1 Kolinita 14:39 - Loina Tabu Auwauna NT

³⁹ 'Enega gosegwao, 'ilobwenemi be watoo waiwai be Yaubada 'ina ona wada simana apwese, ta mali 'enana 'adi onao manudi geya'abo wa'eto'etobode tapwalolo 'enaya.

1 Kolinita 14:39 Σταυροειδείς Αναφορές

1 Kolinita 12:31

Guinuwa getedi maibo'adi Yaubada 'ieguyaiyena 'edaya, 'enega 'ilobwenemi be wada nuwanuwa egueguyai bobo'adi manudi, be wate 'eda bobo'ai'ailina yada e'itami, nate oboboma.

1 Kolinita 13:2

Ta wate 'eguma 'abo'agu Yaubada 'ina tosimana, be ma igu sinasinapu sinabwana bale'u be galewa manudi, nai 'eguma yaemisa 'ai'aila Yaubada 'enaya be 'enega yaona 'oya 'ediya, kapekapeyana sitatauya mali senaya, ta 'abo nigeya oboboma 'ateguya, 'abo'agu tuga tai besobeso.

1 Kolinita 14:1

'Enega 'ilobweneda be tatoo waiwai be tada eobooboboma 'ai'aila, ta wate tada toowaiwai be Yaubada Yaluyaluwana 'ina egueguyai 'edaya tada lobadi, ta esi egueguyai 'ebweuna bobo'ana wawasae, nate loguguya Yaubada 'ina ona manuna.

1 Kolinita 14:3

Ta 'eguma taloguguya tomota 'ediya, be 'ida ona 'enega sinuwa sabwalena, nate 'adi lema, 'atepatu be gwausowala manudi.

1 Kolinita 14:38

Ta 'abo yaita ona nidi geya nuwana, tuwa tuga 'ina emwagemwage nina 'enaya 'ida miyami.

1 Kolinita 14:5

'Abo'agu nuwanuwagu be maibo'ami mali 'enana 'ediyega wada onaona. Ta wate nuwanuwagu sinabwana be wada loguguya, manuna tologuguyao 'idi guinuwa yage sinabwana, ta ona mali 'enanao 'ediyega nigeya yage sinabwana, ta esi 'abo 'ebweu togibui 'imiyami be ona nidi tauna 'igibunidi, nate yage bobo'ana toekalesiyao 'adi lema manuna.

1 Tesalonaika 5:20

'enega 'eguma 'ebweu tologuguya e'ita auwauna 'iona apwesei, geya'abo waguiguitoyase,