1 Kolinita 11:16 - Loina Tabu Auwauna NT

¹⁶ 'Ada loina gete nadigega, ta nigeya 'ebweu wate mali loina toekalesiyao maibo'ada 'edaya, 'enega geya'abo 'ebweu yaita loina gete manuna 'ionaonaila.

1 Kolinita 11:16 Σταυροειδείς Αναφορές

Guinuwa 21:21

ga aleyo sinonona 'aene 'oyo me Yudia taudi mali senao 'adi tomiyanao 'ue'ie'itadi be 'aene Mosese 'ina loina sida guitoyasa, ta 'ueoeonadi 'aene geya'abo natudiyao me'olotodi sida lodalodabadi be tubudao 'idi bubuna geya'abo sida mulimuliye.

Guinuwa 21:24

'Enega 'oyo ma'ediya wagie'esasemi be watauya Anuwa Tabu 'ena, be 'aene 'uya'uyadi sida sui be sida taliya Yaubada 'ena, be 'imi guinuwa nina 'ana maisa maibo'ana 'oyo 'uemaisi, be gete 'enega tomota maibo'adi sida mwalatoniyo 'aene Mosese 'ina loina 'umulimuliye, ta 'awato'umalina nidi manuyo sinonodiya, maibo'adi ona besobeso.

1 Kolinita 11:15

ta 'abo iine 'uya'uyadi dudulana nate 'adi 'ebe tupu, be wate debadi 'ana 'ebe 'aubwasa.

1 Kolinita 16:1

Ta 'ebweu wate yage, 'ebwayadaita Yaubada 'ina tomotaiyao Yelusalema 'enaya 'adi lema manuna. Lowa me Galetia 'idi 'ebwayadaita manuna yaeonedi, 'enega 'omi wate nadigega wada guinuwa'esa,

1 Kolinita 4:5

'Enega gete tuga geya'abo 'ebweu yaita gosenao 'ediya 'iesiesinuwa 'aene bobo'adi nai to'umalidi, manuna ma'etamo 'ida 'Inapwana 'imama be taunamo 'iloineda. Ta 'ina loina nina palupaluna, manuna 'ida nuwanuwa to'umalidi 'atedega Yaubada 'ida gieapwesedi be 'ida loineda, ta 'ida nuwanuwa bobo'adi wate 'ida gieapwesedi, be manudi 'ida 'awabobo'aneda.

1 Kolinita 7:17

'Ida paisewa Yaubada ni'atu 'ieguyaiyena 'ebweuna 'ebweuna 'edaya, 'enega 'ebe paisewa nidi 'ediya tada miyami. Gete nadigega 'igu loina toekalesiyao sena maibo'ana 'ediya.

1 Kolinita 9:1

Geya'abo tomota sitootoo be siloinegu, nai silomulomugiyegu, ta esi wanuwa'i'isi 'aene 'abo'agu 'Inapwana Yesu 'ina toguinuwa 'ebweu, ga 'Inapwana nina ni'atu ya'itena, ga tetelina wate 'emiya yasimanena, ga waemisena,

1 Kolinita 9:6

Ta 'abo'agu be Banaba nigeya sa'i 'emaya nadigega wada guinuwa'esa, manuna 'abo'ama tauma 'a'ita'i'isima 'ima guinuwa 'ana maisa 'ediyega.

1 Tesalonaika 2:14

Ta wate miyamwau walobena, nadigega taudi Yesu Keliso 'ana toemisao sena Yudia 'enaya, manuna toekalesiyao nidi 'idi miyamwau silobena taudi 'idi tomotaiyao 'ediyega, nadigega 'omi 'imi miyamwau walobena taumi 'imi tomotaiyao 'ediyega.