1 Kolinita 15:50 - Loina Tabu Auwauna NT

⁵⁰ Gosegwao wada nuwa'i'isi 'aene bwala bale'u nigeya sawesawenaya be galewaya silulugu, manuna bwala bale'u daudaulina ta bwala galewa geya'abo 'idaudaula.

1 Kolinita 15:50 Σταυροειδείς Αναφορές

Madiu 16:17

Ta Yesu Pita 'ieonena, 'igwae, “Saimoni, Yona natuna, 'oyo ona'ai'aila togwausowala 'ebweu, manuna 'imu mwalatoi gete nigeya tomota 'ediyega, ta esi Tamagu galewaya 'ina mwalatoiyega 'i'ebwa'emu.

Madiu 25:34

be 'enega toloina 'abo'agu taudi 'ataiguya yada eonadi be yada gwae, ‘'Omi Tamagu 'ina obobomega wada gwausowala, wamai be 'imi 'ebeloina nina bale'u 'ana mweluluwa'unu 'enega 'igibubunaya manumi wada 'ewa.

Loma 2:7

Ta 'eguma 'aida guinuwa bobo'ana 'ena tuta yauna tae'alama'i'itana, be nadigega tuga taguiguinuwa be 'aene 'awabobo'ana be yawasi ataya tada loba Yaubada 'enega, ona'ai'aila ma'etamo yawasida miyamiya atayana 'ida 'ebwa'eda.

1 Kolinita 1:12

Manuna 'aimi wagwae, “'Abo'ama Paulo 'ina boda,” ta 'aimi wagwae, “'Abo'ama Apolosa 'ina boda,” ta 'aimi wagwae, “'Abo'ama Pita 'ina boda,” ta 'aimi wagwae, “'Abo'ama Keliso 'ina boda.”

1 Kolinita 15:42

'Ida toolo limana wate nadigega, bwalada daudaulidi sisa'usa'u 'ali'aliyedi, be ma'etamo 'eguma tatoolo limana bwalada geya'abo sidaudaula.

1 Kolinita 15:44

manuna bwala bale'u sisa'usa'u 'ali'aliyedi ta bwala galewa sitootoolo limana, manuna bwala bale'u dumadumana ta bwala galewa dumadumana.

1 Kolinita 6:10

be to'ipwalao be tolomatagwegweyao be tonuma bwasi waiwai be tolo'aegilao be tokaboyao.

1 Kolinita 6:13

Wada nuwa'i'isi masula manuna. Ona'ai'aila, masula gamwada manuna, ta wate gamwada masula manuna, ta esi ma'etamo masula be gamwada Yaubada 'ida loesawalidi. Ta bwalada Yaubada 'i'ebwa'eda nigeya loelata manuna, ta tauna esiya manuna, be tauna 'abo'ada manuda,

1 Kolinita 6:9

'Enega 'imi bubuna nadigega manuna geya'abo Yaubada 'ina 'ebeloina 'ena walugulugu, manuna toto'umalidi maibo'adi Yaubada 'i'etobodedi, nadigega tolonabwasuwao be toloyaweyao be loelata nina waine dimo ma'ediyao siguiguinuwe be tai dimo ma'ediyao siguiguinuwe,

1 Kolinita 7:29

Manuna tuta mwauna bale'uya ni'atu 'iloselabena, 'enega 'omi aiai nimi 'ilobwenemi be wabubuna nadigega taudi nigeya siaiai.

2 Kolinita 5:1

Bwalada 'atuwa 'ida anuwa bale'uya, ta tamwalatonina 'abo 'ieligei, 'ida anuwa auwauna galewaya tada loba, nigeya tomota nimadiyega siguinuwena, ta esi miyamiya atayana tauna Yaubada 'enega.

2 Kolinita 9:6

'Ebwayadaita 'ana nuwanuwa nadigega bagula. Tauna 'idauna gidalina 'isesoi gidalina, ta tauna 'idauna sinabwana 'isesoi sinabwana.

Galetia 3:17

'Ana mwalatoi gete Yaubada 'ina onaupaupa 'igimi sa'una Ebelaamo 'enaya, 'enega yakwala powa analedi be teti muliyega Mosese 'ina loina 'iapwesa. Ta nigeya sawesawenaya onaupaupa 'ikweu, nai 'isa'ugelase loina nina 'enega, ta esi ma ina waiwai 'etamo 'imiyami.

Galetia 5:16

'Enega 'ilobwenemi be Yaluyaluwa Tabuna 'ianuganemi ta 'enega geya'abo yalakwaiyao siloiloinemi.

Epeso 4:17

Gete wate 'Inapwana 'ana esanega yaloguguya 'emiya 'aene bubuna tomiya apwesa nadigega walosa'u, manuna 'idi nuwanuwa besobeso 'ediyega

Kolose 2:4

Gete yaonaona be 'enega geya'abo mali tomota 'idi ona dibidibiyega sikabokaboemi.

2 Timoti 4:18

Be mwau maibo'adi 'ediyega 'Inapwana nina 'ida 'etoseyegu be 'ina 'ebeloina galewaya 'ena yalulugu. 'Enega tada tupu atae. Eimeni.