1 Kolinita 12:10 - Loina Tabu Auwauna NT

¹⁰ be 'ebweuna yage 'ebe nuwaowana 'ana guinuwa, be 'ebweuna loguguya, be 'ebweuna mali yaluyaluwao 'adi 'inana 'aene bobo'ana nai to'umalina, be 'ebweuna wate mali 'enana sawesawenaya be 'ediyega 'ioona, be 'ebweuna wate 'enana nidi 'ana gibui.

1 Kolinita 12:10 Σταυροειδείς Αναφορές

Maki 16:17

“Ta 'agu toemisao nidi we'iwe'iyaya waiwaidi sida guinuwedi, nate 'agu esanega yaluyaluwa bi'i tomota 'ediyega sida ula apwesedi, be 'enana dumadumadi be dumadumadi 'ediyega sida onaona,

Maki 16:20

Ta 'enega sitauya sena yauyaudi 'ediya ga Yesu tetelina siloguguyaena, ta sa'i 'Inapwana ma'edi siguiguinuwa ga 'ina waiwaiyega guinuwa 'ebe nuwaowanao siguinuwedi, ga 'enega tomota tetela nina siemisena.

Luke 24:49

Ta esi 'abo'agu 'iabe Tamagu 'ina onaupaupa nina nate yaluyaluwana yada etunenama 'emiya be 'ida giewaiwaiyemi, 'enega Yelusalema 'ena wada yamwayamwa manuna.”

Yoni 14:12

Ta yaona 'ai'aila 'emiya, 'abo yaisigedi 'omi waemisegu, guinuwa nidi waiwaidi yaguiguinuwedi 'omi wate nadigega wada guinuwedi, ta wate ma'etamo 'imi guinuwa waiwai wawasaedi wada gieapwesedi, manuna 'abo'agu yatatauya Tamagu 'ena.

Yoni 16:13

Ta ma'etamo Yaluyaluwa 'esa'esasena 'imamai, tauna 'ida anuganemi yage palupaludi maibo'adi 'ediya. Ta tauna geya'abo 'ina nuwenuwega 'ionaona, ta esi to'ase nadigega 'inonodi 'ida onaedi, ta wate 'ida eonami yage matamiya manudi.

Guinuwa 1:8

Ta 'omi esi ma'etamo Yaluyaluwa Tabuna 'imamai be 'igiewaiwaiyemi, be manugu wada etosimana Yelusalema 'enaya, be Yudia ta Samelia 'asanao maibo'adi 'ediya, be wate bale'u maibo'ana 'ediya.”

Guinuwa 11:27

Tuta gote 'enaya 'aina palopitao Yelusalemega simwa'uta Anitioki 'enaya,

Guinuwa 11:28

ta 'ebweuna 'ediyega, 'ana esana Agabu, 'idi deliegogona 'ena 'itoolo, ga Yaluyaluwa Tabuna 'ina waiwaiyega 'igimi simanena 'aene ma'etamo botana sinabwana 'ida apwesa sena yauyaudi 'ediya, ga muliyega Sisa Kalodiu 'ina tuta etoloina 'enaya botana sinabwana 'iapwesa.

Guinuwa 19:6

ga Paulo 'igidebedi ga Yaluyaluwa Tabuna 'ilugu 'ediya, ta 'ina waiwaiyega mali 'enana be mali 'enana 'ediyega siona apwesa, ta Yaubada manuna siloguguya.

Guinuwa 5:3

'Enega Pita 'ieonena, 'igwae, “Ananayasi, to'ase manuna Seitani nuwayo 'i'ewena ga tanowa 'ana maisa tupwana 'ukwaiyena? Nate 'imu kabo Yaluyaluwa Tabuna 'enaya.

Loma 12:6

'Ebweuna 'ebweuna 'abo'ada 'ida mwalatoi be 'ida waiwai Yaubada 'i'ebwa'eda, ta wate 'aidi 'adi egueguyai dumadumana 'i'ebwa'edi. Manuna 'abo yaita 'emiyega ma ina emisa be wate ma ina mwalatoi guguya manuna, ni'atu 'ana lobwene 'ai'aila be nadigega 'ida guinuwa.

Loma 15:19

ta wate 'igu guinuwao waiwaidi ta 'ebe nuwaowana si'itedi, manuna Yaluyaluwa Tabuna 'ina waiwaiyega Keliso tetelina yaguguya sakowasiyena Yelusalemega ga 'ana laba yamai Ililikami 'enaya.

1 Kolinita 11:4

'Abo tai ma 'ana peyaula 'isidasida nai 'iloguloguguya nate 'ebe omayamaya 'ina 'Inapwana Keliso 'enaya.

1 Kolinita 13:8

'Enega oboboma geya'abo 'igumwagumwala, ta esi taudi Yaubada 'ana tosimanao ma'etamo 'idi onao sigugumwala. Nadigega taudi mali 'enana be mali 'enana 'ediyega sionaona, ma'etamo 'enadina 'igugumwala.

1 Kolinita 14:13

'Enega 'abo yaita 'emiyega mali 'enana 'ediyega 'ionaona, 'ilobwenena be 'ida sidasida Yaubada 'enaya be mwalatoi 'ida loba, be 'enega 'ina ona 'ida gibui.

1 Kolinita 14:39

'Enega gosegwao, 'ilobwenemi be watoo waiwai be Yaubada 'ina ona wada simana apwese, ta mali 'enana 'adi onao manudi geya'abo wa'eto'etobode tapwalolo 'enaya.

Galetia 3:5

'Ebweu wate enaida: Yaubada tauna Yaluyaluwa Tabuna 'i'ebwa'ebwaya 'emiya, ta 'ina waiwaiyega 'imi guinuwa waiwaidi waguiguinuwedi. Mwa'adega 'ina 'ebwaya nidi 'emiya Mosese 'ina loinao 'adi guinuwa 'enega, nai Keliso tetelina 'ana emisa 'enega?

1 Tesalonaika 5:20

'enega 'eguma 'ebweu tologuguya e'ita auwauna 'iona apwesei, geya'abo waguiguitoyase,

Ibeliu 2:4

Ta Yaubada wate 'ie'ita 'aene ona nina ona 'ai'aila, nate we'iwe'iyaya be edeedede be guinuwa waiwaidi 'ediyega, ta wate Yaluyaluwa Tabuna 'ina eguyai 'edaya 'enega. Ta 'ina 'ebwaya nidi Yaubada 'ina nuwanuwa nadigega, ga Yaluyaluwa Tabuna yage nidi 'edaya 'ieguyaiyedi.

1 Yoni 4:1

Gosegwao, geya'abo yaluyaluwa maibo'adi waemiemisedi, ta esi watoodi, bobo'adi nai to'umalidi. 'Eguma taudi bobo'adi, tamwalatonidi 'aene Yaubada 'enega simai, ta taudi to'umalidi mali senega simai, manuna gete tuga palopita kabokaboyao siapweapwesama mayaluyaluwadi nigeya Yaubada 'enega.

E'ita'ita 2:2

“Ni'atu yamwalatonimi, 'aene 'imi paisewa sinabwana 'enega, be 'imi e'alama'i'itana 'ediyega, waewaiwai, ta toto'umalidi geya nuwami, 'enega 'agu tosimana kabokaboyao watoodi ga 'idi kabo wagieapwesena.