1 Kolinita 1:7 - Loina Tabu Auwauna NT

⁷ ta wate Yaubada 'ina 'ebwaya bobo'adi maibo'adi 'emiya simiyami, tuta gete wayamwayamwa 'ida 'Inapwana Yesu Keliso 'ina apwesa limanama manuna.

1 Kolinita 1:7 Σταυροειδείς Αναφορές

Madiu 25:1

Ta Yesu 'ieonedi wate, 'igwae, “Yaubada 'ina loina gete nadigega: Gomagweine site sanau 'idi mayale si'ewedi ga sitauya toai me'olotona sabi aesotena 'ina ai sagalina 'ina mai 'ena manuna.

Luke 12:36

'atuwa nadigega 'ali'eiyao 'idi 'inapwana siyamwayamwai 'ina ilama ai masulina 'enega manuna. Ta 'abo to tuta 'ena 'iapwesama be 'awa 'ena 'i'aukeke, palupaluna tuga 'awa nina sigigege be 'ilulugu.

Luke 17:30

“Yage nidi siapwesa 'ediya, 'iabe wate nadigega tomota 'ediya sida apwesa'esa, 'abo tuta nina 'abo'agu Tomota Natuna yaila limanama.

Loma 8:19

manuna Yaubada 'ina mwelumweluluwao maibo'adi siyamwayamwa be nuwanuwadi sinabwana be 'aene natunao nida 'ida gieapweseda be sida 'itada.

Loma 8:23

Ta 'abo'ada ni'atu Yaluyaluwa Tabuna lotoona bobo'ana gidalina tuga 'i'ebwa'eda be muliyega miya bobo'ana taloba 'ai'aili, 'enega gete tuga ma ida 'elouya tasidasida ta tayamwayamwa, be 'enega to tuta 'ena ooda 'ida gieauwau, be 'ida 'awanatuna 'ai'aileda.

1 Kolinita 4:5

'Enega gete tuga geya'abo 'ebweu yaita gosenao 'ediya 'iesiesinuwa 'aene bobo'adi nai to'umalidi, manuna ma'etamo 'ida 'Inapwana 'imama be taunamo 'iloineda. Ta 'ina loina nina palupaluna, manuna 'ida nuwanuwa to'umalidi 'atedega Yaubada 'ida gieapwesedi be 'ida loineda, ta 'ida nuwanuwa bobo'adi wate 'ida gieapwesedi, be manudi 'ida 'awabobo'aneda.

2 Kolinita 12:13

Wate 'igu guinuwa manumi tuga nadigega 'igu guinuwa ekalesiyao maibo'adi manudi, ta 'ebweu yage namo nigeya 'emiya yaguiguinuwa, 'agu lema mani ya'ewena ekalesiyao yaudi 'ediyega, ta esi 'omi 'emiyega nigeya. Gosegwao, yasidasida 'emiya be 'igu loegesi gete wada nuwatau.

Galetia 5:5

Manuna 'abo'ada Yaubada taemisena be 'aene 'i'awa palupaluyeda. Gete 'ida nuwayaina Yaluyaluwa Tabuna 'enega, ga manuna tayamwayamwa.

Pilipai 3:20

Ta 'abo'ada esi 'ida sena galewaya, be gote 'enega 'ada To'etoseyana, tauna 'ida 'Inapwana Yesu Keliso, ma'etamo 'iilama, ta tauna manuna tayamwayamwa.

Kolose 3:4

Manuna yawasida bobo'ana Keliso nina 'enega ta'ewena, 'enega tuta nina 'abo Keliso 'iapwesama, 'omi wate Keliso ma'emiya waapwesa 'ina esaesa tuyatuyayalina 'enaya.

1 Tesalonaika 1:10

ta Natuna wayamwayamwa be to tuta galewega 'ida ebusima. Tauna Yesu nina Yaubada mwawasega 'igietoolona be 'i'etoseyeda be 'aene geya'abo bwa'omatana 'ena taapweapwesa.

2 Tesalonaika 1:7

'Omi tomiyamwau yaeonami 'aene ma'etamo 'ida 'Inapwana Yesu galewega 'ida mwa'uta maninima, ma ina aniloseyao ta 'awe sabelulu wate 'ida me'e, be 'omi ta 'abo'ama 'ida 'ebe eyawai'ata 'ida 'ebwa'eda,

2 Timoti 4:8

'Enega ma'etamo 'ida 'Inapwana 'agu pali, bubuna palupaluna manuna, 'i'ebwa'egu. Ta pali nina ni'atu manugu 'igibubuna ga 'imiyami. Ta 'Inapwana nina ma ina loina palupaluna, 'abo 'asiyata nina 'iapwesama, 'abo'ada 'ina ilalimanama 'ana toyamwanao 'ada pali 'i'ebwa'eda.

Taito 2:13

Gete tuga ma ida gwausowala 'ada To'etoseyana Yesu Keliso taemisena, tauna 'ida Yaubada waiwaina ta ma ina esaesa, 'enega 'ina apwesama manuna tayamwayamwa.

Ibeliu 9:28

Wate nadigega Keliso 'ina mwawasega tauna 'italiyaena ma'ebweuna namo, be yauyauda 'ida bubuna to'umalidi 'i'ewa yauledi, ta ma'etamo 'iila limanama, be nigeya 'aene bubuna to'umalidi 'i'ewayaula limadi, ta esi sabi 'etoseyeda 'abo ma ida nuwa'ewa tayamwayamwa.

1 Pita 1:13

'Enega yage gete manuna 'imi nuwanuwa maibo'ana wagiepa'alidi, be 'imi emisa wada sa'u 'ai'ailidi, 'aene tuta nina Yesu Keliso 'ida apwesama 'ebe gwausowala wada loba Yaubada 'enega.

1 Pita 4:13

Ta esi wada gwausowala manuna Yesu Keliso 'elouya 'ilobena, ga 'omi nadigega tuga walobaloba'ese, be muliyega tuta nina 'ina esaesa 'iapwesama wada gwausowala 'ai'aila.

1 Pita 5:4

Be 'enega tuta nina To'ita'i'ita sinabwana 'iapwesama, tauna 'enega 'ami pali bobo'ana ta miyamiya atayana waloba.

2 Pita 3:12

Ta wada yamwayamwa ma imi nuwayaina 'Inapwana 'ina 'asiyata 'ina mai manini manuna, be tuta nina 'enaya Yaubada gimigalewa be gimibale'u 'iloesawalidi 'awe 'ala'alasina 'enega,

1 Yoni 3:2

Gosegwao, gete tuga Yaubada 'i'awanatuneda be ma'etamo to'ase 'iapwesa 'edaya? Nate namo tamwalamwalatoni 'aene 'ina ilalimanama 'enaya 'ana 'ita tauna tada 'ita, ta 'abo'ada 'ada 'ita 'iesa'u gelasedi be tauna nadigega.

Yude 1:21

ta wate oboboma Yaubada 'enega wagiyai'i'isi, be wayamwayamwa be to tuta 'ena 'ida 'Inapwana Yesu Keliso 'ina 'atenuwa 'ole'oleyega yawasimi ataya 'ida 'ebwa'emi.