1 Kolinita 13:2 - Loina Tabu Auwauna NT

² Ta wate 'eguma 'abo'agu Yaubada 'ina tosimana, be ma igu sinasinapu sinabwana bale'u be galewa manudi, nai 'eguma yaemisa 'ai'aila Yaubada 'enaya be 'enega yaona 'oya 'ediya, kapekapeyana sitatauya mali senaya, ta 'abo nigeya oboboma 'ateguya, 'abo'agu tuga tai besobeso.

1 Kolinita 13:2 Σταυροειδείς Αναφορές

Madiu 13:11

'Enega Yesu 'igwae, “'Omi ni'atu Yaubada 'emiya 'itagwala be 'ina loina sola'ai'ailidi 'ana tomwalatoiyao, ta boda getedi nigeya.

Madiu 17:20

Ga Yesu 'igwae, “Manuna 'imi emisa nenetana. Yaona'ai'aila 'eguma 'imi emisa 'ana waiwai beno atuna nadigega, ma'etamo 'oya gote 'ena wagwae, ‘Gete 'enega 'umiya dolo’, 'iabe 'ida ematamatana tuga. Nadigega wate yage maibo'ana sawesawemiya be waguinuwedi.”

Madiu 21:19

ta 'edaya kaiwe 'ana 'ita 'atuwa damaya 'i'ita lobena, 'enega 'inao selabenaya ta nigeya 'ebweu uwana 'i'ita'ita loba, manuna yawa daisinamo. 'Enega Yesu kaiwe nina 'iba'ena, 'igwae, “Ma'etamo geya'abo wate 'uuwauwa limana.” Ta 'enega kaiwe nina 'i'oapelu manini.

Madiu 21:21

Ta Yesu 'ieonedi, “Yaona 'ai'aila 'emiya, 'eguma ma imi emisa ta nigeya ma imi enuwanaluwa, yage gete kaiwe 'ena yaguinuwenaya 'omi wate nadigega wada guinuwa'esa, be 'abo 'oya gote waloine be wagwae, ‘'Umiya dolo olaya’, 'ida guinuwa nadigega.

Guinuwa 13:1

'Asa Anitioki 'enaya, ekalesiya 'idi palopitao be toe'itao getedi: Banaba be Simioni (tauna sibwauyena Bwalagai) be Lusiasi (tauna goma Sailini) be Maneeni (tauna kini Elodi 'ana 'epata 'ebweu) ta Saulo.

Loma 11:25

Gosegwao, nuwanuwagu be 'ebweu yage kwaikwaiyina me Isileli manudi yada simana apwese 'emiya be 'aene geya'abo wanuwanuwatu'e, ta esi yage gete wada mwalamwalatoni 'aene ma'etamo me Isileli ma idi debapa'ala sida miyami 'ana laba 'omi nigeya me Yudia esiesinuwami maibo'ami 'etoseyana wa'ewa,

Loma 15:14

Gosegwao, ni'atu yamwalatoi 'ai'ailimi 'aene 'omi tomota bobo'ami ta sinasinapumi, 'enega sawesawemiya be 'ebweuna 'ebweuna 'enaya wada e'ita.

Loma 16:25

'Enega gete tuga Yaubada tada tupuna, manuna tauna sawesawenaya be 'igiepa'alimi, 'abo'agu 'igu loguguya 'enega, nate Yesu Keliso tetelina 'enega. Tetela gete gimi tutaya kwaikwaiyina,

1 Kolinita 11:4

'Abo tai ma 'ana peyaula 'isidasida nai 'iloguloguguya nate 'ebe omayamaya 'ina 'Inapwana Keliso 'enaya.

1 Kolinita 12:28

manuna 'ida guinuwao ekalesiya solanaya dumadumadi be dumadumadi, Yaubada 'ieguyaiyedi 'edaya, nugana taudi Keliso 'ana tosimanao, be muliyega Yaubada 'ina ona 'ana tologuguyao, muliyega toe'itao, be yage 'ebe nuwaowana 'adi toguinuwao, be togile'oasao, be tolemao, be toanuganao, be taudi mali 'enanao 'adi toonao.

1 Kolinita 13:1

'Eguma 'igu onao bobo'adi, 'atuwa tologuguyao be aniloseyao 'idi ona, ta 'abo oboboma nigeya 'ateguya 'imiyami, 'igu loguguya nidi yage besobeso, 'atuwa sinaa siunuunu besobeso, nai yoguli simu'emu'e besobeso.

1 Kolinita 13:3

Ta 'eguma 'igu gwegwe maibo'ana yaeguyaiye tomota 'ediya, be bwalagu wate yatagwale be sigabu 'idi taliya manuna, ta 'eguma nigeya oboboma 'ateguya 'imiyami, 'igu paisewa nidi uwadi geya'abo yalobaloba.

1 Kolinita 13:8

'Enega oboboma geya'abo 'igumwagumwala, ta esi taudi Yaubada 'ana tosimanao ma'etamo 'idi onao sigugumwala. Nadigega taudi mali 'enana be mali 'enana 'ediyega sionaona, ma'etamo 'enadina 'igugumwala.

1 Kolinita 14:29

Ta wate tologuguyao 'eluwa nai 'etoi sida ona, be 'enega maibo'ami 'idi ona nidi wada nonodi, be manudi wada nuwanuwa.

1 Kolinita 14:39

'Enega gosegwao, 'ilobwenemi be watoo waiwai be Yaubada 'ina ona wada simana apwese, ta mali 'enana 'adi onao manudi geya'abo wa'eto'etobode tapwalolo 'enaya.

1 Kolinita 14:4

Ta 'abo yaita mali 'enana 'enega 'ionaona, nate taunamo tuga 'ilemelemei, ta esiya 'abo tologuguyao sioona toekalesiyao 'enadiyega nate maibo'adi 'adi lema.

1 Kolinita 15:51

Ta wate mwalatoi auwauna yae'itami 'aene geya'abo toekalesiyao maibo'ada tamwawamwawasa, ta esi 'aida ma'etamo mayawasida tamiyami be Yaubada bwalada 'ida sa'ugelasedi.

1 Kolinita 16:22

'Abo yaita nigeya 'Inapwana 'ioboobobomei 'ida miya mwau. 'Inapwana ye, nuwanuwagu be 'uda mai.

1 Kolinita 4:1

Ta esi 'abo'ama Keliso 'ina toguinuwao, manuna tetela nina Yaubada 'enega lowa kwaikwaiyina ta gete tuga ni'atu 'asimasimane 'emiya.

1 Kolinita 7:19

manuna lodaba nigeya yage sinabwana, ta yage sinabwana esiya Yaubada 'ina loinao 'adi ematamatana.

1 Kolinita 8:4

'Enega mwa'adega masula nina tomota si'ebwa'ebwaya 'idi 'ebe emisa kabokaboyao 'ediya? 'Ebe bwagobwago kabokaboyao getedi nigeya 'ebe emisa 'ai'aila, manuna Yaubada namo tebweuna 'imiyami, ta mali 'ebe emisao yage besobeso tuga.

2 Kolinita 12:11

Ona'ai'aila, 'omi 'imi bubuna manuna ni'atu yaonaona 'atuwa uwauwagu, ta esi 'ilobwenemi be wa'awa bobo'anegu, manuna 'imi tologuguya auwaudi wa'awa bobo'anedi, ta 'abo'agu wa'awa yage besobesoegu, ta taudi nigeya sida bobo'ana sinegu.

Galetia 5:16

'Enega 'ilobwenemi be Yaluyaluwa Tabuna 'ianuganemi ta 'enega geya'abo yalakwaiyao siloiloinemi.

Galetia 5:22

Ta sa'i Yaluyaluwa Tabuna uwana bobo'adi 'atedaya getedi, oboboma, gwausowala, miyasiwalowa, toolopa'ala, lema, bubuna palupaluna, emisa,

Galetia 6:3

'Eguma yaita gomabeso, ta 'inuwena 'aene toesaesa, taunamo sa'i 'ikaboena.

Epeso 3:4

be 'eguma wasawai wada mwalamwalatoni 'aene sinasinapu kwaikwaiyina nina Keliso manuna ni'atu yamwalatonina.

Epeso 6:19

be 'abo'agu wate manugu, be 'enega ma igu 'atepatu tetela bobo'ana 'ana mwalatoi kwaikwaiyina yaonaona apwese.

Kolose 1:26

ona nina lowa gimi tomota ta tubudao 'ediyega 'ikwaiyena, ga gete tuga 'iloapwesena 'ina tomotaiyao 'abo'ada 'edaya.

1 Timoti 3:16

Ona'ai'aila, 'ida tapwalolo 'ana mwalatoi kwaikwaiyina, ta yage sinabwana Keliso manuna gete: Ni'atu 'ietomotai, ta yaluyaluwana 'enega 'iewaiwai, ga aniloseyao si'itena, ta tetelina sena yauyaudi sinonona, ga me bale'u 'aidi siemisena, ta muliyega 'itu'e sena esaesa 'ena.

1 Yoni 4:8

Ta esi taudi nigeya tooboboma, taudi nigeya Yaubada 'ana tomwalatoiyao, manuna Yaubada oboboma 'alena,