.”

Yoni 8:24

'Enega yaeonami 'aene 'imi bubuna to'umalidi 'ediyega wada mwawasa, 'abo nigeya waemiemisegu. Nate 'alena 'enega yaeonami 'aene wamwamwawasa ma imi bubuna to'umalina.

Loma 4:15

Manuna loina 'enega Yaubada 'ina gamwasowala 'edaya 'iapwesa, manuna loina nina tale'oena. Ta esi 'eguma Mosese 'ina loinao geya'abo 'isa'usa'udi, geya'abo wate taetoto'umalina.

Loma 5:15

Manuna lowa Adama 'ina to'umalina 'enega mwawasa 'igieapwesena tomota yauyaudi 'ediya, ga muliyega Yaubada 'ina 'atenuwa'ole'ole 'enega 'ina oboboma 'igieapwesena tomota yauyaudi 'ediya, nate tai 'eluwena 'enega, tauna Yesu Keliso. Ta yage 'eluwa nidi nigeya sieleleleya, manuna to'umalina mwawasa 'igieapwesena tomota yauyaudi 'ediya, ta esi 'ebwayadaita 'iewaiwai sinena.

Loma 5:17

Ona'ai'aila, tai 'ebweuna namo 'ina to'umalina 'enega mwawasa 'iapwesa ga tomota maibo'adi 'igie to'umaliyedi. Ta esi tai 'eluwena 'ina guinuwa waiwai wawasae, tauna Yesu Keliso, Yaubada 'ina oboboma 'i'ebwaya daitena tomota yaudi manudi, be 'enega yaisigedi sitagwaledi 'enaya 'i'awa bobo'anedi, be yawasidi bobo'ana 'enega siloba.

Loma 5:20

Ona'ai'aila, tuta nina Mosese 'ina loina 'iapwesa, to'umalina sisinabwa, ta esi Yaubada 'ina 'ebwayadaita 'isinabwa wawasae.

Loma 6:23

Manuna to'umalina 'ana e'isa mwawasa, ta esi Yaubada 'ina oboboma 'ida 'Inapwana Yesu Keliso 'enega, nate yawasida ataya.

Ibeliu 9:27

Tomota 'abo'ada 'ada loina 'imiyami 'aene ma'ebweuna tamwamwawasa be muliyega bwa'omatana.