1 Kolinita 11:29 - Loina Tabu Auwauna NT

²⁹ Manuna 'eguma yaita 'i'e'ai besobeso nai 'inuma besobeso, ta nigeya 'inuwanuwa Keliso bwalana manuna, ma'etamo 'ana loina 'ida loba.

1 Kolinita 11:29 Σταυροειδείς Αναφορές

Luke 7:34

Ta esi 'abo'agu Tomota Natuna yamai be ya'e'ai ta yanumanuma, ta wate manugu walomugi, wagwaegwae, ‘Tai getei to'ai ta tonuma diidiga, ta wate takisi 'ana to'ewao be 'aidi wate toto'umalidi 'iegosigosiyanedi.’

Loma 13:2

'Enega 'abo yaita toloinao nidi 'isinalidi, ni'atu nate Yaubada 'ina guinuwa 'isinalina, 'enega e'isa to'umalina 'ida loba.

1 Kolinita 11:24

ta 'ilokagutoki Yaubada 'enaya ga 'igitomwena, ta 'igwae, “Gete oogu 'omi 'ami 'etoseyana manuna. 'Enega gete nadigega wada guinuwa'esa 'agu 'ebe nuwa'i'ita manuna.”

1 Kolinita 11:27

Ta 'abo yaita masula nina 'i'e'ai besobeso nai 'Inapwana 'ina keiga nina 'enega 'inuma besobeso, tai nina nate 'ina to'umalina, manuna 'ida 'Inapwana bwalana be lalana 'ediya 'iguinuwa besobeso.

1 Kolinita 11:28

'Enega 'abo nuwanuwada be 'Inapwana 'ina 'e'ai ta'a'ani, nugana 'ida bubuna manuna tada nuwanuwa, be wate tada giepaepaluda, be muliyega masula nina ta'a'ani, ta wate keiga nina 'enega tanunuma.

1 Kolinita 11:30

Gete 'alena 'enega 'ami le'oasao be 'imi nenetao tupwana yaudi siapweapwesa 'emiya, ta wate 'aina 'ami bodao ni'atu sikwaiya.

Ibeliu 5:14

Ta 'abo yaisigedi 'idi mwalatoi 'imatuwa, taudi 'atuwa masula pa'alina 'ana to'aiyao, manuna nuwadi ni'atu 'isabwalena ga sawesawediya siesinuwa to'ase bobo'ana ta to'ase to'umalina.

Yemesa 3:1

Tasigwao, geya'abo watootoo be yaumi waetoe'ita, ta wada mwalatoni 'aene 'abo tae'ita ta nigeya taguiguinuwe, ma'etamo Yaubada 'ida bwa'omatada sinabwana.

Yemesa 5:12

Ta tasigwao, 'ebweu wate yage sinabwana 'edaya 'aene geya'abo wasawasawa tamatamana Tamada 'ana esanega, nai bale'u yagenao 'ediyega, nai to yage tuga 'ediyega, 'abo 'imi onaupaupa 'ediya, ta esi wada gwae, “O,” 'abo 'imi nuwanuwa nadigega, ta 'abo nigeya, wada gwae, “Nigeya.” Manuna 'abo yage sinabwadi wa'inanadi, 'etamo Yaubada 'ietalaemi.