1 Kolinita 15:52 - Loina Tabu Auwauna NT

⁵² Manuna tuta 'ana 'ebe losalowa 'enaya yoguli 'ida mu'e sinabwana be Yaubada bwalada 'ida sa'ugelasa maniniyedi, be wate tokwaiyao mabwala auwaudi sida toolo limana, ta 'abo'ada mayawasida bwalada wate 'isa'u gelasedi.

1 Kolinita 15:52 Σταυροειδείς Αναφορές

Madiu 24:31

Ta wate yoguli sida mu'e be 'igu aniloseyao yaetunedi be 'igu boda esiesinuwadi siegogonedima bale'u maibo'ana ta yagila maibo'adi 'idi sena 'ediyega.

Yoni 5:25

Ta wate yada eona 'ai'ailimi 'aene tuta 'iapweapwesama, nai tagwae ni'atu tuta gete 'imai, be tomwawasa Yaubada Natuna 'enana sida nono, nate 'abo'agu 'enagu, be taudi 'enagu sinonona yawasidi auwauna sida loba.

Yoni 5:28

'Enega geya'abo wanuwanuwa owana yage gete manudi. Ta tuta 'imeemai 'ena tomwawasa maibo'adi 'enagu sida nono,

1 Kolinita 15:23

Ta yawasi ataya 'ina tauya gete nadigega, nugana Keliso 'itoolo limana be ma'etamo tuta nina 'iila limanama 'abo'ada yaisigedi 'ina bodao, wate tatoolo limana,

1 Kolinita 15:42

'Ida toolo limana wate nadigega, bwalada daudaulidi sisa'usa'u 'ali'aliyedi, be ma'etamo 'eguma tatoolo limana bwalada geya'abo sidaudaula.

1 Kolinita 15:50

Gosegwao wada nuwa'i'isi 'aene bwala bale'u nigeya sawesawenaya be galewaya silulugu, manuna bwala bale'u daudaulina ta bwala galewa geya'abo 'idaudaula.

1 Tesalonaika 4:15

Gete 'ida 'Inapwana 'ina ona 'asimasimane 'emiya, 'aene tuta nina 'iila limanama, taudi kwaikwaiyidi Keliso sida gimi lobai, ta 'abo'ada mayawasida muliyega.

2 Pita 3:10

Ta 'Inapwana 'ina bwa'omatana 'ana 'asiyata ma'etamo 'ina mai 'atuwa to'ipwala be 'iloesalutunidamo, be galewa 'isasawala ma 'ina 'alapwasi sinabwana, ta yage maibo'adi galewaya 'awe 'ala'alasina 'enega 'i'ala esawalidi, ta wate bale'u be yage maibo'adi 'enaya simiyami 'i'ala esawalidi.

E'ita'ita 8:13

Ta yadunedune ga magisubu sinabwana 'itaetaeya galewaya ya'itena, ga 'enana sinabwana yanonona, 'igwae, “Oiyoi nuwa'ole'olemi, 'omi bale'u 'ana tomiyanao, manuna 'abo aniloseyao yoguli 'etoi simu'edi, mwau sinabwana 'iapwesama.”

E'ita'ita 8:2

Ta muliyega anilose nidi sebeni Yaubada matanaya sitootoolo ya'itedi, ga Yaubada 'idi yoguli 'ebweuna 'ebweuna 'i'ebwa'edi.