1 Kolinita 11:17 - Loina Tabu Auwauna NT

¹⁷ 'Ebweu wate 'imi bubuna manuna nigeya yagwaugwausowala, nate nigeya bobo'ana,

1 Kolinita 11:17 Σταυροειδείς Αναφορές

Loma 13:3

Ta toloinao nidi nigeya 'idi paisewa be 'aene tobobo'adi 'ediya sigiematauta, ta esi toto'umalidi 'ediya. 'Enega 'eguma geya nuwami be toloinao wada matautedi, 'ilobwenena wada bubuna palupaluna, be 'enega toloinao nidi sida 'awabobo'anemi.

1 Kolinita 11:2

Kagutoki gosegwao, manuna e'itao nidi ya'ebwa'emi ni'atu wanuwa'i'isidi ta wagiyaidi.

1 Kolinita 11:20

Ta wate 'imi deliegogona 'ediya 'abo 'inapwana 'ina 'e'ai tabu wae'ani 'ana 'ita nigeya bobo'ana,

1 Kolinita 11:22

'Enega 'ilobwenemi be taumi 'imi anuwa 'ediya wa'e'ai be wanuma, ta geya'abo Yaubada 'ana tapwalolo wagiegie to'umaliye, ta wate taudi gomagomabesodi wagiegie omayamayaedi. Gete manuna geya'abo yatuputupumi.

1 Kolinita 11:34

Ta 'abo yaita 'ibotanaya, 'ina anuwaya nada 'ida 'e'ai nugana, be 'enega geya'abo 'i'e'ai sinabwana tapwalolo solanaya, 'abona nai Yaubada 'igamwasowalemi 'imi tapwalolo 'ana 'ita to'umalina manuna. Nate namo, loina gete manuna. Ta esi 'aina 'ami loina wate simiyami, 'enega 'abo tuta nina yawawai 'emiya, loina nidi yada giepaepaludi 'emiya.

1 Kolinita 14:23

'Enega 'abo'ada toekalesiyao 'abo tapwalolo manuna tadeli egogonama be mali 'enanao 'ediyega taonaona, be 'aidi taudi nigeya Yesu 'ana toemisao silulugu be 'enada kwanikwanidi sinonodi, nai sida nuwanuwa 'aene taekabaleya, aga?

1 Kolinita 14:26

Gosegwao, 'abo tapwalolo manuna walulugu, 'ebweu tai wali 'ida alalagasi, 'ebweuna 'ida e'ita, 'ebweuna lotoona auwauna 'ida simana apwese, be 'ebweuna mali 'enana 'enega 'ida ona, be 'ebweuna ona nina 'ida gibuni, be 'enega guinuwa nidi 'ediyega boda sida lemedi.

Ibeliu 10:25

'Aidi gosedao tapwalolo 'ana deliegogona sinuwa pupulena, ta geya'abo 'omi nadigega, ta esi tuta maibo'ana wada giepa'alimi, be 'abo to tuta wamwalatonina 'aene Yesu 'ina ilalimanama selabenaya wada elemalema 'ai'aila, 'imi deliegogona 'ediya.

1 Pita 2:14

ta wate gabemaniyao wada 'amayabedi, manuna kini nina tauna 'iesinuwedi be gabemani nidi toto'umalidi sida loinedi, ta tobobo'adi sida 'awabobo'anedi.