1 Kolinita 10:16 - Loina Tabu Auwauna NT

¹⁶ Manuna 'eguma sakalameni manuna talokagutoki Yaubada 'enaya be tanunuma, nate Keliso lalanega 'igiebobo'aneda be Keliso ma'eda tae'ebweuna. Nadigega beledi, 'abo tagitomwa be ta'a'ani, beledi nina 'enega Keliso ma'eda tae'ebweuna, manuna tauna oona tae'ani.

1 Kolinita 10:16 Σταυροειδείς Αναφορές

Luke 22:17

'Enega oine makeigana 'i'ewena ga manuna 'ilokagutoki Yaubada 'ena ga muliyega 'ieonedi, 'igwae, “Keiga gete wa'ewa be 'ebweuna 'ebweuna maibo'ami wanunuma.

Guinuwa 2:42

ga sitagwala 'ai'ailedi tosimanao nidi 'idi e'itao 'ediya, ta siegosigosiyana 'ai'ailedi, ta si'e'ai leleleya, ta wate sisidasida Yaubada 'ena.

Guinuwa 2:46

'Enega 'asiyata 'ebweuna 'ebweuna 'ediya ma idi 'atetagwala sitapwatapwalolo Anuwa Tabu 'enaya, ta taudi 'idi anuwaya ma idi gwausowola si'e'ai egogona,

Guinuwa 20:11

Ta tubuwau nina si'au'ewa tu'eyena mayawasina, ta manuna sigwausowala sinabwana. 'Enega Paulo 'itu'e limana ga beledi 'igitomwena ga si'e'ai, ta 'enega ma'enao si'awa'awagwae ga 'ana laba tomwa 'iulisina, 'enega 'itoolo ga 'ipilisinedi.

Guinuwa 20:7

Wiki 'ana gimi 'asiyata 'ena maibo'ama 'adeli egogona beledi gitogitomwana 'ana 'ebe nuwa'i'ita sabi guinuwena, ga Paulo 'iloguguya, manuna mali 'asiyataya 'ina tuta tauya. Ta 'ina ona guguya nina 'iloedudulina ga 'ana laba niuniuwanaya, ta tuwa tuga 'etamo 'iloguloguguya.

1 Kolinita 1:9

Ona'ai'aila Yaubada ma 'ana emisa sinabwana, manuna 'ibwauyemi ga natuna, tauna 'ida 'Inapwana Yesu Keliso, ma'emi waegosigosiyana.

1 Kolinita 10:15

'Omi ma imi mwalatoi, 'enega 'igu ona gete manuna wada nuwanuwa sinabwana.

1 Kolinita 12:13

Manuna maibo'ada ni'atu tabapitaiso, yaluyaluwa 'ebweuna 'enega, ga ni'atu taeboda 'ebweuna. 'Abo'ama me Yudia be 'omi mali senao 'ediyega, be tomiya mwau be tomiya bobo'ana, ta ni'atu maibo'ada taeboda 'ebweuna Yaluyaluwa Tabuna nina 'edaya 'imiyami 'enega.

Ibeliu 3:14

'Abo'ada lowa 'ida emisa Keliso 'ena tasa'una, ta 'abo 'ida emisa nina tagiyai'i'isi be 'ana laba tuta 'ana 'ebe losalowa 'enaya, Keliso ma'edai taegwausowala leleleya.

1 Yoni 1:3

Tauna 'a'itena ta 'anonona ga 'emiya 'asimanena be 'aene 'omi ma'emao taegosigosiyana leleleya, ta wate Tamada be Natuna Yesu Keliso ma'edao taegosigosiyana leleleya.

1 Yoni 1:7

Ta 'eguma sena maedana 'ena tamiyami, nadigega Yaubada nina sena maedana 'ena 'imiyami, nate taegosigosiyana 'ai'aila, manuna Natuna Yesu lalanega 'igie'esaseda 'ida to'umalinao maibo'adi 'ediyega.