1 Kolinita 14:27 - Loina Tabu Auwauna NT

²⁷ Ta 'abo mali 'enanao 'adi toonao simiyami, bobo'ana 'abo site luwa nai site toi, 'ebweuna 'ebweuna 'ediyega sioona. Ta wate togibuiyao sida miyami be ona nidi sida gibunidi.

1 Kolinita 14:27 Σταυροειδείς Αναφορές

1 Kolinita 12:10

be 'ebweuna yage 'ebe nuwaowana 'ana guinuwa, be 'ebweuna loguguya, be 'ebweuna mali yaluyaluwao 'adi 'inana 'aene bobo'ana nai to'umalina, be 'ebweuna wate mali 'enana sawesawenaya be 'ediyega 'ioona, be 'ebweuna wate 'enana nidi 'ana gibui.

1 Kolinita 14:13

'Enega 'abo yaita 'emiyega mali 'enana 'ediyega 'ionaona, 'ilobwenena be 'ida sidasida Yaubada 'enaya be mwalatoi 'ida loba, be 'enega 'ina ona 'ida gibui.

1 Kolinita 14:2

Ta 'ebweu wate egueguyai nina tomota 'ediya, nate mali 'enanao 'adi tala manudi. 'Abo mali 'enana 'ediyega taonaona, nate sa'i Yaubada namo 'enaya taonaona, ta nigeya tomota 'ediya, 'enega ona nidi 'adi mwalatoi tomota 'ediya kwanikwanina, be gete Yaluyaluwa Tabuna 'ina waiwaiyega mwalatoi kwaikwaiyina taonaonaedi, 'enega tomota nigeya sida nuwasabwalena.

1 Kolinita 14:26

Gosegwao, 'abo tapwalolo manuna walulugu, 'ebweu tai wali 'ida alalagasi, 'ebweuna 'ida e'ita, 'ebweuna lotoona auwauna 'ida simana apwese, be 'ebweuna mali 'enana 'enega 'ida ona, be 'ebweuna ona nina 'ida gibuni, be 'enega guinuwa nidi 'ediyega boda sida lemedi.

1 Kolinita 14:28

Ta 'abo 'enana nidi nigeya 'adi togibunimo, geya'abo 'ebweu yaita mali 'enana 'enega 'ionaona apwesa lotapwalolo 'ana tutaya, ta esi taunamo 'enaya ta wate Yaubada 'enaya 'ida ona.

1 Kolinita 14:5

'Abo'agu nuwanuwagu be maibo'ami mali 'enana 'ediyega wada onaona. Ta wate nuwanuwagu sinabwana be wada loguguya, manuna tologuguyao 'idi guinuwa yage sinabwana, ta ona mali 'enanao 'ediyega nigeya yage sinabwana, ta esi 'abo 'ebweu togibui 'imiyami be ona nidi tauna 'igibunidi, nate yage bobo'ana toekalesiyao 'adi lema manuna.