1 Kolinita 12:28 - Loina Tabu Auwauna NT

²⁸ manuna 'ida guinuwao ekalesiya solanaya dumadumadi be dumadumadi, Yaubada 'ieguyaiyedi 'edaya, nugana taudi Keliso 'ana tosimanao, be muliyega Yaubada 'ina ona 'ana tologuguyao, muliyega toe'itao, be yage 'ebe nuwaowana 'adi toguinuwao, be togile'oasao, be tolemao, be toanuganao, be taudi mali 'enanao 'adi toonao.

1 Kolinita 12:28 Σταυροειδείς Αναφορές

Maki 16:17

“Ta 'agu toemisao nidi we'iwe'iyaya waiwaidi sida guinuwedi, nate 'agu esanega yaluyaluwa bi'i tomota 'ediyega sida ula apwesedi, be 'enana dumadumadi be dumadumadi 'ediyega sida onaona,

Luke 6:14

Tosimanao nidi 'adi esanao getedi: Saimoni, tauna wate 'ieesena Pita, ta tasina Anidulu, ta wate Yemesa be, Yoni be, Pilipi be, Batolomiu be,

Guinuwa 11:27

Tuta gote 'enaya 'aina palopitao Yelusalemega simwa'uta Anitioki 'enaya,

Guinuwa 20:28

“'Enega toanuganao 'omi, taumimo wa'ita'i'isimi be 'imi sipiyao wate wa'ita'i'isidi, manuna Yaluyaluwa Tabuna 'imi paisewa nina 'i'ebwa'emi be toekalesiyao nidi walomata'i'isidi, manuna 'ida 'Inapwana Yesu tomotai nidi tauna lalanega 'igimwanedi.

1 Kolinita 10:32

'Enega geya'abo mali tomota wagiegie nuwamwauyedi, nai me Yudia, nai taudi nigeya me Yudia, nai Yaubada 'ina toekalesiyao,

1 Kolinita 12:18

ta Yaubada gete nadigega 'inuwena ga welawela'ao maibo'adi 'idi guinuwa 'i'ebwa'edi.

1 Kolinita 12:29

Manuna nigeya sawesawenaya be maibo'ada paisewa 'ebweuna tuga 'ena taetoguinuwa Keliso manuna, nai taetosimana, nai taloguguya, nai tae'ita, nai yage 'ebe nuwaowana tagieapwesedi,

1 Kolinita 12:30

nai togile'oasa, nai mali 'enana 'enega taona, nai mali 'enana be mali 'enana tagibui.

1 Kolinita 14:2

Ta 'ebweu wate egueguyai nina tomota 'ediya, nate mali 'enanao 'adi tala manudi. 'Abo mali 'enana 'ediyega taonaona, nate sa'i Yaubada namo 'enaya taonaona, ta nigeya tomota 'ediya, 'enega ona nidi 'adi mwalatoi tomota 'ediya kwanikwanina, be gete Yaluyaluwa Tabuna 'ina waiwaiyega mwalatoi kwaikwaiyina taonaonaedi, 'enega tomota nigeya sida nuwasabwalena.

1 Kolinita 14:4

Ta 'abo yaita mali 'enana 'enega 'ionaona, nate taunamo tuga 'ilemelemei, ta esiya 'abo tologuguyao sioona toekalesiyao 'enadiyega nate maibo'adi 'adi lema.

1 Kolinita 14:5

'Abo'agu nuwanuwagu be maibo'ami mali 'enana 'ediyega wada onaona. Ta wate nuwanuwagu sinabwana be wada loguguya, manuna tologuguyao 'idi guinuwa yage sinabwana, ta ona mali 'enanao 'ediyega nigeya yage sinabwana, ta esi 'abo 'ebweu togibui 'imiyami be ona nidi tauna 'igibunidi, nate yage bobo'ana toekalesiyao 'adi lema manuna.

Epeso 2:20

'Omi wate si'abimi, 'enega 'abo'ada 'atuwa anuwa, ta Yesu Keliso tauna 'ida 'autui, be tauna 'ena 'ola sinabwadi nate Yesu 'ana tosimanao be palopitao,

Epeso 3:5

Ta sinasinapu nina 'epatao taudi sigumwalaya nigeya simwalamwalatoni, ga gete tuga Yaluyaluwa Tabuna 'igieapwesena 'ina tosimanao esiesinuwadi be palopitao 'ediya,

1 Timoti 5:17

Ta 'ami toanuganao 'eguma silema 'ai'ailimi, 'omi wate wada 'amayaba 'ai'ailidi be wada 'ita'i'isidi, nate 'idi loguguya ta 'idi e'ita 'ana e'isa.

Ibeliu 13:17

'Imi toanuganao 'ediya wada ematamatana be watagwalemi 'idi loinao 'ediya, manuna yaluyaluwami si'ita'i'isidi, be 'enega tuta 'imeema 'enaya 'imi bubuna manuna sida emwasala Yaubada 'enaya. 'Enega 'ilobwenemi be wada too be tetelimi manuna ma idi gwausowala Yaubada 'enaya sida simanemi, ta esi geya'abo ma idi omayamaya, 'abona nai loina mwauna waloba.

Ibeliu 13:24

'Ima oboboma yaetuetunenawa 'ami toanugano be toekalesiyao be maibo'ami 'emiya. Ta me Itali wate 'idi oboboma sietuetunenawa yauyaumi 'emiya.