1 Kolinita 15:47 - Loina Tabu Auwauna NT

⁴⁷ Manuna gimitai Yaubada 'imweluluina bale'u 'enega, ta tai 'eluwena galewega 'imwa'utama.

1 Kolinita 15:47 Σταυροειδείς Αναφορές

Madiu 1:23

“Gomagweine nuwenuwebolana 'ida 'euwana be natuna me'olotona 'ienatune, ta 'ana esana sida eese Imanueli.” (Ta esana nina 'ana gibui “Yaubada ma'edai.”)

Luke 2:11

Ta ale nina gete, batuwa boboi nina Debida 'ina 'asaya 'ami To'etoseyana ni'atu 'itubuwa, tauna 'ida 'Inapwana Keliso.

Yoni 3:31

“Tai nina galewega 'imai tomota maibo'adi 'isinabwa sinedi, ta esi yaita tauna bale'uyega 'imai tauna bale'u tomotenina, 'enega bale'u gwegwenao manudi 'ionaona. Ta tai nina galewega 'imwa'utama tomota maibo'adi 'iloetana sinedi.

Yoni 6:33

Ta masula nina, nate Yaubada 'enega, tauna ni'atu 'imai bale'uya be tomota yawasidi 'ida 'ebwa'edi.”

Guinuwa 10:36

Ta To'etoseyana Yesu, tauna maibo'ada 'ida 'Inapwana, ga Yaubada 'ina tetela bobo'ana Yesu 'i'ebwa'ena, 'abo'ama me Isileli 'ima 'ebe gwausowala manuna. Ta 'omi tetela nina wamwalamwalatoni,

1 Kolinita 15:45

Buki Tabu 'ina simana wate nadigega 'igwae, “Tai nuganuganina, Adama, bwalana mayawasina,” ta tai 'eluwena yaluyaluwana 'enega tomota yawasida 'i'ebwa'eda.

1 Kolinita 15:46

Tai yaluyaluwana nigeya 'iapwesa nugana, ta esi bwalana 'iapwesa nugana be yaluyaluwana muliyega.

2 Kolinita 5:1

Bwalada 'atuwa 'ida anuwa bale'uya, ta tamwalatonina 'abo 'ieligei, 'ida anuwa auwauna galewaya tada loba, nigeya tomota nimadiyega siguinuwena, ta esi miyamiya atayana tauna Yaubada 'enega.

1 Timoti 3:16

Ona'ai'aila, 'ida tapwalolo 'ana mwalatoi kwaikwaiyina, ta yage sinabwana Keliso manuna gete: Ni'atu 'ietomotai, ta yaluyaluwana 'enega 'iewaiwai, ga aniloseyao si'itena, ta tetelina sena yauyaudi sinonona, ga me bale'u 'aidi siemisena, ta muliyega 'itu'e sena esaesa 'ena.